#وجودك_أمان 🤍
حلقة [27]
بالقاسم خش : رحمه
أنا بحتت فيه.
بالقاسم : هيا
أنا صبيت : تصبحوا على خير
عميمه و البنات : قدامكن كل الخير.
طلعنا للحوش ركبنا دوشنا...
بالقاسم : حبيبتي
أنا حطيت المشطة برمت : نعم
بالقاسم : أنيس صاحبي يبي يجيب هله .
أنا فرحت : سندس تبي تجيني
بالقاسم صبى جاني قمعز على ركبه و نص : كنك فرحتي
أنا : جوها خيال بكل راه مقمعزة معاها مرتين بس خشت قلبي
بالقاسم قدم باس قلبي : و أنا
أنا ابتسمت سكتت
بالقاسم يبحت في عيوني كأنه يرجى مني في كلمة
أنا بصوت هادي : أنت قلبي بروحه
بالقاسم صبى وصباني فرحة في عيونه مسكني من مرفقي قربني منه لين لصقني
أنا نزلت عيوني غمضتهن
بالقاسم نزل على فمي يبوس فيه
انا بدلته لين نفسي انقطع
بالقاسم وخر مبتسم تنهد
انا رفعت راسي بحتت فيه نزلته طول نظراته ليا يخلن فيا متلخبطة لمساته ليا لين جسمي يرعش نحس فيه مرايف حتي لعيوني يبحت فيهن يدقق
بالقاسم فهمني ارتبكت : تعرفي إنها حكت لأنيس بعد جاتك في رمضان أنا ما كنت قاعد بس أنيس ثاني يوم رن عليا قعد يحكيلي زوجته قالت له عرفت سبب الحزن اللي في عيونها أنيس و أنها انحرجت لأنها مش عارفة وضعها و تأسفت لأنها بكت و قالت عرفت ليش نظرة الحزن في عيونها يومها قعد يوصي عليك دير بالك تضيع منك بنت الناس شكلها تبيك كويسة قتله لا اطمنوا خلاص و
أنا اذكرت شن حكيت للسندس قعدت نبكي .
بالقاسم يحضن فيا يمشي في أيدي على ظهري : حبيبي كنك أنا حكيتلك عشان تفهميني .
أنا قعدت نهدأ و فيا الشهقة
بالقاسم باسني في وذني وخرني : شن عذاب العوينات هذينا " يمسح في دموعي "
أنا ابتسمت دموعي ينزلن حطيت راسي على صدره
بالقاسم : قوليلي وين قررتي نعدوا
أنا : براحتك وين ما تبي
بالقاسم : نبيك إنت تقرري اللي تبيه ادللي عليا .
أنا رفعت راسي بحتت فيه ابتسمت : معناها نعدوا لتركيا أخرى .
بالقاسم باسني على راس خشمي : حاضر تركيا تركيا نحجز بكرا إن شاء الله.
أنا وخرت : ننزل نجيب فواكة و نجيك
بالقاسم : باه انزلي
أنا نزلت جبتهن
و بالقاسم قمعز ع السرير مسك التليفون
أنا حطيت السفرة قعدنا ناكلوا
بالقاسم يقشرلي يؤكل فيا شبعنا حط السفرة على الطاولة اللي في الغرفة و جاني : صحتين يا روحي
أنا راجيته لين خش السرير طول حضنته : سلمك
بالقاسم ابتسم : حبيبي .
أنا : نعم .
بالقاسم : في مرة حضنتيني كيف توا بكيتي في حضني ليش بكيتي .
أنا : أمتى هذه
بالقاسم : نذكر بعد ما طلعتي لمرات أنيس بأيام
أنا تنهدت : أها صح مشيتي قلبت عليا حاجات ، حسيت بيك بعيد عني و أنا بعيدة عليك حسيت اللي بينا مش زواج حقيقي ما عرفت وين الخلل فيك و لا فيا حسيت روحي ما نعني لك شي و زي ما كنت نحس ديما أني حاجة ثانوية يعني فترة و تسيبني .
بالقاسم حضني بالقوة : عمرك ما كنتي حاجة ثانوية خذيتي تفكيري من أول مرة شفتك صح عملي واخذ مني أغلب وقتي بس تفكيري معاك لما جيتك آخر مرة و أنت حامل كنتي تهبلي بكل قريب تخوخمت عليك حسيت بأنوثتك طاغية لحظتها جسمك زايد حلاوة و يومها بعد حسيت في عيونك كلام و إرياف عليا قلت و الله ما فيها أنا بروحي مرايف بس لما مرضتي عليا في الليل خفت يكون مني قلت ممكن أنا تعبتها من أريافي سألتك في العيادة بس ردك عادي قلت كله مني البنت طاحت أنا نيتي نفرحك بيها كنت نبيها تجي .
