اسواره ذهب

اسواره ذهب بارت ٨

احمد : بابتسامه معرفتيني

سناء : منو حضرتك للاسف معرفتك

احمد : اني احمد ابن ام فوزي

سناء : يا فوزي

احد : لج شبيج فوزي الاذنه محتركه

سناء : ياااا احمد

احمد : اي شلونج سناء كبرانه ماشاء الله

سناء : تمام الحمدلله الله انته شلونك خاله ياسمين شلونهن

احمد : الحمد الله وصارت عدنه وحده جديده تبارك

سناء : اخت جديده

احمد : ايي الوالد اتزوج زوجه ثانيه

ام خالد : سناااء هاي ويامن واكفه

سناء : درت وجهي على ماما هااا ماما تعالي شوفي من اجه

ام خالد : منو انته

سناء : ماما احزري منوو شبهي بأحد بس ولو ميشبه أحد بس يلا انتي حاولي تتذكرين عائله جانت كولش عزيزه علينه

ام خالد : ولج منو مجاي اذكر

احمد : هههههه خاله اني اكولج منو عوفج من هاي الخبله عبود

سناء : عبود بعينك

ام خالد : عوفي الولد يحجي خلي اعرف منو هوو

احمد : خاله اني احمد ابن ام فوزي

ام خالد : احمد ابن ام فوزي 😕 ام فوزي

اممم فوزي حمودي حبيبي كبران شنو كطعتو بينه وين صفه بيكم الدهر وشصار وياكم

احمد : خاله هواي سوالف صارت يعني يراد كعده معدله واحجيلج من عمري ١٥ لحد هسه

ام خالد : تفضل يمه حمودي البيت بيتك

احمد : لا خاله بس اجيت اسئل علا الولد وبالأخص محتاج خالد عندي موضوع وياا

ام خالد : تعال تفضل هسه اخابره يجي

احمد : لا ميحتاج تخابري انطيني عنوانه ورقم تليفونه

ام خالد : روحي جيبي رقم اخوج

سناء : اني حافضته راح اردلك وسجل

احمد : فتحت التليفون هاج انتي سجلي

سناء : سجلت الرقم وانطيته التليفون

احمد : اتصلت شويه ورد

الو السلام عليكم

خالد : وعليكم السلام

احمد : انته خالد ابو المعارض

خالد : اي تفضل

احمد : اني جايك عندي شغل يمك متواجد بلمعرض

خالد : اي متواجد

احمد : ساعه زمان واني يمك

خالد : هلا بيك