آه فرحة حبيبي و حب عمري اليوم عشناها
لبست حياتي ثوب فرحها يا ربي محلاها
محلى يا روحي جمالك ادلعي و زيدي في دلالك
طلت غلاتي اليوم كيف نجمه في سماها ،،،
فرحة حبيبي و حب عمري اليوم عشناها
لبست حياتي ثوب فرحها يا ربي محلاها
محلى يا روحي جمالك ادلعي و زيدي دلالك
طلت غلاتي اليوم كيف نجمه في سماها
محمد رفع يده كانه يشير على طلة وفاء مندهش
وفاء ضحكت
حالف حبيب عمري كله غلاك نصون
عطفك ملاها دنيتي حبيبي الحنون
نبقى يا روحي حياتك
و أحلى ذكرى في ذكرياتك
حبك سكني من راتك فيها العيون
عمتي غالية اضبح تشير : يا محمد حمااادي محمد محممممد .
محمد ما سمعهش عيونه في وفاء يمشي و مبتسم ،،،
جارتهم كراته : مبروك عليك بالذرية الصالحة إن شاء الله .
محمد سلم عليها و باس على رأسها و عيونه في وفاء : الله يبارك فيك و عقبال الشباب إن شاء الله .
كمّل طريقه الكاميرا تصور فيه ضبحوله شير من بعيد ركب على الدروج وصل لوفاء يبحت في وفاء مبتسم و الفرحه باينه عليه
مشتاق لك و أنت في جنبي معايا تكوني
لو غبتي عن عيني لحظة يزيد جنوني
ما نحمله بعادك عليا
دعيت الله تكوني ليا
معايا ما تشوفيش سية يا نور عيوني
مشتاق لك و انت في جنبي معايا تكوني
لوغبتي عن عيني لحظة يزيد جنوني
ما نحمله بعادك عليا
دعيت الله تكوني ليا
معايا ما تشوفيش سية يا نور عيوني
وفاء حاطين عليها الطرحة ماسكة الباقة بيديها الأثنين مبتسمة
محمد رفع الطرحة باس رأسها
البنات عيطن بشويش
محمد حضنها طاح عليها طياح يضغط عليها
البنات يعيطن بالقوة
حالف حبيب عمري كله غلاك نصون
عطفك ملاها دنيتي حبيبي الحنون
نبقى يا روحي حياتك
و أحلى ذكرى في ذكرياتك
حبك سكني من راتك فيها العيون
الفرقة بدت تغني ...
محمد : مبروك حبيبي ألف مبروك و أخيرا .
وفاء تمشي في يدها على ظهره : يبارك فيك يا عيوني .
محمد يحضن و يضغط و ساكت ،،،
وفاء حاضنته تمشي في يدها على ظهره : حمادي ، حبيبي .
محمد وخر حط إيديه على وجه وفاء باس رأسها أخرى ،
وفاء مبتسمه
محمد ضغط على عيونه صبى جنب وفاء مسك يدها
بدوا في التصوير ،،،
محمد مقرب من وفاء : شن جوك طمنيني عليك
وفاء : الحمدلله كويسة .
المصوراتية : قربي منه أخرى يا عروسة .
محمد قرب : خليك أهو قربت أنا .
المصوراتية تصور
أنا : سلميلي على جدي و جديده باهي .
كريمة : إن شاء الله حاضر هي بالسلامه توا .
أنا : الله يسلمك .
كريمة طلعت تليفوني رن
أنا : أيوه .
بالقاسم : شن الجو .
أنا : تمام .
بالقاسم : وين قاعدة
انا : عند الباب كنت مع عميمة كريمة روحت توا عشان طريق بعيد .
بالقاسم : أها ، قتلك بعد يطلع حمادي و مراته أبقي جاهزة عشان مروحين معاه .
أنا : عليش مروحين معاه
بالقاسم : نوصله لحوشه و خير ما نرد أخرى تبقي معايا ، نتريح بالمرة خيرلي تعبان .
أنا : سلامتك حبيبي عادي كيف ماتبي توا نطلع .
