البداية🌸
#احببت مريضي النفسي❤
*بارت1*
لل🌸كے🌸ـآ🌸تے🌸ـبے🌸ـة
❤ŇỖỖŘĤЌ❤
.
.
.
.
خالد: وييييين مشتتت ويين تي والله كان ماتلقهاش لما نقتلك ونقتل امها بتحشمونييي
مريم: تمضغ في اللوبان.... تفاهم انت واختك انا مادخلي في شي... وخشت دارها وصلفقت الباب
خالد: 😠😡 افتحييي يا بنت الكلب والله لما نقتلك
مريم: انلاااااا ودير الي تبيه باهيي
خالد: طلع وصلفق الباب
.
(وجعوني البيبان😂😂)
.
.
سمر:اه اه وووه عليا بيقتلني...اهههه رجلياااا ياربي😭😭
قعدت سمر مقعمزة بالڤيلو المزق من كل مكان وشعرها المنتف ومكياجها السايل هيا رايحة حالتها حالة
( اي اليوم عرسها اللي كانت تتمناه يكون في صالة وحب عمرها معاها وامها وبوها معاها ومشاركين فرحتها مكانتش متوقعة انه تكون ليلة عمرها هكي تجيها اسوء مزينة في البلاد تمكيجها ويجيها راجلها يروح بيها وياخدها من خوها بروحهم مفيش ولا حد تقول جاي بياخد تلفزيون ولا تلاجة وياريتني تلاجة ولا ننزف بطريقة هادي)
سمر:ياااارب يارب انت ارحم الراحمين يارب صبرك ورحمتك يارب....آه شن بندير في هالليل اخخ ياغيبتك يابابا😭
ــــــــــــــــــــــــــــــــــــ
لل🌸كے🌸ـآ🌸تے🌸ـبے🌸ـة
❤ŇỖỖŘĤЌ❤
سراج:اه يادنيا واللي ماشي ماشي واللي موخر موخر واللي ياكل ياكل واللي طالع طالع وال
مؤيد:بااايخة نبوا وحدة تانية....تعرف سيرجو محلاك لما تخترع اغاني
سراج:وحدة تانية
نبيل:اي اي هههه اي
سراج:آهههههه ووووووو يييييي اااااا وياناااا ياناااا ياشوووق ياااسرر خليييك وووووه يااااا طاقية محلااااك اهههه اههه ورجلييي مش رجلي اههه اههه ياا يااا ويا يايايايا
مؤيد:ههههههههه😂😂😂 وحدة تانية وحدة تانية ههههههه
نبيل:ههههههههه اخ بطني اييي ايي وحدة تانية...... تعرف لالا قوللنا نكتاتك قويات مادابيك هكي شوية اختراعات وبهارات😉
سراج: ايي..فيه واحد يبكي علاش
نبيل&مؤيد: علاش
سراج:زعلان
نبيل&مؤيد:ههههههه
سراج:فيه واحد يبي امية علاش
نبيل&مؤيد:علاش
سراج: عطشان
نبيل& مؤيد:ههههههه
سراج:فيه مرة واحد يضحك علاش
نبيل& مؤيد:علاااش
سراج:فرحان
نبيل&مؤيد:هههههههههاخ
سراج:فيه مرة واحد دا
صقر:ياااااسر
ناضو التلاتة مخلوعين
صقر:هيا خلونا نمشو للمركز فيه عندنا خدمة للنم
مشو وراه التلات بدون ولا كلمة
ـــــــــــــــــــــ
لل🌸كے🌸ـآ🌸تے🌸ـبے🌸ـة
❤ŇỖỖŘĤЌ❤
خالد:😦😦اا ل البنت
يوسف: بصوته الغليض وشخصيته اللي تخوف والهالات السود اللي تحت عيونه وشعره الطويل الملوي رايح يخوف .....اي اي شني امالا ضحكت علينا
خالد:اءءءء والله البنت شن بنقوللك
يوسف:تكلم وينها خير مانقتلك ونلوحك للكلاب وماحد يعلم بيك
خالد:ءء ا ه ه هر ما مانع مانعرفش وين مشت
يوسف:رد بااااالك تعاوده الكلام المسخ اهوا
خالد:والله ماصارت اا وا والله كان مسكر علي عليها اا ء زي م ماريتها
يوسف:لاا ياحبيبي مش هكي تفاهمنا حني...من هني لاغضوى الساعة 1 الضهر كانه مالقيتهاش وسلمتهالي زي ماسلمتلك الفلوس ننهيك في وطاك فهمتتتتت ولاا نعااااوددد😡😠
خالد:ءءء ب بب به😨
مشي خالد بلغ الشرطة وقال للجيران انه غلطت في الحبوب خدت حبوب هلوسة وطلعت من دون وعي وقعدو الرجالا يدورو في الحوايز متعهم لين ادن الفجر
ــــــــــــــــــــــــ
لل🌸كے🌸ـآ🌸تے🌸ـبے🌸ـة
❤ŇỖỖŘ ĤЌ❤
سمر كانت مكملة طريقها وهيا ماتعرفش وين ماشية اصلا لين خشت للرئيسي لقت سيارة مدرسة فيها ضي خفيف لداخل وتسمع في صوت عيااط قوي وكانه مراء بتجيب