أنا حسيته نادم من صوته : لا مش منك أنا كان وضعي طبيعي لا مريضة لا شي صح حاسة أني مثقلة و إرهاق بس وضع البيبي كان طبيعي جدا هو غير ما عندي نصيب فيها .
بالقاسم مسك يدي : ليش ما تقولي ما عندناش نصيب فيها .
أنا : لا عادي بس كيف ما قتلك حسيت بيك مش مدور البيبي
بالقاسم : كنت مش مدور بس لما خذيتك للعيادة تمنيت أنك تبقي اكويسه إنت وياها و لما شلتها و نبي ناخذها للمقبرة تمنيت شلتها و هي حية و نفرحوا بيها ممكن إحساسي بيها متأخر بس كنتي إنت المهمة عندي و نبي نشوفك فرحانه بأي طريقة .
أنا ضيقت عيوني غرغرن اذكرت ايام تعبي عليها أنا نرجى فيها بالدقيقة دموعي نزلن.
بالقاسم : اللي قهرني لما كلمت جمال قتله إنك في العمليات قاللي توه نجيها في الصبح وجعتني منه مفروض جاك و صبى معايا
أنا ما نبي منه شي لكن هلك مفروض يبقى عندهم علم لكن هو حسيته مش معدل فما دورته.
أنا قعدت نبكي وجعتني روحي بكل
بالقاسم رفع وجهي في وجه : حبيبي لا ،،، ما حكيتها نبيك تبكي بس نبيك تعرفي الناس .
أنا نبكي : أنا عارفتهم بس هلي ما عندي عليهم وين ضروري نبي نحتك بيهم بس .
بالقاسم يمسح في دموعي : خوذي راحتك و علاقتك بيهم أنتي تحدديها و مش ح ندخل فيها خلاص أهدي
أنا هزيت راسي فرحني تفاهمه للموضوع .
بالقاسم يبوس فيا : شن الليلة نبوا نكملوها دموع نحن .
أنا ساكتة تحركت
بالقاسم صبى سلح التيشرت : افرديها هيا ما صدقت ضحكتي في وجهي
أنا ابتسمت شوي.
بالقاسم يرفع فيا : تعالي ارقدي هنا
رقدني عليه تنهد ماسك شعري
أنا نبحت فيه قلبي قريب يطلع من مكانه.
بالقاسم خذا ايديا وحده حطها على رقبته وتانية حطها على خده قرب وجهي على وجهه باس كف يدي : هدينا شويا .
أنا ساكته نفسي علاه.
بالقاسم يوشوش : شن حبيبي
أنا ساكته ،،،
بالقاسم رفع رأسه قعد يبوس فيا : ما نتحملش أنا تقعدي قدامي نقعد هادي راه .
أنا قربت عند وذنه : نحبك بالقاسم نحبك.
بالقاسم قلبني جاء فوقي رحنا في خبر كان.....
.........
وداد : شن دايرة في عمري لعند يصيرلي هذا كله بس شن دايرة حسبي الله ونعم الوكيل فيك يا سمية و جمال حسبي الله و نعم الوكيل .
فتحية : تعوذي من الشيطان سلم بنتي هيا نوضي معايا للأم نيروز خلينا نسلموا على المراه قبل ما تمشي لمصر تعالج طيارتها العشية
وداد : لا مش ماشية رنت عليا ليلي مراه حكيم نبي نهدرز عليها بعدين توا نبي اندير حاجة نشيلها معايا .
فتحية : فكك منها من شرها حتى صبايا الشارع يحكوا عليها فجرية بروحها تحكي قالت مخمجة حتى في شقتها ترد و تلاطع في راجلها و عمتها .
وداد : المرأه كويسة غير صبايا الشارع ما عندهنش على من يقرمن عمتي فجرية ما تحلف إلا برأسها تحسابيها كيف لفعة اللي عندنا
فتحية صبت : الله يهديك غير شاوري خوك كان تبي تطلعي .
وداد : قلت لماهر قاللي باهي .
فتحية : باهي ما طوليش ماشين للرحمه .
وداد عيطت : لاااا يا كلا نعدي لرحمه ناقصة إلا الحقيرة هذه نمشيلها
فتحية طلعت و سيبت وداد خشت للمطبخ .
أكرم : السلام عليكم
وداد طلعت : عليكم السلام وينك طولت عند اجدودي .
أكرم : درت برمه جت أمي وين؟
وداد : عند الجيران.
أكرم خش المربوعة : كان رقدت وعيني الساعة 5 عندي مشوار
وداد كشخت خشت للمطبخ .
