ما قال شي 💔
دور العربيه و اتحرك ....
سكوتو كان الجواب و فهمت اللازم افهمو ،، على الأقل عرفت موقعي وين و انا بالنسبه ليهو شنو ،، حقيقة يعنى الراحه مرات في الجرح ، تنجرح مَـرّھٌ ولا تنجرح في كل مَـرّھٌ ، على قدر ما الموضوع دا صعب علي على قدر ما سهلها علي و خلاني اقدر أتخلى...... في مقوله بتقول (قد يصان الود بالبعد أحيانا ) 💔.
_ خليك منـِْهـ♡̨̐ـِْا انا نفسي ما فاهمك يا حيدر !
في البدايه أفتكرت انك ما عايز تتكلم معاها عشان حاسي بالذنب تجاها و عشان هي كانت في المستشفى بسببك ! لَـگِنْ هسي! مدام هي فتحت ليك قلبها و حكيت ليك بغض النظر عن انها ما اتكلمت إلا لمن أصريت عليها ،،لَـگِنْ ليه سكت و ما قلت حاجه؟ ما قادر ألقى ليك أي مبرر لسكوتك دا ! مرات بحسك بتهتم بيها و م̷ـــِْن خلال گلآمَگ. عنها شكيت انك بتحبها ! جد جد يا حيدر انَـت بتحبها ولا مزاج مـڼـڱ ساي؟
قلت ليهو ما عارف يا طارق لَـگِنْ حاول تفهمني ، حاليا راسي جايط و ما مستوعب شي.
_ كيف يعنى ما مستوعب شي؟ عايز تقنعني انك ما كنت عارف إنها بتحبك ولا لٱ؟ ليه محسسني انو الموضوع جا فجأه كدا؟!
نصيحه مني يا حيدر دامك ما عايزها و ما عندك ليها حاجه ما تقرب منـِْهـ♡̨̐ـِْا تاني بحجة انك ولد عمها ،، يمكن أسلوب معاملتك الخاص ليها بغض النظر عن أسبابو بالنسبه ليك عُاَدّيَےّ جدا ، لَـگِنْ هي عكسك كل كلمه مـڼـڱ أو تصرف بأثر عليها ،، بس جاوبني انت في بداية الموضوع دا مش وضحت ليها؟ ليه اتراجعت تاني و بقيت تقرب منـِْهـ♡̨̐ـِْا و انت ما عندك ليها حاجه؟ ولا حب إمتلاك ساي؟
قلت ليهو طارق عليك •اللّـہ̣̥ كفايه ،، ما عايز اتناقش في الموضوع دا ، رجاء اقفل السيره دي.
_ طيب ما تجاوبني لَـگِنْ على الأقل خليك صريح مع نفسك ، اقعد براك و فكر بينك و بين نفسك......و ياريت المَـرّھٌ دي تبقى قدر قرارك و ما تلف و تدور 😊.
ليها فتره كانت متغيره مني و على حسب معرفتي بيها ما بتتعامل كدا إلا لمن يكون ما عندها حاجه لزول ،، تغيرها مني في الفتره الآخيره خلاني أفكر انها لقت ليها زول تاني و ارتبطت بيهو ،، في الًيَوُمًِ داك لمن سألتها ليه مضايقه مِڼـّي كنت متخيله حتكون زعلانه مِڼـّي لأني بغير قصد دفرتها لمن كنت بضارب مع الصيدلي، كلامها ما صدمني أو فاجأني شديد ، لَـگِنْ ما اتوقعتو ،، ما قدرت افهمها و اقول ليها شي ،، اصلا اقول شنو و انا ما فاهم نفسي و ما عارف عايز شنو ،، أفكاري كانت مجهجه و فكري مشتت عشان كدا السكوت بالنسبه لي كان احسن حل .
_ شفتي يا روان ما قلت ليك بس اصبري عليهو هدا قرب يرجع ليك
= ما لقيتي طريقه غير دي يا نمارق؟ اتخيلي لْـۆ زول عرف !! أخواني حيقتلوني قبل أبوي والله و حيقطعوني حته حته
_ فهمتك مية مَـرّھٌ! ! اعمل شنو ؟ ما جات في بالي غير الكذبه دي ، زنقني زنقه شديده ،، هرشه وحده بس منو خلتني اتراجف ، فإتخيلي لْـۆ كان لفيت و درت و اتماطلت معاهو بالجد كان ح يكفتني ، لَـگِنْ اطمني حيدر مستحيل يفكر يكلمهم .
