هلو حبايبي
.
.
اسؤ ما قد يصيب الانسان
ان يفقد شهيته في القول في الضحك في اضهار
ردات الفعل اسؤ ما قد يصيبه ان يموت حياً ...
.
.
ملك ،،، يوم يجر يوم وهاي صار شهر علئ
عيد ميلاد زواجنا. بيومها كنت اسعد امرأة بالعالم
رجعنا اخر ليل
ثاني يوم عادي. ايامي طبيعيه
اليوم العصر كنت كاعدة واجوي البنات.
راحت ندئ سويت شاي وكعدنا. نسولف.
اسماء. ،،، اكلكم شيئ بس مااريد احد يضوج مني
اذا مقتنعتو بكلامي الكم حق عليه
رند. ،،، شكو احجي.
اسماء ،،، بصراحه هذن البنات ابد ممرتاحه الهم
مها. ،،، ليش خير سوو
رند. ،، اسماء وتعرفيها شكد تضخم الامور.
اسماء ،،، للعلم خلوني احجي بصراحه الكم
اني لا اخجل من ماضي ولا من اهلي. نحن
ناس فقرة صح اهلي علئ كد حالهم بس يشهد
الله ابد مكان بالي اخذ واحد غني كل همي
رجال يستر عليه ويحبني. بس كنت اسمع
صديقاتي يكلون ناخذ اغنياء حتئ لو شياب
او مزوج المهم عنده فلوس وبيت
يمكن اني عندي حض والله كتبلي قسمه حلو
وخلاني من نصيب باقر. والحمد الله
بس مثل حوراء وزينه اجوي من جحيم للجنه
تتخيلو مراح يطمعون بهل نعيم للابد.
واكيد مراح يضلون خدم. اكص ايدي اذا
مخلو عيونهم علئ رجالنا.
ها ولتنسون ميار عزابي. واخاف تورطه
وحدة منهم وتوكعه بالغلط.
علا ،،، والله كلامج صح. بنات شابات وكل
نهار يفترن بنص رجالنا.
مها. ،،، وتتوقعون رجالنا الشيوخ يباعون علئ هيج
نماذج.
اسماء ،،، خايبه الرجال مثل طفل تغري وداعتج
وبذات هاي الي اسمها حوراء ابد مو راحه
شفتيها شمسويه بنفسها من جدتي مثل شحاذه
هسه دباعي عليها شمسويه
رند ،،، اعوذ بالله. دخلتي شك بصدري بعد مااخلي
رجلي يجي لهنا وحدة ابد.