بالقاسم : أنا نبيك إنت بس .
أنا ابتسمت رفعت راسي لقيت رغد : تمام عادي .
بالقاسم : جاتك وحده .
أنا : أها بس تمام اتفقنا .
بالقاسم : إن شاء الله سلام .
أنا سكرت بحتت فيها
رغد كشخت عدت و سيبتني
أميمة خاشة حمام : الفاعي وعقارب من تحت سيسان حسبي الله ونعم الوكيل فتانه
انا سكتت ما رديتش خشيت قعدت أميمة ل ما نشوفها تكشخ
.......
الفرقة قالبة قاعة مع البنات
محمد مش منتبه إلا لوفاء يصور ركبن عماتها و خواتها بعبايتهن صورن و ركبن البنات كلهن يصورن ما عادا بسمة ما تحركتش من الكرسي
محمد : تمام معش في صور .
نزهه : في صورتين و أنتم طالعين .
محمد : خلاص توا نطلعوا قولي لها تصور بسرعة .
نزهه : حاضر .
محمد مسك وفاء قرب من وذنها : هيا حبيبي خلاص .
وفاء : معش في صور .
محمد : لا لا تم فرح الازلام .
وفاء ضحكت
قعدوا يمشوا
الفرقة : ليلة ليلتنا ليلة ليلتنا يا أحميدة ليلة ليلتنا انا وياك على راحتنا يا أحميدة
محمد ماسكها كويس ماسك الفيلو
وفاء مبتسمه تشير لهلها بالباقة : باي باي .
محمد : حبيبي افطني لدروج .
وفاء بحتت قدام ردت على هلها و عزقتلهن الباقة .
هل وفاء : اجعن ليلتها ضاوية كيف طريق زاوية
الفرقة : اجعن ليلتها ضي في ضي ما يشمت فيها حي
نزهه مدت عطر و تليفون لمحمد : حمادي هذينا امتاعات وفاء خليهن معاك .
محمد خذا حطهن في جيبه : تمام .
طلعوا لبسها البرنوس : كنه قصير هذا .
وفاء : جاي مع الفيلو .
محمد سكت ،،،
أنا لابسه العباية و الخمار طلعت
محمد و وفاء سلموا على عميمة
أنا قدمت : ألف مبروك عليكم .
نزهه : هذه رحمه .
محمد ابتسم : الله يبارك فيك .
وفاء سلمت عليا : الله يبارك فيك ميمي .
محمد : هيا .
طلعوا ركبوا في السيارة ما في حد قدام الباب إلا إسماعيل و بالقاسم ما يبحتوش فيها ركبها بروحه و سكر الباب ،،،
محمد : تمام شباب .
بالقاسم و إسماعيل : مربوحه .
محمد طلع
أنيس قدم سيارة بالقاسم و نزل ركب بالقاسم بيب
أنا : هذا بالقاسم طالع مع محمد قاللي هيا ما يبيش يرد .
عميمة : اطلعيله أكيد تاعب من الصبح اليوم و هو بين القاعة و خوه و شغله .
نزهه : خلاص معناها هالك يا ناري
أنا : تمام سلام .
طلعت ،،،
بالقاسم قابلني ركبني سكر الباب لحقنا محمد بالقاسم يهدرزلي ،،،
.......
محمد خشش السيارة للقراج : خليك توا انزلك .
نزل و برم نزل وفاء و يمشوا شور حوشهم و فتح الحوش خشوا بكراعهم اليمين سمو مع بعضهم ،،،
محمد سكر الباب قرب من وفاء يفك في برنوس مبتسم : نعليا أنا .
وفاء قلبها يدق بالقوة نزلت عيونها ،
محمد قرب منها رفع رأسها باسها على خذها : مبروك عليا يا قلبي إنت .
وفاء رفعت عيونها ابتسمت : يبارك فيك .
محمد مسكها من إيديها باسهن : تعالي نخشوا .
وفاء مسكت فيه خشوا قمعزها تنهدت براحة
محمد قمعز قرب منها : شن متريحة هنا .
