_ لسه ما فتحوا الباب يمكن البيت فاضي
قلت ليها هسس سامعه صوت رجلين ، الباب افتح و كانت توسل قدامي أول ما شافتني صرخت و قالت لي مهااا و جات حضنتني قالت لي وين مشيتي م̷ـــِْن الًيَوُمًِ داك ما شفناك تاني ...انتبهت انو معاي زول ،، سلمت على ريم و قالت لينا اتفضلوا ، دخلنا معاها البيت و سلمت علـّۓ. سجده و خالتو فردوس ،، بعد ما ضيفونا خالتو فردوس قالت لي ان شاء •اللّـہ̣̥ أهلك ما شاكلوك يا بتي عشان الًيَوُمًِ داك ولد عمك دا م̷ـــِْن الطريقه الساقك بيها كان باين عليهو غضبان و قلت يمكن يعمل ليك شي ، قلت ليها لٱ ما عمل لي شي، بس انتي كيف عرفتي انو ولد عمي؟ قالت لي الولد الكان معاكم رجع و فهمنا الحاصل و انو الساقك دا ولد عمك و بعدها توسل و سجده حكوا لي لَـگِنْ بالغتي يا بتي جنوب شنو الكنتي حتمشي ليه ....سكتنا كلنا كسرت الصمت و قلت ليهم العم جلال وين؟ توسل قالت لي في المستشفى ، قَلبـ♡ــيے. قبضني شديد لأنو في المستشفى بسببي ، قلت ليها بصوت مكسور بسبب الضربه ديك؟ قالت لي لٱ أبوي بقى كويس لَـگِنْ قبل أيام بس كان راكب ورا في بوكسي و الباب افتح و أبوي جا واقع في كومه م̷ـــِْن الحجار و ضرب راسو و على الضربه ديك بقى يجيهو صداع شديد ، قلت ليها في مسُتشًفيےّ شنو ؟ قالت لي لٱ ما هنا في الخرطوم ، قلت ليها ايواا ربنا يواليه بالعافيه ...ما عرفت كيف افتح ليهم الموضوع و اقول ليهم السبب الجيت عشانو ،، بقيت أفكر بيني و بين نفسي أبدى ليهم كيف و اقول شنو ، لمن رفعت راسي لقيتهم كلهم منتبهين معاي شكلهم حسوا إني جايه لسبب ، قلت لتوسل لمن كنت قاعده معاكم بالصدفه شفت لي مجموعة صور و م̷ـــِْن بين الصور دي في صوره بتهمني شديد ، عاينوا لبعض ،، خالتو فردوس قالت :( لي صورة شنو؟ كدي يا سجده امشي جيبي الصور ) .
سجده مشت جابت الصور و جات و فتشتهم صوره صوره بس ما لقيتا 💔 قلت ليهم انا متأكده شفت الصوره مع الصور ديل ، سجده قالت لي بضيق صورة شنو هي؟ سكت و ما رديت
فردوس : يعنى الصوره فيها زول بتعرفيه؟ و الجابها هنا شنو يعنى؟
قلت ليها ما عارفه الجابها شنو هنا عشان كدا جيت و سألتكم ،، قالت لي غيتو في البيت دا بجونا ضيوف كتار يمكن حقت واحد منهم ،، قلت ليها طيب حاولي اتذكري قبليني اىجاكم منو؟ و هل الرجال بدخلوا الغرفه دي؟ مش دا حوش النسوان؟ معناها الصوره ديك كانت عند مَـرّھٌ و هي نستها هنا ؟ قالت لي والله ما عارفه يا بتي كل الإحتمالات وارده.
