فتاة التنمر

الفصل الاول

______________________________________

*عند مراد*

مراد : نعم عايزه تجي معايا القسم

مليكه : بليز وافق

مراد بغضب : لا

مليكه بخبث : مليكه حبيبة مين

مراد بضيق : لا الحركات دي مش عليا

مليكه مسكت وشو بحب وقال : قول علشان مزعلش

مراد : حبيبة مراد اكيد

مليكه بابتسامه : ومراد حبيب مين

مراد بسخرية : ايه محن الكلابي ده يامليكه

مليكه بضيق : خلاص مش عايزه

مراد بضحك : خلاص موافق

مليكه حضنتو وقالت: حبيبي حبيبي حبيبييي

مراد بسخرية : الهانم مصلحجيه

مليكه مسكت ايدو وقالت : طبعا زاي حبيبي المصلحجي

مليكه ومراد طلعو من الفيلا وركبو العربيه وتحركو .......

مليكه : احم ممكن اسالك سؤال

مراد بابتسامه : اسالي

مليكه : هو انت ليه بتغير عليا اوي كدا

مراد بصلها وقال : وانتي ليه بتغيري عليا اوي كدا

مليكه بضيق : علشان انت قمور واي حد يشوفك يحبك وكمان ظابط قد الدنيا

مراد بحب : وانا كمان نفس الرد انتي قموره

مليكه بابتسامه : بجد يامراد

مراد بهدوء : بصي يامليكه انا الي اخترتلك اسمك لما مامتك ولدتك وماتت الله يرحمها باباكي علطول كان مشغول وانا كنت دايما جمبك ومعاكي وانا لما بحب بحب بجنون وانا سميتك مليكه لانك هتبقي ملكي أنا لوحدي انا في حبك اناني وانا قولتلك ده قبل كدا

مليكه مسكت ايدو وقالت : وانا اصلا مستحيل احب غيرك تعرف الناس بتحسدوني علي اهتمامك واهتمام بابا ليا

مراد : انتي جوهره يامليكه علشان كدا عايز اخبيكي جوا قلبي ومحدش يشوفك

مليكه بحب : بحبك

مراد بابتسامه : وانا بحبك ..

مراد سرع العربيه علشان يوصل القسم بسرعه وبعد ربع ساعه وصل ونزل من العربيه بسرعه وراح فتح باب العربيه لي مليكه ومسك أيدها كان عايز يخبيها من عيون الناس هو فعلا من نوع الممتلك ... مليكه ومراد داخلو القسم ومراد كان مركز علي عيون الناس علشان لو حد بص عليها بصه يخلع عنيه وبعدين دخل مكتبو ولقه رامي قاعد مستنيه ......

رامي بأبتسامه : مراد باشا

مراد : رامي عامل ايه

مراد قعد مليكه علي كنبا وهو راح قعد علي مكتبو ورامي بص علي مليكه وقال في سرو : هي دي البنات الي تفتح النفس مش ملك انا اتجوز ملك قال

مراد : ها روحت فين

رامي : في القضيه الي احنا فيها

مراد بضحك : ياعم اهده مكنش حته قضيه يعني مش اول مره نمسك قضيه زاي دي

رامي بهدوء : عارف بس دول شكلهم اذكيه

مراد بضيق : عيب تقول الكلام ده وانا موجود قولي بس ايه الجديد

رامي : جالنا بلاغ بأن في واحد في العنوان ....... واقف وبيبيع المخدرات وزباينو بيجو هناك

مراد : عظيم وبعدين

رامي : بس للاسف لما روحنا ملقناش حد شكلو هرب

مراد بثقه : متخافش مش هيفلتو من تحت ايدي

رامي بابتسامه : طب هسيبك انا بقا علي ماتفكر هتعمل ايه

مراد : تمام

رامي قام وطلع برا المكتب ومليكه قربت من مراد وقعدت قدامو علي المكتب ومسكت ايدو وقالت : حبيبي شاطر اوي

مراد : اممم وحبيبتي عماله تحلو كل شويه

مليكه بضحك : بكاش اوي

مراد بضحك : بكاش بس بحبك

مليكه بحب : وانا كمان .....

_____________________________________

*في جامعه *

ملك قعدت في المدرج بس نظرات صحابها بتقتلها كانت بتسمعمم بيتوشوشو ويتكلمو عليها وفي بنت قربت منها وقالت : ممكن تقومي علشان اعرف اعدي

ملك بتوتر : ممكن تعدي من مدرج تاني

البنت بسخرية : ايه مش هتقدري تقومي انا عذراكي والله

ملك بحزن : تمام

البنت : قومي انجزي بدل مانتي شبه البقر كدا اجبلك ونش يشيلك

ملك بغضب : لمي نفسك لوسمحتي

البنت بسخرية : ولا اجلك جرار يجرك

ملك بدموع : شكرا يامحترمه

البنت بضحك : اول مره اشوف جموسه بتعيط

ملك بصت علي صحابها لقت كل المدرج بيضحك ومقدرتش تستحمل وخدت شنطتها وخرجت من المدرج بسرعه وكانت بتعيط وقرارت تمشي من الجامعه كلها ....... ملك خرجت من الجامعه وركبت تاكسي وتحرك و فضلت طول الطريق تعيط في صمت .....وبعدين السواق لقه كامين قدامو

السواق : معا حضرتك بطاقه

ملك مسحت دموعها وقالت : ايوا

السواق : ماشي

الظابط الي في كامين وقف التاكسي وقال : بطاقتكم

الظابط كان مركز معا ملك وملك فتحت شنطتها وفضلت تدور علي البطاقه وفجاه الشنطه بتاعها وقعت وكل الي فيها وقع

الظابط بحده : انجزو

ملك بتوتر : حاضر

ملك فضلت تلم الحاجات الي وقعت في الأرض وبعدين مسكت كيس وطلعتو وبصت عليه بستغراب

الظابط بتركيز : ايه ده

ملك بخوف : معرفش

الظابط فتح باب العربيه وخد منها الكيس وفتحتو وقال بصدمه : دي مخدراااااااات

ملك بصدمه : اييييييييييه........