وفاء تسلح في كعب تبحت مبتسمه : أها تمام .
محمد : شن رايك في الحوش عجبك يعتبر مفتوح على بعضه إلا دار النوم جوا جناح بروحها " ابتسم " .
وفاء بعفوية : على فكرة ديكور الصالة و الصالون يهبلن بكل " رفعت يدها " هذه مرايا المدخل اللي حكيتلي عليها صح تهبل حتى هيا تعرف و الله تفصيلة الحوش مش نفس ما كنت رسمتها في راسي الحاجة بعد تشوفها بعينك مش نفس الصور .
محمد يبحت فيها كيف تحكي قرب شوي : عزقتي اللي قتلك عليه .
وفاء بحتت فيه مستغربة : شنو اللي قتلي عليه .
محمد : قتلك اعزقي الحشم ما نبييكش تجيبيه معاك .
وفاء ضحكت : فجعتني نحسابك قايلي على حاجة و أنا نسيتها .
محمد : يعني متذكره و عزقتيه صح .
وفاء سكتت تبحت فيه ،،،
محمد حط يده على جمتها : تعرفي إنك طالعة ملكة جمال .
وفاء ابتسمت بكل رقه ،،،
محمد باسها في حنكها : ما شاء الله .
وفاء زمطت ريقها قلبها يدق بالقوة درجة صدرها يركب و ينزل
محمد بحت فيه : الفيلو كم داس عليا كل شي راه ههههههه .
وفاء بحتت جيهه اليمين
محمد فك القرواطة و أول بطمه من القميص مسك إيديها و رقدها على الصالون نزل يبوس فيها بشويش .
وفاء بصوت واطي : احميده الطرحة و التسريحة .
محمد رفع رأسها حط يده على ظهرها قرب رأسها من رقبته يفك في طرحة باليد اليسار : خليه شعرك هك .
وفاء حاطه إيديها على صدره تشم في عطره مغمضه عيونها مش قادرة حتى ترد ،،،
محمد عزق الطرحة وراه نزل سوسته الفيلو بالشويش ،،،
وفاء فطنت : حبيبي .
محمد رد رقدها حط رأسه على رأسها : نحبك .
وفاء ترعش تغمض في عيونها و تفتح
محمد نزل يبوس فيها على رقبتها و ينزل في الفيلو من عند كتوفها
وفاء مغمضه عيونها تنفس بالقوة : احميده .
محمد و لا كأنه ، كيف ما هو
......
اسماعيل فاتح الباب قدامي مصبي جنبه
أميمة طلعت : اسماعيل
اسماعيل : اركبي لاوراء امي قدام
أميمة : ماما تبي تروح معانا ليش مروحه امكمعانا في بدال سيارتك ميه وين بالقاسم تركب معاه
اسماعيل ضغط على سنونه : اركبي
أميمة ركبت
اسماعيل جاء من روشن : امك وين خوتك و باتك يروحوا بيها
أميمة : ماما مروح معانا الحوش عمي
اسماعيل سكت
عميمة طلعت : سموعه
اسماعيل برم مسك عميمة : هي تعالي
ركبها طلعت ام أميمة تحكي في تلفون ركبت سلمت على اسماعيل و طلعوا سيارات وراه بعضهم
......
بالقاسم مقمعز على السرير من قدام : أها لقيت ماهر ، قاللي جايب هلي نحسابه أمك و البنات .
أنا حطيت الخمار على السرير صبيت جنبه مقابلة المرايا : لا لا عمتي كريمة بس .
بالقاسم طح على السرير بالجنب مسك يدي يكر فيا له : بارك الله فيها نوراتك حبيبي .
أنا سكتت
بالقاسم قربني حصرني بكرعيه نزل خذا العباية من لوطى و سلحها ليا حطها جنبه حط إيديه على وسطي يبوس في بطني : أمتى تبي تشرفنا يا بابا دهشتني و دهشت أمك وراك .
أنا ضحكت
بالقاسم رفع عيونه فيا ابتسم : عجباتك .
