Days of Counting Camellia (Hiatus)

[17]Ravens have claws '

ဥပဒေကျွမ်းကျင်သူတစ်ယောက်က ပြောသော စကားဖြစ်၍ Lila လဲ ဘာမှပြိုင်မပြောနိုင်တော့ ... ။ သူမ သိလိုက်တာက နန်းတွင်းသူတစ်ဦး အပြစ်လုပ်လျှင် တန်းပြီး အပြစ်ပေးနိုင်ပေမယ့် ၊ နန်းတော်အပြင်က သာမန်ပြည်သူတစ်‌ယောက်အပြစ်လုပ်လျှင် တန်းပြီးအပြစ်ပေးလို့ မ‌ရကြောင်း... ။ ပြီးတော့ Eliza ဟာ တရားဝင်မင်းမှူထမ်း မဖြစ်သေးသူ ... ။

ပြည်သူများအပေါ် ညှာတာပြီး အမှုထမ်းများအပေါ်တွင်မူ လွန်စွာတင်းကျပ်သော ဥပဒေဖြစ်၏ ။ ထိုသို့တင်းကျပ်ထားခြင်းအားဖြင့် ယခုကဲ့သို့ လက်တစ်လုံးခြားလုပ်ခံရသော အခြေအနေများရှိနိုင်သော်လည်း မင်းမှုထမ်းတို့ဟာ ပြည်သူကိုအလုပ်အကျွေးပြုရတာဖြစ်ကြောင်း ပေါ်လွင်စေ၏ ။ မိမိတို့၏ ရာထူးအာဏာဖြင့် ပြည်သူအပေါ် မည်သည့်နည်းနှင့်မှ အနိုင်ယူ၊ မင်းမူ၍မရကြောင်း သတိပေးနေသလိုပင် ။

Afa လဲ ဥပဒေကိုရေးသော ရှင်ဘုရင်၏မျက်နှာလှလှကို မြင်‌ယောင်လာကာ ရေးရေးလေးပြုံးလိုက်မိသည် ။

Lila မှာ မတရားမှုကြီးကြောင့် ဒေါသဖြင့် မျက်နှာတစ်ခုလုံး နီရဲတက်လာ၏... ။ Eliza ၏ အစေခံမလေး Gina ကတော့ အောင်နိုင်သူပမာ ပြုံးဖြီးနေတော့သည် ။

သာမန်လူဖြစ်လို့ဆိုပြီး ဒီလို ခေါင်းပေါ်တက်ခွင့်ပေးလို့လဲ ရသလား ?

ကံမကောင်းတာက Lila ဟာ ဒေါသအထွက်လွန်ပြီး ခိုင်းတာကိုမလုပ်ပေးလဲရတယ် ဆိုတဲ့အချက်ကို မေ့သွားခြင်းပင် ။ တင်းကျပ်သောဥပဒေအရ အနိုင်ကျင့်လို့မရပေမယ့် မိမိတာဝန်မဟုတ်တာတွေကို ဘယ်သူကပဲဖြစ်ဖြစ် အသားလွတ်လာခိုင်းနေရင်တော့ သေချာပေါက် ငြင်းဆိုလို့ရပါသည် ။

Lila : " အာ့ဆိုလဲ ဒီနေရာတစ်ကွက် ရှင်းပေးရင်ရပြီ မဟုတ်လား ? "

အရှုံးပေးလိုက်ရသော Lila မှာ နှင်းခပ်သောဂေါ်ကြီး မလာပြီး ရေပေါ်ဆီမမလေးပွဲတော်တည်ဖို့အရေး နှင်းတွေရှင်းပေးနေလေရဲ့ ။

သခင်မလေး Eliza ကတော့ သူမ၏အစေခံနှင့် Jane ကို လက်ဆွဲကာ နန်းဆောင်တစက်မြိတ်အောက်ထဲ သွားဝင်စောင့်နေလေသည် ။

Afa မှာ ဘာလုပ်လို့၊ ဘာကိုင်ရမလဲမသိ လမ်းတစ်ဝက်၌ Lila အား ရပ်ကြည့်နေမိ၏ ။ Lila ကတော့ Afa ကို ပြုံးကာ ခေါင်းသာခါပြပါသည် ။ ဝင်မပါစေချင်တဲ့သဘော ... ။