بيبي تبجي وتردد ياربي دخيلك
بس للاسف.
غمضت من جديده. فز راكان للسياره اخذها واني بتراكسودي العريض بيبي خلت عبايتها على راسي
وعمو اخذ بجامه لراكان وي فانيلته النص ردن
وطلع راكان ليوره وبحضنه اسو التفتت اباوعلها مغمضه وببالي هظه ترجع تفتح عمو يسوق ويعاين ليوره
هااا كعدت
فتحت عينهاا
هاا راكانننن احجي بابا راكان
وراكان يهز بيها ويون على كصتها. قريب مدنوصل المستشفى. عله صوت راكان وشهكته
التفت عمي ووكف صيح
شبيييك
صيح
شخررت عمييي شخررت
وكانت اخر نضره مني الها رفيقه. طفولتي صباي ومراهقتي ونضجي ودراستي
تركتني بالعقد الثاني من عمري
تركتني قبل لاافرح لوتفرح بيه
تركتني مثل ماامي وابويه. تركوني.
وغف من حلكها طلع. ودم سال من عينها تخربط عمو واني فصلت. مداجمع مداسيطر على واقعي
بس اعاينها صافنه
العالم التمت
اتذكر هوسه وسواد وراكان صوته يتصل. ويبجي
اتذكر سيارات طبكت هواي يمنا
اخذوها واخذو راكان وعمو
واني صافنه. عبايه عدى راسي
لخد اليوم اتذكر وجع اصبعي الضاغطه بي على ركبتي ومثبته بي العبايه
فجاءه. واحد خله ايده على كتفي.
والعالم تصيح
بابا تسمعينا
خاف هاي اختها
عافوها من ثبيرتهم نسوها