أنا ابتسمت حطيت إيديا على اكتوفه اتكيت : كمل كلامك أمس ما حكيتلش زعلان راه .
بالقاسم يبوس في بطني : لاه لاه يا بابا سامحني ، المشكلة يا بابا في الأوقات هذينا أنا مش فاضي نبي نلحق على أمك وعد بكرا لا بعد بكرا نهدرز معاك تمام
أنا مبتسمة : سامح بابا يا ماما مش فاضي أول ما يفضى يجيك طول وعدك .
بالقاسم صبى قمعزني طبس على كراعيه ماسك إيديا باسهن رفع الدراعه سلحلي الكعب : تعبتي منه .
أنا : لا لا مش كعب عالي هذا زي كندرة زحافي
بالقاسم حاط أيديه على كرعيا رفع الدراعه لعند فوق طبس باسني على أفخاذي حط إيديا على كتوفه : حبيبيك يبيك و مرايف .
أنا قدمت على راسه بسته نفك في القرواطة مبتسمة : تعبت اليوم .
بالقاسم يحرك في أيديه و يوشوش : توا تعبان .
أنا حضنته : صبى دوش بامية دافية قبلي و تعال تريح مد جسمك هنا .
بالقاسم خشش رأسه في رقبتي استنشق بالقوه : ااااااااه " قعد يبوس فيها رفعني رقدني على ظهري ، جاء جنبي حط رأسه في رقبتي و يده على بطني و كراعه على كرعيا .
أنا سكتت شوي خليته يتريح : حبيبي .
بالقاسم : عيونه .
أنا : نغيروا دبشنا عشان نتريحوا في النومه خش دوش ، أنا نطلعلك دبش .
بالقاسم : لا ما تعبيش روحك خليك راقده توا نطلع بروحي .
أنا : نبي نصبي و نفك شعري .
بالقاسم وخر قمعز و قمعزني جاء ورايا يفك في التسريحة : شن حاطه هذه مساسيك المحل كله .
أنا : أنا قلتلها نبي تسريحة على طول ظهري رفعت شعري شوي .
بالقاسم يفك لين طاح على كراعيه رفعه بيده باسه شمه جاء قدامي : مش مطول .
صبى خش للحمام دوش سريع و طلع لاف منشف
صبى خش للحمام دوش سريع و طلع لاف منشف
أنا ماسكة روبي في يدي : نعيما حبيبي .
بالقاسم : الله ينعم عليك .
.......
التليفون يرن
وفاء منسجمه سمعت التليفون فطنت : احميده تليفونك .
محمد وخر مسك إيديها قمعز و قمعزها يبحت فيها مبتسم : عسسسسسل .
وفاء منحرجة بكل مطبسة رأسها .
محمد ضحك كر جاكه فتح الخط بدون ما يبحت في الأسم : أيوه من
اقدوره : أيوه يا طيري اطلع .
محمد : تي حل يا راجل كان نحسابك أنت راه ما فتحتش الخط .
اقدوره : اطلع يا ### خوذ العشاء جيبه لك من المطعم .
محمد : عليش تعب في روحك هلي معقبيلي .
اقدوره : توا اللي صار صار شن نبي نروح به اطلع خوذه و خلاص .
محمد : تمام عطيني 5 دقائق و نطلعلك تعال من باب بالقاسم .
اقدوره : تم ما طولش اه نبي نروح لهلي حتى أنا .
محمد ضحك : باهي باه .
سكر برم على وفاء .
محمد تنحنح صبى : صبي نوريك دارنا .
وفاء مسكت الفيلو صبت ،،،
محمد مسك معاها الفيلو و خشوا للدار : توا خوذي راحتك طلع ناخذ العشاء من الشباب و نجيك تمام حبيبي .
وفاء حطت يدها على جبتها متحشمه : أغسل وجك قبل ما تطلع .
محمد قرب منها باسها على رأسها ابتسم : باه .
خش الحمام غسل وجهه مرتين خذا منشف مسح وجهه و طلع
