على يميني أعمامي كلهم مترصين على السراير و جنبهم "ابوي" و شمالي عماتي زوجات اعمامي و علـّۓ. الأطراف بنات و أولاد اعمامي و قدامي أمي و حبوبه و جدي ،، الصمت كان مخيم و مسيطر على الوضع ،، كنت بحول عِنۋۋۋ♡̷̴̬̩̃̊نيّے بين أمي و حبوبه ،، عيونهم كانت مليانه دموع و لسه بحاولوا يستوعبوا في الكلام السمعوه ،، وقفت حبوبه و بخطوات متثاقله اتحركت علـّۓ. أبوي ،، وقف على حيلو و فضل يعاين ليها لحدي ما وصلتو و ضمتو عليها و قعدت تبكي ،، عدة فتره طويله و هي ماسكاه و بتبكي فيهو و هو بحاول يهدي فيها ،، ساقتو و وقفت قصاد أمي التوبها اتبلى م̷ـــِْن كترة البكي ،، وقفت علـّۓ. حيلها و بقت تبكي فيهو ،، بكت بحرقه شديده عماتي حاولوا يهدوها بس ما قدروا ،، جدي قرب منو و بقى ضاميهو عليهو و تلقائيا بقى يبكي > الًيَوُمًِ داك بطولو و عرضو قضيناهو بكى ،، لحدي الًيَوُمًِ التالت بيتنا ما فضى م̷ـــِْن الناس كل الأهل العرفو بالخبر جوا عشان يشوفوه و يسلموا عليهو و كل يوم ضابحين ضبيحه.
_ بالله شوفي يا سلافه السراق دا تاني جانا
= هوووس يا هاجر هسي يقوموا يسمعونا وطي صوتك
_ غيتو لْـۆ جا بعد مية سنه انا دهبي ما عافياهو ليهو
= ما سرق مـڼـڱ براك يختي كلنا سرقنا و عدمنا القرش
_ و على العلينا ما متذكر العملو ، غيتو برانا حنموت م̷ـــِْن المغصه و الوجعه و هو ولا على بالو
= الخوف يسرقنا تاني و يهرب و يجينا بعد مية سنه 😑
_ زي ما بقولوا الدم بحن ،، مع اني ماسح و ما متذكر حاجه بس ارتحت هنا و حاسس إني لقيت ضالتي ،، ما متذكر طلعت م̷ـــِْن البيت ليه أو كنت ماشي وين ،، في لحظات بس اتمحت كل ذكرياتي و اتولدت م̷ـــِْن جديد ،" اتولدت و انا كبير ،، أول ما فتحت عِنۋۋۋ♡̷̴̬̩̃̊نيّے لقيت نفسي في مكان ما بعرفو و مع ناس ما بعرفهم اصلا كان بالنسبه لي كل حاجه جديده و غريبه علي ،، و رغم عدم معرفتي بشي م̷ـــِْن حياتي السابقه بس كان في احساس جواي بقول لي انو انَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَ ما بتنتمي للمكان دا ولا ليك علاقه بالناس ديل مع إنهم ما قصروا مِڼـّي و عاملوني كأني فرد منهم ،، مع الزمن اتعودت عليهم و اتعايشت معاهم و بقوا أعز الناس علي ،، انتوا أهلي ما بنكر بس ديلك كمان بقوا لي أهل ،، جيت معاكم بس عشان أشوفكم و اتعرف عليكم لَـگِنْ انا مكاني ما هنا انا مكاني هناك خليت وراي بنتين و جيت و هسي راجع ليهم.
خلص كلامو دا و لقاني كلنا بنبكي ،" يعنى تاني حيرجع؟ تاني حيمشي و يخلينا؟ حبوبه وقفت و قالت ليهو والله م̷ـــِْن هنا ما بخليك تتحرك و بقت تبكي فيهو ،، جدي قال ليهو يا ولدي نحنا ما صدقنا لقيناك بعد السنين دي كلها و هسي داير تمشي و تخلينا في قفاك؟ عاين للبتبكي دي مش برضو بتك؟ و ديك مش مرتك؟ عارفهم كيف كانوا عايشين في غيابك؟ عارف بتك كبرت كيف بدونك و العانتوا شنو؟ ما بقول ليك خلي بناتك الإتنين عشان بتك دي لأنو في النهايه كلهم بناتك و كلهن بناتنا ،، عشان كدا يا ولدي جيب بناتك و تعال اقعد معانا هنا ،، >
أبوي قال ليهو ماف طريقه والله انا راجع لبيتي و أهلي الهناك ،، جدي قال ليهو اسمعني للنهايه و ما تقاطعني ،، حتجوا تسكنوا معانا هنا لمدة 3 شهور حنحاول نعالجك فيها بإذن •اللّـہ̣̥ بعديها لْـۆ رجعت ليك ذاكرتك أو لٱ ما بمنعك تاني م̷ـــِْن الرجعه ،، اعمامي ادخلوا و دعموا كلام جدي و قعدوا يقنعوا في أبوي لحدي ما اقتنع و وافق بس قال حيسافر بكرا و لمن يرجع حيرجعهم معاه ،، خالي قال ليهو نحنا ذاتنا مسافرين بكرا ....المهم يومنا داك كلو قضيناهو ونسه ،، في آخر الًيَوُمًِ شلت تلفوني و اتصلت على حيدر الخط كان خاشي بس ماف رد 💔
مشيت لعدنان و قلت ليهو حيدر وين؟ قال لي في الأبيض! قلت ليهو انت اتصلت عليهو؟ و طيب ليه ما جا راجع انا اتصلت عليهو كم مَـرّھٌ و تلفونو كان مغلق ! قال لي أمبارح كنت بتكلم معاهو و قال مٍشًغوٍلً ، قلت ليهو كدي جيب تلفونك ،، شلتو منو و شفت سجل المكالمات و فعلا حيدر هو الإتصل على عدنان ،، افهم شنو م̷ـــِْن حركتو دي؟! قصدا ما عايز يرد علي؟ رجعت البيت و ما عارفه ليه عملت كدا بس تاني شلت التلفون و اتصلت عليهو و فضلت اتصل لحدي ما الخط فتح ،، سكت و ما قلت حاجه كنت منتظراهو هو يتكلم.....اخيرا اتكلم و قال لي انا كويس يا مها و قفل الخط
دا شنو يعنى؟ افهم انو ما عايز يتكلم معاي؟ اتصالاتي زعجتو و ما كان في داعي ليها؟ أيدا ما لمت نفسي و قلت ما كان اتصل المهم انا ريحت ضميري لأني كنت حاسه بالذنب و خايفه يحصل ليهو شي بسببي لَـگِنْ مدام قال كويس خلاص معناها كويس و ما ح ادقق في نبرة صوتو و ما حقول يمكن بكذب علي و ما حقول ليه اختصرني المهم عملت العلي .
