نصفي العقيم ( مكتمله )

بارت(٣٧)

مو ميت عدل وإكبالي أشوفك دوم
                                                 وأتامّل رحيم الغيبتك رجعة ما صدّك غفل يا بويا عنّي تروح
                                               مستعجل تريد فراكنا بسرعة كدّامي القلم كلّ ساعة أشمّن بيه
                                               بلكي علقلم نيشان من صعبة وشكد ذكريات مخلي عالورق
                                              وحجايات حلوه أبالي متجمعة نقرى بدفترك حد ما تطيح عيون
                                              والبوم الصّور نشتاق ونطلعه
عيني عالدّرب من ربعك إيردون
                                           أكولن بلكي أشوفن جاي وي ربعه
ويطول انتظاري او وكفتي علـ باب
                                               عين اتاني تبقى وعين بالدّمعة
شريد أنسى يمّا منيلّي النّسيان
                                              هو الجرف ينسه الماي ويودعه

*ملاحظه ، انصح بسماع لحن حزين ويا البارت 💔

البارت من ٣٠١٦ كلمه
_______________________

روايـة "نصفي العقيم"

البارت السابع والثــ٣٧ـــلاثـون

-الجزء الثاني

للكاتبه : يُمنا نـآصر
_______________________
اذا شفت تفاعل ع البارت وتعليقات وحماس ويا الروايه انزللكم باجر بارت 🤭

قراءه ممتعه ..

بغداد : بمره من المرات قريت مقوله دكول لا يغفو قلب الأب، إلا بعد أن تغفو جميع القلوب ...

بس شفت هالمقوله جداً كاذبه ، لِـان للاسف بهواي مرات عيوني جانت ماتاخذ النوم وگلبي يتعلعل  بسبب الاذى الجسدي والنفسي والتعذيب الي كان ينصب عليه كُل يوم بدون رحمه ورئفه ، وابويه جان قلبه يغفى وميهتملي  ..!

ومايفز گلبه لأذيتي ..

مرات افكر وتاخذني المشاعر بمتاهه مظلمه مابيها بس اني ،وتقيدني الذكريات وتجبرني اسوي مقارنه بين حياتي قبل ما ارجع للعراق وبين حياتي هسه .. بس الماضي كان يأذيني اكثر رغم جماله والحياة البي الي كانت تزهو بالالوان بس اتاذى

اتأذى من اقارن بين امي وابويه الجانو هناك والي من اجو تغيرت شخصياتهم جذرياً ، صرت ابرد ومالكى الدفى بحظن امي
وطاح السند الي جنت مرتكئ علي ويا اهمال ابويه وكسرته لنفسي..

حياتي كانت زاهيه بعيني مثل قصر كبير وحلو ، نهدم بنائه طابوگه طابوگه كدام عيني ، غير القهر الي احتل روحي واني اشوف امي وابويه ناس ثانيين ..

ياترى نسو انفسهم بتركيا ، ليش مارجعو نفسهم .. ليش خلو كلشي حلو بيهم هناك ولبسو القسوه والظلم وهاي مو ثوبهم والله مو ثوبهم ..

بس رغم كل شي سوو بيه ، ما جنت متوقعه بيوم انو راح اخسر واحد بيهم ، خليهم يكرهوني خليهم يعذبوني يدمروني اني راضيه .. بهذا كله مقابل اعرف بيهم يشمون الهوه وراسهم ما غطاه التراب ..