أسيرة في موطنك (مكتملة)

البارت الثامن و الثلاثون

مساء الخير احبتي
اتمنى لكم قراءه ممتعه

بقلم: زهراء البياتي

رجعت خاله صبا تباوع ع اختها
..اي و شسمها هاي البنيه منين نعرفها لا
فوزيه..لا منعرفها.. بس يمكن حمزه يعرف ابوها.. اسمه صباح عنده محل يبيع تحفيات و هاي السوالف
هز راسه احمد
حمزه..صباح ابو حسين انسمي.. خوش رجال خير و زوجته ميته و مره سمعت عنده ٣ بنات و حسين
فوزيه..اي صح.. الجبيره مزوجه و الثانيه هيه اسمها هديل
صبا..حلوه؟
فوزيه..مشفتها بس يكولون كلش حلوه هيه و خواتها

ريم..ارتاحيت بداخلي..بس كون تطلع هاي البنيه حبابه   تكدر تربي حمودي.
بقن يسولفن و حمزه كعد يشرب جاي و يباوع ع تلفزيون.
واني كمت و خاله صبا باوعت علبه
صبا..وين
ريم..حنام
صبا .غسلتي المواعين
ريم..اي
صبا..اي زين يلا روحي

جريت نفس و رحت طلعت من الاستقبال و اني اقلد عليها
اي زين يلا روحي.. عبالك دانتظر منها تسمحلي اروح لو لا.. صعدت فوك و دخلت لغرفه خاله صبا بعدين شفت بس المخده و اللحاف بالكاع..رجعت طلعت و رحت لغرفه حمزه اخذت الدوشك و رجعته لغرفه خاله صبا.

سديت الضوه مال الغرفه و سديت الباب و رجعت مددت ع الفراش و تغطيت.. و رجعت افكر بحمزه و احس كل ما افكر بي كلبي ينغزني.. اتعوذت من الشيطان و غمضت عيوني.

ثاني يوم هم اول مكعدت لكيته رايح للشغل.
مهتميت طلعت و هدى ضلت مستغربه و طول الطريق تسئلني
هدى..متعاركين انتو
ريم..لا
هدى..لعد ليش حمزه مديوصلنا شبي
ريم..شغل
هدى..باجر يوصلنا؟
ريم..اوووف مادري
هدى..اي شبيج شلون متدرين و هو زوجج

مجاوبته و جريت نفس و هيه ضلت تمشي و تلغي
و اني مر يومي بالمدرسه نفس اي يوم عادي..انتبهت للدروس حته ما التهي بغير اشياء.
و من رجعت لكيت جده فوزيه بالبيت.. و غراضها كلهن موجودات بالكليدور.

صعدت فوك بدلت و صاحتني خاله صبا من جوه
نزلت و كلتلي اصعد الجنط بغرفتها.. فشلت شعري عالي و كمت اصعد بالجنط و هنه بالمطبخ يسولفن و يضحكن..و اني هلكت من التعب لان مدري شحاطه بالجنط و هيج ثكيلات.. صعدتهن بالكوه للغرفه و ضليت صافنه وين حتحطهن اذا كنتور ماكو.

جريت نفس بتعب و رجعت نزلت جوه للمطبخ
يمهن.. حته اتغده.. ضليت احضر بالسفره و هنه يسولفن
فوزيه..قاسم دمعت عيونه و هو يودعني سوده عليا
صبا..خطيه متعلق بيج هواي
فوزيه..اي كلش..صدك صبا هاي غراضي وين احطهن
خاله صبا صفنت عليها و بعدين كالت
صبا..بكنتور حمزه..عنده هواي مجال بالكنتور..هسه تصعد ريم و تصفط ملابسج.

جده فوزيه بسرعه باوعت عليه
فوزيه..اي ريمه ياريت تصفطيهن
هزيت راسي
ريم..انشالله بس اتغده بالاول
هزت راسها و رجعت باوعت ع خاله صبا
فوزيه..الاسبوع الجاي نروح لبيت سعدون لان عازمين
هاي البنيه هديل و خالتها
صبا..اي اروح اكيد..بس ليش خالتها امها وين
فوزيه..مو بارحه حته حمزه كلج امها ميته
صبا..ها اي نسيت شسوي