توسل قالت لي ما قلتي لينا بتعرفي الناس الفي الصوره ديك؟
قلت ليها ايوه بعرفهم ، انا و أمي و أبوي نحنا التلاته كنا في الصوره الضاعت ، خالتو فردوس قالت لي شي يحير والله معقوله تكون أمك حصل جاتنا هنا ؟ قلت ليها ما عارفه يا خالتو
قالت لي ما فهمت يعنى هي مجرد صوره انتي عايزاهَـا لييه؟ مش أمك و ابوك الإتنين معاك؟
قلت ليها عايزاها ساي بس (طبعا ما حبيت احكي ليها عشان ما يكتروا لي الأسئله و اضطر احكي ليهم قصة أبوي )
قالت لي خلاص كن لقيناها بنمسكها ليك ، لَـگِنْ نصل ليك كيف؟ قلت ليها ح اجيكم بعد فتره ، قالت لي خلاص ټمـٱمـ ، عاينت ل ريم و قلت ليها نمشي بعد دا ، قالوا لينا إلا تقعدوا تتغدوا معانا ، بس نحنا كنا مصرين نمشي ،، المهم ودعناهم و طلعنا منهم ، و ريم بدت تتكلم معاي و تسأل فيني و انا كنت في وادي تاني، يعنى بعد ما افتكرت خلاص اني لقيت أبوي رجعت تاني لنقطة الصفر ، حتى الصوره ما لقيناها على الأقل لْـۆ كانت موجوده يمكن يتعرفوا على الناس الفي الصوره و كنت ح اتأكد هل أمي جات البيت دا ولا لٱ ،، خيبة الأمل شالت نفسها و جات دقت خيمتها في نفسي 💔
ريم صرخت بصوت عالي و قالت لي طرشه انتي؟ م̷ـــِْن قبيل بتكلم معاك ما سامعاني؟
قلت ليها ريم ما تنقي فوق راسي الفيني مكفيني ،، قالت لي طيب انا جعانه اعمل شنو؟ قلت ليها في سوق قريب م̷ـــِْن هنا أرح ليهو ،، قالت لي دا السوق اللقيتي فيهو ميري؟ قلت ليها ايوه ...
مشينا السوق و دخلنا اقرب دكان قالت لي نشتري شنو؟ قلت ليها انا ما عايزا حاجه اشتري انتي ،،، المهم اشترت و طلعنا م̷ـــِْن الدكان ، قلت ليها خلينا نصلي العصر و نتوكل، قالت لي نتوضا وين؟ و في مكان هنا عشان نصلي فِيَھ؟ خايفه المغرب يجينا هنا ، قلت ليها ان شاء •اللّـہ̣̥ حنطلع قبل المغرب لأنو الحتات دي ما آمان بليل تعالي معاي ،، مشينا صلينا العصر و دخلنا وسط السوق عشان نشوف لينا بوكسي أو دفار نرجع بيهم ،،
السلام عليكم
إتلفتنا على مصدر الصوت الما كان غريب بالنسبه لي ،، و زي ما اتوقعت حيدر ،، قلنا ليهو و عليكم السلام
قال لينا الجابكم شنو هنا ؟ ريم قالت ليهو جينا عشان....لكزتها و قلت ليهو الزول بجي السوق عشان شنو؟ قال لي معروف لشنو لَـگِنْ ما شايفكم اشتريتوا حاجه 😏 قلت ليهو لأنو ماف شي عجبنا
قال لي طيب لْـۆ خلصتو خلونا نرجع ،، عاينت لريم و هي عاينت لي طبعا فهمت قصدي لْـۆ حيدر مشى معانا البيت حيعرفوا اننا كذبنا عليهم ، بس ما قدرت اقول ليهو لٱ ركبنا معاهو و لمن قربنا م̷ـــِْن بيت خالي المغرب أذن ، قلت لحيدر نزلنا هنا، قال لي لييه في شنو؟ ريم قالت ليهو عايزين نزور جارتنا قبل كم يوم عملوا ليها عمليه ،، وقف العربيه ريم نزلت و لمن جيت انزل قال لي دقيقه ما تنزلي ،، ريم قالت لينا خلاص انا ح اخش ليها قبلك ټمـٱمـ و اضطرت تخش بيت الجيران عشان تأكد لحيدر 😂😴
