#وضاقت_الأرض_بي
للكاتبة #لبنى_الموسوي
ملاحظة/ بارت مفاجئ لعيونكم حبايب
وداسرع بالأحداث على گد ما اگدر اكثر من هالشي تعذروني لحد يستعجلني اول وتالي توصلون للنهاية ما ظل شي
الوقوف بمنتصف الطريق لا يُعد قوة
اما أن تتقدم بشجاعة
او تعد خطواتك الى الخلف بضعف وهشاشة
وها أنا اتقدم
ولكن الى اين ؟!!
فـ قد (ضاقت الأرض بي)
وليس لي غير بابك يا الهي من رجاء وأمان فـ كن لي مؤى لـِ أكن لك عبداً مطيع....
المفتاح بجيبة طلعتة فتحت الباب ودخلت للبستان ما اگدر اطلع من برة الحارس گاعد واكيد يشوفني مشيت ما اعرف ليوين بس كل الأعرفة نفس المصير الواجهتة شمس راح اواجهة ويمكن اكثر لأن اذا هي خالتها يمها ورجلها يريدها
اني محد الية ورجلي ميريد غير الطفل الي ببطني
تمشيت مسافة اباوع كلها أشجار
الضوة طالع
هسه يجون الفلاحين وانفضح
يربي لازم اطلع منا بـ أسرع وقت ممكن قبل لا يحس إسحاق
سرعت بـ خطواتي اكثر
شفت فلاح من بعيد ديرش الزرع بالصوندة
بسرعة ختلت
ظليت واگفة ورى الشجرة
شوية ومشى مسافة بقيت اتتبع طريقة لحد ما وصل الباب البستان الخلفي
بس طلع طلعت ورى
فرع طويل كلش يا ربي شيوصلني للشارع
المصيبة اخاف إسحاق يحس علية ويوصل الي قبل لا ابعد عن المكان مسافة كافية
مشيت بكل سرعتي
الحمد لله وصلت للشارع بس بعد ما انگطع نفسي
اول تكسي صار گبالي وگفتة
گال وين گتلة بغداد بس عفية حاول تستعجل شوية
باوعت الـ أيدي تذكرت رقم شمس
- خوية بلا زحمة ممكن تنطيني موبايلك اتصل على اختي لأن موبايلي نسيتة بالبيت
- اي خوية تامرين تفضلي
فتح الجهاز وانطانيا
بالگوة لزمتة ايدي ترجف من الخوف
دگيت الرقم وانطيت اتصال حطيتة على اذني الجهاز مغلق !!
شنو السالفة ليش مغلق ؟!!
رجعت اتصلت هم مغلق صفنت ويا نفسي
عززززة بعينچ غسق
ماخذة رقمها القديم يبوو شلون حظ عليچ فگر وراح تبقين كل عمرچ فگر
زاد الخوف بية
اني طلعت من البيت معتمدة على شمس
هسه شلون ؟!!
وين اروح ومنو الي حتى عقلي بعد وگف عن التفكير
حاولت اتمالك نفسي
فكرت زين ما لگيت أي حل ينقذني من حيرتي
المصيبة الأكبر
هي وبعد اسقاطها خطية اخذت اجازة من الدوام لأن تأزمت نفسيتها كلش
يعني مستحيل اگدر اوصل الها
لا عندي رقمها ولا حتى اندل عنوانها
هو اني جامعتي و ورى سنة يلا گدرت احفظ طريقها عدل هالنوب بغداد !!!
باوعت من الجامة للسما
يا رب وين اروح ارشدني ما عندي غيرك
غمضت ابچي
فجأة وبدون ما اعرف السبب حچيتها خوية اخذني الكربلاء
أنت تقرأ
وضاقت الأرض بي
Adventureعندما تجتمع مجموعة من الوحوش الجائعة على فتاة صعبة المنال تكون النتيجة كارثة بشرية إغتصاب جماعي وعادات متخلفة وظلم لا متناهي وأًناس لا ترحم إن كانت السماء تنصف فـ كيف السبيل الى الخلاص على هذه الأرض ؟!!