قعدت سمر تقرب بشوية بشوية
لين شافت بنت تعض في فانيليتها وتبكي وتضرب والواضح انها تجيب وفيه ولد راكب معاها ووجها ميتفسرش ومش فاهم كيف يديرلها وخرت شوية وجو زوز سيارات سكرو عليهم الطريق ونزلو خمسة اولاد وراجل واحد وجها رايح اصفر وتلاتة رجالا كبار في السن والولاد بسلاحاتهم ويتعايطو واللي فهمته انهم يهددو في البنت لانه يقولو نهاد مانهاد ولا شي زي هكي اني قعدت نرعش ووخر قعدت نتفرج من بعيد طبعا الولد نزل هرب يجري والرجالا يهدو في الاولاد والبنت تبكي وتضرب في وجهها
احمد:تييي حول ياعمييي ماتخلينيش نغلط فيك خليني نقتلها جابتلنااا اللعععااااااار
احمد دف عمه لين طاح وجي علي الرشاد وهوا عنده السكر اغمى عليه تجمعو عليه خوته خايفين عليه طبعا نسو الاولاد
والاولاد ماصدقو هجمو عليها وهيا تبكي من الوجع لانها خلاص بتجيب مش قادرة وخوتها طاحو فيها ماخلوش انش في جسمها ماضربوشي وهيا كانت ماتندري علي شي
بعد ماكملو ضربها ركبو سياراتهم وطلعو وعمامها لهو في خوهم ورفعوه لي المستشفى
سمر اني نتفرج ومصدوووومة مافهمتش نقدم ولا نوخر بعد ماطلعو مشيت نجري للبنت نفيق فيها ومش فاهمة شن نديرلها كريتها للسيارة اني كنت نعرف شوية نسوق ولعتها وقعدت نمشي بشوية نحبش ليييين وصلت للمستشفى ناديت علي الممرضات طلعو نزلوها واني قعدت ندور لبرا ونتفكر كيف يضربو فيها بدون رحمة كنت نتمنى انه يكون عندي خوت ايساندوني زي مانقرا في الروايات كنت نحساب انه كان اني خوي يكرهني ويعامل فيا معاملة زفته لاكن طلعو الخوت كلهم هكي
(لاااا والف لاا الخوت مش هكي والله لولاهم راهو كنا ميتييين والله ونحلفلكم محلاه لما يقعد عندك خوك يحزر عليك وغير اللي تبيه اهه محلاااه ربي يحفظهملي ولايحرمني منهم)
ـــــــــــــــــــــــــــــــــــــــــــــــــــــــ
لل🌸كے🌸ـآ🌸تے🌸ـبے🌸ـة
❤ŇỖỖŘ ĤЌ❤
الساعة6:30 الفجر
طلع الدكتور
سمر:دكتور طمني عليها
الدكتور وهوا مستغرب من شكلها:والله شن بنقولك هوا.....هيا عندها سرطان في الرحم والجنين طالع برا الرحم هوا متوفي عنده شهر ونص توه درنالها تنضيف بس شكلها طايحة ولا كيف نضفنالها الجروح واعطيناها مهدئات لانها تاعبة هلبا وانشاء الله ربي يشفيها وينوضها بالسلامة
سمر:اه الحمد لله
قعمزت وهيا مش فاهمة كيف ادير ولا وين تمشي
هزت راسها تبعد في الافكار وحطت راسها علي حاشية الكرسي وغفت
الممرضة:لو سمحتي...وبدت تهز فيها
سمر ناضت مخلوعة: هاا اني اني وين ها وين من جابني خالد وين
الممرضه باستغراب:وخيتي اهدي شوية وتعالي معاي نبيك
سمر مشت وراها لغرفة الممرضات
سمر:شني
الممرضة عطتها شوية حوايج عبارة عن سروال جينز وعباية وسبيدرو ووشاح متع عباية .....تفضلي اهو الحمام خشي غيري الخيمة اللي لابستيها وارتاحي شوية و ارقدي وطلعت وسكرت الباب خشيت للحمام نضمت اموري وطلعت وننصدم😱😨😨 بلمنضر اللي قدامي صدمة عمري يتبع........
.
.
هااااي 👋🏻
بنقوللكم طبعا اني مش اول مرة نكتب رواية اني كاتبة قبل رواية ظلمني ابي وماكملتهاش خديت تليفون جديد وغيرت الاميل ف معاش عندي نية نكملها الرواية الاولة وانشاء الله وصلتكم الفكرة واللي يبي يدير تفاعل اهلا وسهلا واللي مايبيش براحته بااااي👋🏻
.
.
وانشاء الله تعجبكم روايتي الجديدة❤🌸
لل🌸كے🌸ـآ🌸تے🌸ـبے🌸ـة
❤ŇỖỖŘĤЌ❤
