في الًيَوُمًِ التالي جاني عدنان و قال لي بديت أفتش عن أبوك بس لحدي الآن ما لقيت أي معلومه مفيده ، قلت ليهو لْـۆ عايزين نعرف عنو حاجه إلا نمشي للعم جلال ، قال لي انتي متذكره بيتو و اسم القريه الهو فيها ؟ قلت ليهو أيوه اسمها () قال لي تمام ، قلت ليهو هسي ما تعمل حاجه بعد بكرا انا مسافره الأبيض رايك شنو تمشي معاي و م̷ـــِْن هناك نمشي للقريه دي ؟ قال لي ما عِنـ.̷̷̸̷̐ـديّ مانع بس انتي ليه ما عايزا زول يعرف بالموضوع دا؟ قلت ليهو لأني ما متأكده اذا أبوي حي ولا لٱ ، يمكن الصور الكانت في بيت العم جلال دي موجوده م̷ـــِْن زمان ما عارفه الجابها عندو منو بس برضو دا ما بأكد لينا إنو ابوي حي ولا لٱ عشان كدا ما عايزا أكلمهم عشان ما يتعشموا ساي ، حبوبه دي كان ليها فتره طويله و هي بتهاتي بأبوي كانت كل يوم تسأل منو و تقول ما عرفتو عنو حاجه كانت لمن تسمع صوت الباب بتقول احتمال دا أبوي جا ،، حبوبه و أمي ديل عاشوا اسوأ أيام حياتهم في الفتره الإختفى فيها أبوي و الفتره البعديها للحظه دي هم ما نسوه بس قطعوا العشم و فقدوا الأمل و اتقبلوا الواقع ما عايز أرجع ليهم الأمل في حاجه انا ما متأكده منـِْهـ♡̨̐ـِْا ،، قال لي خير يا زوله گلآمَگ سليم طيب انا ح ارتب أموري و اشوف موضوع السفر دا ...يلا بالإذن ...
جيت راجع م̷ـــِْن المستشفى ، سلمى قالت لي نـًسّْيـت ولا شنو يا حيدر أمي مش قالت ليك انا ما بتقدر الًيَوُمًِ تمشي المستشفى! هسي تعبت نفسك سااااي 😂 قلت ليها عارف و ما ناسي ، قالت لي طيب جيت لشنو؟ قلت ليها سلمى! •اللّـہ̣̥! يعنى إلا يكون في سبب عشان أرجع بيتنا؟ قالت لي ما كدا بس انَـت ما بترجع إلا اذا جاي تسوق أو ترجع زول ، قلت ليها جاي أنوم ساي عندك مشڱلھِ؟ قالت لي رووووق يا عسل انت 🤣 مالك منفعل كدا؟ هسي كلامي دا فيهو حاجه بتزهج؟ قلت ليها سلمى عليك •اللّـہ̣̥ انا ما ناقص و ما تكتري معاي، قلت كلامي دا و طوالي دخلت جوه رقدت في السرير و بقيت أعاين للسقف ، فعلا انا ما جيت البيت ساي أو لأني تُعباُنٌ ،، جيت عشان أشوف مها حاسي نفسي متعطش لشوفتها عايز ألمحها بأي طريقه بقيت مدمن وجودها و حاسي نفسي ما ټمـٱمـ و إنو في حاجه ناقصه ،، ناقصني شوفتها بس ♥️
قطع تفكيري صوت سلمى و هي بتتكلم مع عدنان قالت ليهو اتفضل جوه حيدر ذاتو جا هسي ، دخل و سلم علي و سلمى عملت لينا الجبنه قال ليها ما كان تكبي لي ياخ هسي انا شربتها في بيت حبوبه ، أول ما قال كدا الجبنه شرقتني ، قلت ليهو بسرعه و انَـت مشيت هناك ليه؟ الإتنين عاينوا لي و هم مستغربين! انتبهت على گلآمَي و قلت ليهو افتكرت حبوبه تعبت ولا حاجه عشان أمبارح قالت مصدعه ، قال لي لٱ هي كويسه الحمدلله مشيت قعدت معاهم و اتونست شويه و جيت.
كلمة "معاهم " دي رفعت لي كثافتي و خلعت شياطين الدنيا دي كلها تنطط قدامي ، شويه كدا و كنت ح اقول ليهو تاني ما تمشي هناك و ممنوع تتكلم مع مها ، لَـگِنْ بأي حق؟! ما انا زيي زيو و الإتنين أولاد اعمامها و ماف واحد ليهو أفضليه على التاني بس مها دي تحديدا ما بحب زول يشاركني فيها سواء كان بالكلام معاها أو الوقوف جنبها بحسها خاصه بي انا و بس و ما ينفع تكون مع غيري .
