فتاة التنمر

الفصل التاسع

*عند مراد *

ملك: احم هو انت ليه مش سامحت مليكه 

مراد:  اوعي تكوني مفكره  انها جت انهارده علشاني لا علشان باباها  وليه مش سامحتها لان في حاجات محدش يقدر يسامح فيها 

ملك:  بس انت بتعشقها 

مراد:  اه قولي لنفسك الكلام ده 

ملك بضيق:  بس انت جوزي وقرة 

مراد بغضب:  هششش متقوليش الكلمه دى 

ملك  بضحك:  ليه بس دي جميله

مراد:  ابوها كان عايز يقتلني  وسليم انقذني في اخر لحظنه وغير كدا هي شتمت بابا الله يرحمو لا صعب انسه كل ده واعدي 

ملك: وبعدين 

مراد:  لما عرفت ان ابوها تاجر مخدرات اقسم بالله قولت اني عمري ما هسبها هفضل معاها واحميها من شر الراجل ده كنت دايما انا الي بصرف عليها حتي الاكل انا الي بجيبو علشان متكولش ولا تلبس من فلوس حرام  

ملك بحزن:  انت بتحبها اوي 

مراد:  اوي وصدقيني مش هتوصلي للمكانه بتعتها انتي بتتعبي نفسك وخلاص انا لي مليكه وبس 

ملك بثقه:  انا عارفه اني مش هوصل لي مكانتها انا هوصل لي مكانه اكبر بكتير من مكانتها بس انت قول ياىب 

مراد بصدمه:  ايه الثقه دي يابنتي

ملك:  انا مبخدش مكان حد يامراد هي الي سبتو

مراد بغضب:  بس انا عايزو فاضي تمام 

ملك: تؤتؤ طول عمري بشوف في روايات البطل هو الي بيجري ورا البطله علشان تحبو بس انا هغير الفكرة دي انت جوزي وحلالي يعني اي محاوله بعملها حلال حلاااال 

مراد: يسلام ولو مش جوزك 

ملك : اقسم بالله ماكنت عبرتك كنت حبيتك من بعيد لان كل حاجه ليها حدود تعرف ليه جت عشت معاك في فيلا لان امي ولا مهتمه بوجودي اتجوزت واحد بعد بابا ومش مهتمه بيا اصلا انا عشت طول حياتي في تنمر من شكلي محدش قالي كلمه حلوه غيرك محدش جبر بخطري غيرك حبيتك لان راجل وعقلك نضيف 

مراد بهدوء: ملك انا محترم مشاعرك ليا بس صدقيني مش هقدر احبك

ملك بثقه: هتحبني المهم انا هروح المول اجيب شويه حاجات محتاجها 

مراد بضيق: سبحان الله مش كنتي عايزه تهربي من يومين 

ملك. بابتسامه:مستحيل اسيبك 

ملك مشيت من قدامو وخرجت من المكتب وابتسمت بحزن وافتكرت الي حصل معاها امبارح...

فلاش باك...

ملك معرفتش تنام وقرارت تنزل الجنيه وفتحت باب الاوضه وانصدمت لما لقت مليكه قاعده في الارض