''ဖေဖေ ဒီဓာတ်ပုံက ဖေဖေနဲ့ ပါပါး မလား...''ဘာလို့ ပြေးနေကြတာလဲ သားသားကိုကျတော့ မပြေးခိုင်းဘဲနဲ့ သားသားကိုကျတော့ ပြေးရင် ချော်လဲမယ်ဆိုပြီးတော့...'' ငါးနှစ်အရွယ် သားလေး၏အမေးဖြစ်သည်။
ဒီအရွယ်က စူးစမ်းတဲ့အရွယ်ဆိုတော့ သိချင်တာတွေ မေးတတ်တာပေါ့။
''ဪ...ဒီဓါတ်ပုံလေးက ဖေဖေနဲ့ ပါပါးတို့ရဲ့ အမှတ်တရပုံလေးလေ သားရဲ့ ...
သားပါးပါးနဲ့ ဖေဖေတို့ ပထမဦးဆုံး စတွေ့ကြတာပေါ့...''
''ဘာလို့ တွေ့တာလဲ ဖေဖေ ဘာလို့ ပြေးနေတာလဲဆိုနေ သားကို ပြောပြပါလား...''
''အင်း သားလည်း ကိုယ့်နိုင်ငံမှာ ဖြစ်ပျက်ခဲ့တဲ့ အကြောင်းအရာတွေ သိထားဖို့ လိုပြီ...
ဖေဖေ ပြောပြမယ်...
ဒီလို သားလေးရဲ့ ...သားမမွေးခင်တုန်းက ဖေဖေတို့ နိုင်ငံမှာ အာဏာသိမ်းမှုတစ်ခု ဖြစ်ခဲ့တယ်...
ဖေဖေတို့ ပါးပါးတို့လို ပြည်သူတွေက မဲပေးပြီး တင်မြှောက်ခဲ့တဲ့ နိုင်ငံကို အုပ်ချုပ်မဲ့ အစိုးရကို မကောင်းတဲ့လူကြီးတွေက ရုတ်တရက်ကြီး ဖမ်းဆီးထိန်းသိမ်းခဲ့တယ်...ဖေဖေတို့နိုင်ငံက ပြည်သူတွေအားလုံး ဝမ်းနည်းခဲ့ရတယ်...
နောက်တော့ ဖေဖေတို့ ပြည်သူတွေ သူတို့ ခြယ်လှယ်သမျှ ငြိမ်ခံနေလို့ မဖြစ်တော့ဘူးဆိုပြီး ငြိမ်းချမ်းစွာနဲ့ လမ်းပေါ်ထွက် ဆန္ဒထွက်ပြခဲ့ကြတယ်...
မိဘတွေက မလွှတ်လို့ အိမ်ပြင်မထွက်ရတဲ့ လူငယ်တွေကလည်း အခု လက်ရှိ internetဖွင့်ပြီး သုံးရတဲ့ facebookကို မကောင်းတဲ့လူကြီးတွေက Banထားလို့ VPNနဲ့တွဲသုံးပြီးတော့ လမ်းပေါ်ထွက် ဆန္ဒထွက်ပြနေတဲ့ သူတွေအတွက် သတင်းအချက်အလက်တွေကို မျှဝေပေးတယ်... ဖေဖေတို့ နိုင်ငံမှာ ဖြစ်ပေါ်နေတဲ့အရေးကို နိုင်ငံတကာက သိအောင်လို့ Twitterမှာ Trendပေးခဲ့ကြတယ်...
ဖေဖော်ဝါရီ ၁ရက်နေ့မှာ စတင်ခဲ့တဲ့ အာဏာသိမ်းမှုကြီးကို ပြည်သူတွေအားလုံးက ဝိုင်းဝန်းတော်လှန်ခဲ့ကြတယ်...ဒီလိုနဲ့ ၂၂. ၂. ၂၀၂၁ မှာ နှစ် ငါးလုံးသပိတ်လို့ခေါ်တဲ့ နွေဦးတော်လှန်ရေးကြီးမှာ ဖေဖေတို့တွေ ပါဝင်ခဲ့ကြတာပေါ့...အဲဒီမှာ သားပါးပါးနဲ့ ဖေဖေ တွေ့ခဲ့ကြတာလေ...''
YOU ARE READING
နွေဦးတော်လှန်ရေး ဖူးစာ
Short Storyနွေဦးနဲ့ ပတ်သတ်ပြီး အမှတ်တရ ဖြစ်စေဖို့အတွက် ရည်ရွယ်ပြီး ရေးသားခြင်းပဲ ဖြစ်ပါတယ် ဒီစာလေးကို ဖတ်ပြီး ပြုံးသွားမယ် ကြည်နူးသွားမယ်ဆိုရင် သော် ကျေနပ်ပါပြီ