سليمه كانت تكذب بس تحاول اطمن مرات عمها علي بنتها
فاطمه:باهي ربي يسعدهم و نشوفو صغارهم
سليمه&زهيره:ان شاء الله
بعد وقت نزلت منيه دايره ميكب اوفر و لابسه ضيق و شافتلهم
زهيره:على وين
منيه:شغل يا ماما هي مع السلامه
فاطمه:هوا في شغل بعد المغرب
منيه:في يا اعميمه
فاطمه:به ربي يستر عليك يا بنتي
زهيره و منيه شافنلها كأنها قالت إيهانه
فاطمه :عطيني تلفونك يا سليمه نرن على فادي يجيني
زهيره؛خليك قاعده
فاطمه:لا بنمشي الحوش حايس والله ماعد عندي حيل ل شي بعد اجوزت نادين ماعد نضف
زهيره:مش ضروري تعبي روحك توو ندزلك البنات بكره يساعدنك فيه
فاطمه:نقنه كان تخلي سليمه تجي معاي تعاوني كم يوم و تونجيبها
زهيره:سليمه زي بنتك خوذيها و الي تبيها خليها ديرها لك و انتي تريحي
فاطمه بحتت ف سليمه:نوضي وتي دبشك بعدها توو نرنو ع وليد يجي ياخذنا
سليمه : حاضر
فاطمه:الله يربحك
سليمه مشت جهزت دبشها و و لبست عبايه و وقفت قدام المرايه و شافت وجها شاحبب طلعت من دارها ل دار منيه و وقفت قدام المرايه و تشوف ل انواع الميكب الي اغلبهن ما تعرفهن و فتحت دولابها الي كله دبش جديد و شي احلا من الثاني قربت من الميكب و دارت ميكب خفيف و كريم ل ايديها و شافت للدبش مره ثانيه و خدت بيجامتين كانو جدد
و بعتت رساله ل منيه
درت من الميكب و خديت بيجامتين
و ردت عليها منيه طول
خودي الي تبيها و في كيسه جنب السرير جايبتها لكي
سليمه شافت للكيسه كان فيها فون جديد
و منتجات عنايه بالبشره و ميكب كامل
سليمه خدت الكيس و حطتها ف شنطتها و طلعت
فاطمه:جهزتي دبشك
سليمه:اي كملت
فاطمه :خلاص اهو فادي برا هي نطلعو
سليمه قلبها دق بسرعه لما سمعت اسم فادي
فاطمه طلعت :مع السلامه ي زهيره سليميلي ع الحاج
زهيره؛ الله يسلمك مع السلامه
سليمه طلعت بدون كلام و ركبت ف السيارة من الخلف
فادي شافلها من المرايه :و عليكم السلام
سليمه:ايي نسيت هلا
فادي:اهلين نورتي
سليمه ابتسمت و ماعد ردت
فادي قعد معلق عيونه فيها
سليمه نزلت راسها و قعدت تشوف ل اصابع ايديها
فاطمه خشت للسياره
فادي نزل عيونه طول
فاطمه:وينك اليوم وعيت الصبح ما لقيتك
فادي:واللهي شغل يا امي و ماعد فضيت إلا تو
فاطمه؛مازلت ما تغديت
فادي:لا تغديت ف العمل
فاطمه:باهي
فادي:للسوق ماشيين؟
فاطمه:لا للحوش و سليمه جبتها تقعد مععاي كم يوم
فادي:باهي تغيرلك جوك بدل مانك مكسده علينا انا وليد
فاطمه:خزي عليكم اهوو بنتي سليمه معاي ماعد نبيكم
فادي:شفتي يا سوسو باعتنا على شانكك
سليمه ابتسمت
و شوي و وصلو للحوش و خشت فاطمه نحت عبايتها
فاطمه:تعالي ي سليمه اقعدي ف.دار نادين مازلت كل حاجه مكانها كأنها دارك
سليمه:حاضر يا عميمه
و خشت للدار حولت عبايتها علقتها و طلعت دبشها نضماته و حطت الشنطه على جنب
و خدت الميكب و نضماته ع الطاوله و لفت شعرها فوق و طلعت
فادي ؛كان اديريلنا قهوه تقعدي هك👍
سليمه:حااضر تو نديرلك
فاطمه:لا انت الي اقعد هك👍و ديرلنا قهوه و جيبلنا عشاء انا و سليمه ما بنديرو شي
سليمه:يا اعميمه اء
فاطمه:لا ما تحكيش عاد خليه يحرك روحه
فادي:تم احلا قهووه و عشاء لعيونك يا ست الحبايب
فاطمه:تعالي نقعدو ف الجنان
سليمه:هي جايه
و فات الوقت و غيرو جو و جا وليد و تعشو ف الجنان كمل الوقت ضحك و تشفيط لحد اخر الليل و خشو رقدو
سليمه وعت كأنها في كابوس تشوف ل كل مكان و خايفه
استغفرت ربي و طلعت بتشرب اميه خدت كبايه و هي طالعه سمعت صوت من باب دار فادي قربت بشوي فضول كان بيقتلها
فادي:تي والله انحبك طيري والله
سليمه نزلو دموعها بدون سبب و جت بتكمل طريقها و فادي يطلع
فادي:سليمه
سليمه مسحت دموعها :اءء
فادي:سمعتيني صح تعاللي نفهمك كل شي
سليمه جت ماشيه و شدها فادي و سكر باب الدار و هي قعدت ترجف من الخوف
。。。。。。。。。。。。。。。。。
#گتآبآت_آمونهہ_آلمطـرشقهہ🍂🥀
ⓘⓝⓢⓣ: amona_amon13
مازن قاعد جنب الغرفه و سمع صوت لأجهزه عالي توقع نادين ماتت
قعد يدور مش عارف شنو يدير و بعد كم دقيقه طلعت الممرضه
مازن؛طمنيني
الممرضه:مبروك المدام فاقت و صحتها بخير و صحت البيبي بخير
مازن:قصدك هيا حااملل
الممرضه:اي مبروك
مازن وقف ف لحضات مش مصدق انه بيكون اب
و خش للغررفه مبتسم و قرر يفتح صفحه جديده عشان ولده
نادين؛اطلعع براا
مازن:خيرك
نادين:اطللللعععع براا
مازن:ناادين
نادين:اطلع ما نبيش نشوفك و ولدك الي انا حاامل بيه ما نبييش اطلععع
مازن:ولدي ح تجيبيه و تربيه غصبب عنك انتي فاهمه
نادين:مستحييلا انا ما نحبك انا نحب معتز
مازن؛معتز الله يرحممه كيف ما قتلك
نادين:انا عارفه كل شي و ح نبللغ عليك يا مجرم و ح نرفع قضه طلاق و اطلقني غصب عنكك
مازن:ما تقدري اديري شي لانه وقتها الفيديو تبعك ح يوصل لخوتك
نادين فيديوو شنن هااا تكذبب عليا
مازن :فيديو و انتي......
يتبع💕
YOU ARE READING
#قضيه_زواج للكاتبه|| امونهه المطرشقة {مكتمله}
Mystery / Thrillerروايات امونهه المطرشقةة ||روايه بالهجه اليبيه