= و انتي ليه متأكده للدرجه دي؟
_ حيدر و انا بعرفو شيال التقليه و بتحمل مسؤولية العليهو و ما ليهو فيها يد و لٱ كراع ،، الكذبه دي كبيره و مقنعه
= مها دي طلعت فكر خلاص ما اتوقعت إنها توريهو الرساله ،، متأكده انها الورتو؟
_ أكيد هي منو غيرها ؟!! ماف زول غيرنا و غيرها عارف محتوى الرساله دي ! خلينا م̷ـــِْن دا و قولي لي قال ليك شنو تاني؟ ما فتح معاك موضوع الخطبه أو العرس؟
= لٱ ما قال لي حاجه بالخصوص دا يا نمارق بتكلم معاي عُاَدّيَےّ ، كيفك و أخبارك ، حاساهو زي الجايط و ما عارف يعمل شنو ، م̷ـــِْن خلال طريقة كلامو معاي و برودو كأنو بقول لي أي خطوه بخطيها لقدام أو اي قرار حتخذو حيكون غصب عني و انا ما عِنـ.̷̷̸̷̐ـديّ ليك حاجه ) بتغابى و بعمل نفسي رايحه و ما فاهمه شي م̷ـــِْن تلميحاتو و انا أي كلمه منو بتمر علي مر السيف على الجرح 💔 بعمل نفسي طرشها و ببلعها ، •اللّـہ̣̥ لٱ ضوقك الأذيه البتكون م̷ـــِْن الزول البتريدي، انا حيدر دا لٱ بحبو م̷ـــِْن الليله لٱ م̷ـــِْن أمبارح م̷ـــِْن لمن كنا صغار كنت بريدو حتى ما كنت بلعب مع زول غيرو ، كنت ببكي عديل لمن أشوفو بلعب مع ناس ابتهال و مها لدرجة في يوم قلت لأمي إلا نجي و نسكن معاهم ، كبرت و كبر معاي حبي ليهو ، قدر ما حاولت ألمح ليهو و احسسو اني بهتم بيهو فشلت ما عارفه هل فعليا انا فشلت ولا هو الما قدر يفهمني ولا فاهمني و عامل رايح !! حتى لمن سافر برا السودان و قعد هناك ما قدرت انساهو و أشيلو م̷ـــِْن بالي 💔.
_ عشان كدا انا واقفه معاك ،، انا الوحيده الشاهده على الحاجه دي ، و أبدا ما تخليهو انتي بتحبيهو م̷ـــِْن زمان و فلانه دي خاشه غلط ،، و لْـۆ جينا للصّـْْ(☑)ـْْح فإنتي الأولى بيهو منـِْهـ♡̨̐ـِْا .
= طيب حيدر بحبها؟
_ ما مهم بحبها ولا لٱ المهم يعرسك انَـỲǑŲـْتي و لْـۆ كان بحبها مع الزمن حينساها و حيتعود عليك لَـگِنْ ما اظن انو بحبهَـ (⊙﹏⊙) ــاآ.
= لَـگِنْ اهتمامو بيها بيحو لي انها مهمه بالنسبه ليهو.
_ تعالي اقول ليك دا دي معلومه اعرفيها مِڼـّي الراجل بطبعو بحب الأنثى العنيده و الما بتتحنك بسهوله و بشوفها مختلفه عن الكل و كل ما هي تبعد عنو بجري وراها و أول ما يصلها بتبقى ليهو عاديه ّو بقنع منـِْهـ♡̨̐ـِْا و بمشي لغيرها.
= عشان كدا هو ما شغال بي صّـْْ(☑)ـْْحّ ؟ عشان انا راميه نفسي عليهو؟
_ حالتك دي استثنائيه نحنا هسي بهمنا إنو يعرسك و بعد العرس ما ضروري ترمي نفسك عليهو و اتصرفي زي ما عايزه و بشطارتك و طريقتك الخاصه خليهو هو يجري وراك 😉.
