نصفي العقيم ( مكتمله )

بارت (٣٦)

أنا اللّي عشت بالدّنيا اصارع غابة الأحزان
حزن هموم عذابي يبتسم بيهــــا
تعبت بدنيتي هايم وصرت بدنيتي حـــيران
تعبت وهذي الدّنيا دوم ألاگيهــــا

روايـة "نصفي العقيم"

البارت السادس والثــ٣٦ـــلاثـون

-الجزء الثاني

للكاتبه : يُمنا نـآصر
_______________________
البارت من ٤٠٥٢ كلمه

قراءه ممتعه ..

بغداد : اتخذت قراري الحاسم بانو لازم اكول كلشي لصگر الى متى اني ابقى اخاف على الناس ومحد يخاف عليه والى متى اني ارحم البشر ومحد يعرف بيه الرحمه الرئفه

وگعتي الاخيره ومرضي شفت بيهم الذِل والكسـره  ، و بعمري ماراح انساهم ولا راح انسى شماتة هشام وهو يعايرني اني ماعندي خوات ولا ام يوگفولي ويشيلوني بمرضي ..

واختي الي شلتها على كفوف الراحه بولادتها وجنت دوم احبها واحترمها رغم مابينه اي موقف ينمي بداخلي تقدير وحب الها بس يكفي انو كنت شايفتها الانسانه الوحيده هي وعهد الي مايوم اذوني بشي

كلهم اذوني بس جانت طعناتهم سهله وممكن اتناساها وتطيب طعنتهم ، بس للأسف مادريت انو هي الوحيده الي راح تغرس الخنجر بطهري وتخليني مكسورة الظهر طول عمري واحدب راسي من امشي بسببها

.. حلفت وعاهدت روحي انو راح اخليهم يدفعون ثمن خيانتهم وقذارتهم والي سووه بيه كلش غالي

كلشي صار بحياتي من الماضي ووگعتي بليلة ظلمه واني انتظر امي ترجعلي لو يحن كلبها عليه ورواء والتعذيب وكسرة النفس والگلب وحرماني من ابسط حقوقي انو اتزوج الانسـان الاحبه الانسان الوحيد الي ردته من الدنيا وماردت شي بعده ..

والحاظر الي كل يوم منه يمر اني اخسر شي من نفسي وتنكسر بيه اشياء ما تتصلح بعد

من اول يوم بزواجي لحد هاي اللحظه اني بس اخسر ماربحت شي غير اطفالي الي لازم اتحرك حتى ما اخسرهم ولا اخليهم اذا كبرو يشوفوني على حالتي هذي .. ولا ياخذون خصل قذره من ابوهم ويتطبعون باطباعه

.. شوفة مستقبلي المهدوم الي اذا بقت حياتي على نفس النمط ماراح يكون الي بس الذكريات السيئه وحتى المستقبل راح ينعدم من الوجود ..

كُل هالاشياء بداخلي اقامت حرب صارت تترامى بالنار شفت نفسي اني الخسرانه الوحيده من هذي الحرب كلها.. والنار تحرك بيه بس اني