بنات حجي عمران الفصول الاربعة

البارت الثاني

سحر : لخاطر الله شبيج

سمر : امشي تعاي نحجي على جهة ما نحجي كدام الغربة

سحر : ذو الفقار مو غريب سمر

ذو الفقار : سحر اني رايح

سحر : الله وياك حبيبي لا تزعل

سمر : لا فدوة خاف زعلت الله عليك روح زعلان... هزيت ايدي و رجعت للسيارة

نور : ما سمعت شكلتي بس ادري بيج صخمتيهة ترى اذا انتي تكرهني الولد عيب تفشلين سحر كدامة

سمر : والله العظيم لو بيدي ما اخلي سحر تتزوج هل مرعبل لا والله

نور : كافي عيب ع الاقل سحر تحبة و هوا محترمهة ما الج حق بعد تدخلين

سمر : ضلو ناركم تاكل حطبكم

سحر : ذو الفقار لا تزعل معليك بهاي المخبلة

ذو الفقار : لا يا عمري كلشي يهون المهم انتي وياي يلة هسة روحي البنات منتظراتج

سحر : ماشي يعمري الله وياك ... راح ذو الفقار و اني رحت صعدت بالسيارة مشتعلة نار

سحر : سمر شنو تصرف اللا ابالي ترى عيب عليج ذو الفقار ابن عمتنة و خطيبي

سمر : هي عمتج اشلونهة حتى يطلع ابنها زين خرب حظي اي والله تالي بنت عمران تتزوج ابن ام السحورة

نور : سمررر كافي شنو هل حجي عيب عليج ترى اذا بابا يسمع هل كلام يقبل بي ؟

سمر : ها يعني عمتج ما تسوي سحورة هااااا جاوبيني عمتج ما تسوي سحورة ... هاا شو ساكتات لصمجن العباس

عايدة : هههههه هي وحدة من الاثنين لو مقتنعات بكلامج و عمتج ام السحورة لو يخافن يردن عليج

سحر : أمنت بالله عمتي مو زينة نروح نعاقب ذو الفقار على افعال امة يصير

سمر : نور وكفي السيارة اريد انزل

نور : ياااا بطلي خبالج ولج

سمر : لعد موضوع ابن ام السحورة سدي

سحر : هاهية سكتنة بس كافي و انتن شعجب اليوم طالعات من وكت

نور : ماما خابرتني تكول عمامي جايين ع الغدا

عايدة : بس عمامي لو عوائلهم هم

سمر : لا اشلون خلي تجي عوائلهم خلي ست نور تشوف استاذ حيدر

نور : وكفت السيارة و افتريت على سمر و كلتلها ولج شنو موضوعج شبيج اليوم

سمر : راح تموتني والله راح تموتني ما بيجن وحدة بيها خير انتي تحبن حيدر الي الله ما جارعة و الخانم اختج تحب ذو الفقار لا هوا بشر و لا هوا حيوان

سحر : بسسسسسسسس ولج بسسسس وكلتيني وحل كااافي لا تدخلين بحياتي معليج انتي خوش عود من اجيج اشكيلج من ذو الفقار اطرديني لا تسمعيني و هسة صمي حلكج