قلت ليهو خير في شنو؟
قال لي ليه بتكذبي؟ قلت ليهو ڼـعمًـْ ! اكذب في شنو ما فاهمه ،، قال لي بضيق نفسي اعرف قوة الراس دي جبتيها م̷ـــِْن وين ؟ ليه ما بتسمعي الكلام انتي مش قلت ليك خلي الموضوع دا علي و ما تدخلي ،، قال كلامو دا و بدا يعلي في صوتو
قلت ليهو وطي صوتك و لْـۆ بالجد كنت عايز تعمل حاجه كان عملتها م̷ـــِْن زمان و دامك ما بتقدر ما كان تقول لي خليهو علي ،، و عملت شنو في النهايه ؟ رجعت الخرطوم على الأقل كان تجي و تعتذر مِڼـّي عشان ما اتأمل فْيَگ ساي، ضرب دركسون العربيه و قال لي عارفاني مشيت ليه ولا بتتكلمي ساي؟ قلت ليهو ما مهم 😊
أخد نفس و واصل كلامو : عرفت إنو جلال سفرو الخرطوم ،، و قدرت اعرف هو في أي مسُتشًفيےّ حاولت كذا مَـرّھٌ اشوفو بس ما قدرت ،، المهم قابلت الدكتور و قلت ليهو انا بعرف المريض دا عندو شنو هو ،، عرفت منو انو كان فاقد الذاكره و الضربه الفي راسو دي بدت تأثر عليهو و في احتمال كبير ترجع ليهو ذاكرتو ،، بعد الًيَوُمًِ دا ما قدرت اقابل الدكتور تاني و حتى لْـۆ قابلتو أكيد حيكون اكتشف اني ما م̷ـــِْن أهل المريض ،، بعد يومين عرفت إنهم حيرجعوا بلدهم عشان كدا نقلت شغلي م̷ـــِْن الخرطوم للأبيض و جيت هنا ،، مفروض حاليا يكون وصلت بيتو ، قلت ليهو يعنى انت جيت هناك عشان تقابلو؟ قال لي ايوه و بالصدفه شفتكم واقفين هناك ، عموما يا بت الناس بعيد و بكرر ليك خلي الموضوع دا علي و تاني ما اشوفك هناك ، سكت مساااافه و انا بفكر في كلامو دا عم جلال كان فاقد الذاكره؟ يا رَبّـ❤ـيٌ عندو علاقه ب أبوي أو بقدر يوصلنا ليهو؟
بالمناسبه انتي مشيت عشان تعملي شنو؟ قلت ليهو و دمعتي في عيني ......الخ و حكيت ليهو الحصل و قلت ليهو عشان كدا ما تتعب نفسك ساي ،، قال لي ما مشڱلھِ انا حابي اتعب نفسي 😊
قلت ليهو على راحتك و كنت ح انزل بس قال لي عشان كدا كنتي زعلانه ؟ افتكرتي اني نـًسّْيـت الموضوع دا و رجعت الخرطوم؟ المهم خليك عندك على الأقل ذرة ثقه فيني ، مدى لي منديل و قال لي امسحي دموعك ،، مسكتو منو و نزلت ،، و لحقت ريم في بيت الجيران قعدنا معاهم شويه و طلعنا منهم اتفاجأنا لمن شفنا حيدر لسه واقف ،، ريم قالت لي قبيل قال ليك شنو دا؟ قلت ليها ارح البيت و بحكي ليك بعدين ....
جَمِيلَةٌ للحد الذي لا حد له ...
كباقة ورد لا تذبل ، كعود بخور لا ينفذ كنسمة ليل لا تغيب ، كغيمة مطر لا تُمسِك ، كشعاع نور في ليلٍ دامس ، كارتياح القلب بعد نيل مراده ، وكهدوء العقل بعد الكثير من التفكير ، مميزة هي كوردة زرقاء وسط وردٍ أبيض 🕊🤍
#تعديل
بناااات ادعوا لي اتوفق و يشيلوني الجامعه العايزاها 😔♥️
يتبع......