........
أنا مصبية اندير في قهوة لابسه روب نص كم لعند الركبة و رقبه مهلعه لافه شعري فوق بكل .
بالقاسم جاء ورايا حط وجه تحت لفة شعري يشم و يحضن
أنا نفسه لخبطني و نرعش و نحس روحي قريب ندوخ .
بالقاسم مزال كيف ما هو يلمس في جسمي كله يبوس في رقبتي من لاوراء .
أنا ارتخيت بين ايديه.
بالقاسم حس بيا ارتخيت وخر بيا قمعز ع الكرسي و قمعزني عليه لف يديه عليا و رجليه على رجليا : صباح الخير.
أنا ابتسمت بصوت هادي مزالت مرتخية : صباح النور
القهوة فاجت .
أنا نطيت .
بالقاسم مسكني بالقوة : كنك اهدي.
أنا : القهوة فاجت.
بالقاسم يبوس فيا : خليها تفوج تغلي على مهلها .
أنا ضحكت
بالقاسم : تعالي نركبوا فوق.
أنا : نبي انديرلك غداء.
بالقاسم رفعني : هلي يدزوا تعالي
ركبنا رحنا في خبر كان....
........
عميمه : أصحاب بوك جايين و معاها هل رحمه و جدودها و خيها اللي في سرت دزوا السقايط بيش تشيلهن للجزار تقطعهن كبير كيف المرة اللي فاتت .
محمد يتغدى : حاضر .
نزهه : الطباخة كلمتها أخرى
زهور : ما شاء الله الناس تجي كل اليوم قعدوا .
عميمه : الحمدلله هذوما الأصحاب و الأحباب ما يجي إلا اللي يودك .
محمد صبى : الحمدلله ، اه نسيت انسابتي جايين في العشية .
عميمه : توا نمسكوهم على العشاء
محمد ماردش خش للحمام
رندا : أنا بعدين في الليل نبي نزرق على اىحوش نظم و نلم و نجيكم
زهور : تمام .
عميمه : قتلكن .
البنات : نعم
عميمه : خيكن و مراته حالهم باهي
البنات بحتن في بعضهن ابتسمن
نزهه : من من خيينا .
عميمه : بالقاسم و رحمه
البنات ضحكن : حتي إنت لاحظتي
عميمه فرحت : و الله حسيتها من نحن في العمرة الحمدلله ربي رطب قليبه عليها و الله تستاهل كل خير البنت الله يعطيك كل الخير يا انزوها على جيبت هالبنت .
نزهه ابتسمت : الحمدلله طلعت بنت ناس قدرت على قلب بالقاسم يشهد ربي خيي صح واعر بس حنون و طيب كريم مع اللي يعرفه و لا ما يعرفه .
زهور : و الله صح بعد العمرة حسيته حتي وجها بشوش باين فيه الفرحة
عميمه : الله أكبر ما شاء الله ما شاء الله على اوليدي الله لا يغيبه عليا .
بنات ضحكن : ربي يحفظه لنا يا رب
عميمه عيونها غرغرن : ربي يجعل أيامهم كلهن سعادة و فرح اجعنه ما يغيب و لا يجيه طبيب يا رب .
بنات قربن من عميمه يطبطب عليها : إن شاء الله يا ماما كنك.
عميمه دموعها نزلن : خيكن متبهدل وراء شغله نبي نتريح عليه دعيتلكم كلكم من قلبي ربي من عالي سماء يحفظكم و يسر طريقكم و يهديكم و يصلح حال إسماعيل يا رب .
نزهه تمسح في دموع عميمه : إن شاء الله يا ماما خلاص عليش تبكي أهو بالقاسم تريحنا عليه و حمادي هانت إن شاء الله إسماعيل كبير يعرف كيف ييسر أموره و نحن تريحي عليا قاعدين مع رجالتنا متهنين متريحن الحمدلله يا ربي .
عميمه : الحمدلله الحمد لله على كل حال الحمدلله .
الشغالة : غداء جاهز مدام
رندا صبت : توا نشللهم أنا
نزهه : بشويش بس.
...........
بالقاسم : شن نفتح و لا تفتحي
أنا : نبي ندوش أنزل أنت.
بالقاسم لبس صبى : حاضر خشي .
أنا خشيت ،،،
بالقاسم نزل خذا الغداء غطاه ركب رجاني لين طلعت خش دوش نزلنا قمعزني جنبه قعدنا نتغدوا .
بالقاسم : رندا قالتلي جدودك جايين اليوم .
أنا : أها رنوا عليا في الصبح بس ما لحقت نقولك .
بالقاسم ضحك .
