أسد المخابرات وفهد الاقتصاد (قيد التعديل)

الفصل السادس وعشرون

خرج الجميع من الغرفه..وبحث يوسف عن مادينا لم يجدها فذهب الي المطبخ وجدها جالسه علي الأرض وهي تضم قدمها وتضع رأسها بينهم وتبكي بشده..فألمه قلبه عليها فهي حبيبته..فأحبها منذ أول لقاء لهم وعلم مابها وهو تعهد أنه سيدخل الفرح لحياتها وسوف يأتي بحقها من جرحها وأذاها...فذهب لها سريعا ونزل لمستواها وتحدث بلهفه/مادي حياتي بتبكي ليه..فرفعت وجهها له وليت لم ترفعه فهي وجهها أحمر بشده وعيناها المليئتين بالدموع..فأخذها لأحضانه وهو يشدد من احتضانها كأنه يريد أن يدخلها داخل صدره وهي أيضا شددت من إحتضانه وهي تبكي وبشده وتعلوا شهقاتها وهو يهدئها وهو يتحدث بمرح /شششششش أهدي يا أميرتي مش بقدر أشوف دموعك هبكي أنا كمان وبرستيجي هيبوظ والحج هيمنعني من الترقيه ياختي..حياة المفتريه تاخد ترقيتين لحد مابقت زي وانا لسه ولا ترقيه..نفسي أحس اني قائد عليها مرة واحده في حياتي

مادينا ضحكت/عمرك يابرنس. ماهتبقي زيها طول مانت مجنون كده
يوسف بحده مصطنعه/انا مجنون طب صدقيني لأفرمك الفترة الجايه
مادينا بخوف مصطنع/عاااا خوفتني.. انا في حمايه حياة يابا.. قالتها بغرور
يوسف /طب قومي ياختي عشان الباشا طلبني وتعالي معايا نتفسح شويه
مادينا بمعارضه/لا مش عايزة اطلع مش قادرة
يوسف بصيغه الأمر/15 دقيقه لو ملقتكيش ورايا تحت هخدك ظي ماانتي  وسابها وطلع
مادينا ابتسمت وقامت تجهز فيوسف هو خير صديق لها ويمكن حبيب كمان

... أدهم فتح الرساله وقعد يقرأ ودموعه بتنزل بهدوء

    
        ""أنا بكتب الرساله دي عشان أقولكم فيها الحقيقه لأن ضميري أخيرا صحي بس بعد ما فات الأوان..محمد..أنت قدمتلي الحب والإحترام وأنا في المقابل قدمتلك الخيانه والخداع.طبعا أنت مفكرني بنت غلبانه مليش أهل ووحيده بس في الحقيقه أنا مش كده انا ليا أخ وهو مصطفي الألفي يبقا جوز ريهام العاصي صحبتك..تعرف ان أنا عمري ما حبيتك رغم كل الحب الـ انت قدمته ليا لأن أننا أتجوزتك غصب..مصطفي قلي أتجوزك عشان انت واخد منه حبيبته ريهام كان مفكر إنك بتحبها..وأتجوزتك عشان ريهام يتكسر قلبها ويبقا مفيش قدامها غير مصطفي الكتف الحنين الـ يداوي جروحها..ومكتفناش بكده لا كمان في اليوم الـ ابني حب فيه وجه قلي بدال ما أفرح لفرحته وأهتم بعروسته روحت حرضته عليها وحاولت أفرق بينهم كتير بس كله راح علي الأرض..اخر ما غلبت روحت أجبرتها تسيبه بالغصب ومش بس كده سيبتها لأبن اخويا قدمتها ليه ضحيه..رغم اني عارفه كل أعمال أخويا الوسخه من تجارة مخدرات لسلاح للتجارة بالبنات وتجنيد الولاد..أخويا زعيم عصابه إرهابيه كبير وبردوا فضلت معاه بعد ما عرفت كل ده..بس خلاص انا كده بقولكم الحقيقه وأخري في حياتكم الرحله وبعدها هطلع من حياتكم نهائي..بس قبل ما طلع حابه أقولكم حاجة مهمه في حد تاني من العيله متفق مع مصطفي وبيدخل المخدرات والسلاح للدوله عن طريق الشحنات بتاعت البضاعه بتاعتكم وهو السبب في حبس..حازم السيوفي أخوك وهو.......االباقي مشطوب عليه...""