نصفي العقيم ( مكتمله )

بارت(٣٧)

و ابويه رغم كان اله الحصه الاكبر من الصار ويايه بحياتي ، وكل شين صار الي هو بسببه وبسبب اهماله وتحميلي ذنوب امي .. بس جان صوته وطلته وعيونه الي مليانه لوم وعتب وندم ، كل هالاشياء كفيله بانو احس اني عندي اب ، ولو مهما كان ظالم ولو مهما كان يأذيني بس المهم انو وجوده ميحسسني بهدم كل البيت ، يبقى ابويه غرفه صغيره وحلوه من يضيق بيه الزمن اروح ادك بابها واختل بيها ..

____________________________

بعد التنظيف وتعزيل المطبخ والعزيمه الي كسرت ظهري، اجيت كعدت ع التلفزيون اكلب شويه والهي نفسي

دگ تلفوني المتصل عهد ، خير ياستار توه طلع من البيت ..

.. شلته ، الوووو
اجاني صوته يبچي مثل الطفل الفاقد ظناه وگال ..

عهد : لججججج بغدااااااااد ماااااااات مااااااااااااااااااااات

بغداد : كعدت مهدود حيلي من الهبطه واريد اعرف منو المات .. عهد شبييييك ليش هيج دتبجي منوو الماتتت ؟؟؟

عهد : ابوووويه ولج ابوووويه مغتالي ورامين عليه بسيارته ..

بغداد : بمجرد ما نطق الاسـم اني حسيت راسي نفخ وعيوني غوشت لا يربي لااااا انشالله مو صدك ماتحمل خسارة عزيز بعددد

ماهتميت لصوت عهد وهو يحجي ويايه بالموبايل طلعت بسرعه اركض مثل المخبله اخذت العبايه وماعرف شلون لبستها وشلت الدزدان ، ركضت ع الشارع وعيوني تهل بالدموع ...

الناس كلها تباوع عليه ويسئلوني شبيج بس اني مابحال ارد لو انطق حرف واحد ، وكفت تكسي ع السريع وركبت وياه كالي وين اختي ؟

صفنت بوجهه ماعرف شكوله اني اصلاً ماندل هما بيا مستشفى ،رجعت دكيت على عهد وايدي ترجف

.. شاله وكتله ابويه بيا مستشفى اني جايه .. كالي اسم المستشفى انطيته للسايق وانطلقنه ، رغم المستشفى جانت مو كلش بعيده بس المسافه حسيتها سنين مو ربع ساعه ..

ماصدگت انزل وانطي للسايق فلوسه حتى ما انتظرت يرجعلي الباقي نزلت اركض دخلت للمستشفى ورحت للاستعلامات ..
كلت للبنيه واني انشغ

بغداد: عفيه اكو هنا عدكم واحد متصوب ، اللواء ارشد الـ(....) شگد رقم غرفته ..

الممرضه : اي قبل ساعه جابوه بصالة العمليات ،  الطابق الثالث ..

بغداد : ضحكت من بين دموعي ، يعني بعده ممييت !
صعدت ع الطابق الثاني  امشي واتعثر كل شويه اريد اوگع على وجهي ، امشي بعجله لحد ماشفت عهد اجه يركض عليه من بعيد رحتله واحجي ويا مشلوشه