أنا : تبي تطلع توا أنت.
بالقاسم : لا بعد يجوا الضيوف توا نطلعوا.
أنا سكتت قعدت ناكل.
بالقاسم خذا طرف بطاطا : افتحي فمك.
أنا فتحت كليتها.
بالقاسم يبوس في فمي حطني على كرعيه : أيووه هك خير.
أنا قمعزت كويس مديت يدي على السلاطة نبي ناخذه ،
بالقاسم طبس على يدي باسها
أنا حسيت بيه حافظ تحركاتي حطيت الكشيك برمت عليه بسته على رأسه : ربي يخليك ليا و ما يحرمني منك .
بالقاسم حط رأسى على كتفه : و يخليك ليا .
خذا كشيكه غرف من السلاطة
بالقاسم : تبي منها .
أنا هزيت راسي
بالقاسم قدم الكاشيك وكلني
أنا كليت رديت راسي على كتفه
الباب دق.
أنا وخرت راسي بحتت فيه
بالقاسم : خشي توا نشوف من
أنا خشيت.
بالقاسم فتح : أيوه.
محمد : باهي اللي شفنه وجك.
بالقاسم انحرج : خير إن شاء الله في حاجة .
محمد : ما في شي انشغلت عليك بس .
بالقاسم : لا غير مازالت تعبان من السفرة .
محمد : ماك ديما تسافر شن جد عليك .
بالقاسم : شن تبي توا أنت؟
محمد : توفيق و فرحات برا قالولك جبنالك الأمانة.
بالقاسم : تمام خششهم للمربوعة أني جاي.
محمد : تم أوكي.
بالقاسم : حبيبي تعالي .
أنا طلعت قمعزنا كملنا الغداء ركبنا أنا قعدت نوتي في روحي .
بالقاسم لبس و طلع
..........
إسماعيل : كيف يعني بعد هذا كله ما تبيش تمشي للهلي .
أميمة : مش ماشية اها .
إسماعيل : تحسابي أمي فرخ إنت تقولي نبي لبسه جديدة نشري و بعدين تقولي مش ماشية .
أميمة : أنا حرة قلت مش ماشية يعني مش ماشية.
إسماعيل عيط : و عليا طلاق كان ما تلبسي و تطلعي معايا نحطك عند هلك معش تلزميني .
أميمة تهزب : كم مرة نعدوا نحمدوا على السلامه خلاص مش ديما نشوف الخلايق .
إسماعيل طلع يعيط : أنا حلفت ما نبيش نقاش.
أميمة قعدت تنفتر تلبس تمكيج ، كملت و جو لحوش عيت عمي
.........
بالقاسم خش لقاني نطلع في لبسه حضني : رايفت عليك.
أنا ابتسمت حضنته : حبيبي أنا
بالقاسم : شن واتية .
أنا : نلبس و نطلعوا هلي وصلوا
بالقاسم : أكرم وهله وصلوا مع طلعت أصحابي.
أنا فرحت شديت عليه في حضن شوي.
بالقاسم وخر : ألبسي هي بيش نطلعوا .
لبست و طلعنا جو هلي و عيت جدي تعشوا عطيتهم الهدايا و روحوا .
أميمة وقت كله تكشخ عليا مرة مرة نسمع فيا تحكي عليا .
بالقاسم كلمني روحنا للحوشنا قالي على السفرة حكينا شوي رحنا في خبر كان....
.........
كملنا اسبوع الأول نحن مع بعضنا في الحوش بالقاسم ما يطلعش إلا بعد يجوا ضيوف يسلم على هله بالمرة يرد يحضن تقوله له كم يوم ما شافني.
أنا ما نطلع لين يجوا ضيوف تكلمني عميمه .
بنات روحن بس يجن يوميا في العشية .
الغداء من عيت عمي و العشاء يطلع بالقاسم يجيب من المطعم و يرد شبه يومنا كله نحن على سرير نهدرزوا و نضحكوا .
بالقاسم فرحان بيا درجة حتى بعد نحكي يقعد مركز معايا يبقي يبوس في ايديا خدودي .
أنا قربه مفرحني قعدت نبادل فيه في كل شي.
كان شعوري بالفرحة ما نقدر نوصفه كلام بالقاسم حركاته كل يوم يزيدني ثقة في نفسي.
.
.
.
أنا : حبيبي.
بالقاسم : نعم.
أنا : نبي نوقف الحبوب عشان تنزل عليا و تكمل قبل نسافروا
بالقاسم : توا تقطعي إنسجامنا لكن باهي وقفيهن .
أنا ضحكت
.......
#يتبع..
الحلقة الخميس ان شاء الله...
#Fafyfaa
