My Alien Soulmate (boyxboy) [COMPLETED]

Chapter Forty-One (Abby versus Philcan)

Ngumuso muna ito bago sumagot,"Nasa kwarto ni Patrem, siya daw ang magbabantay sa mga nepotem niya, wiling-wili nga hindi na pumunta sa headquarter... si Arccan at Gilcan gising na, si Lorcan naman tulog na tulog pa, ang takaw talaga sa tulog ng isang iyon. Mana sa daddy nila," tinutukoy nito ay siya. Gusto niya kasing tawagin siyang daddy ng mga ito para naman earthly ayaw niya ng Patrem. Kay Philcan na lang 'yon.

"So bakit ka nandito?" pagsusungit niya pa ring tanong dito.

"Tinatanong pa ba 'yan, syempre tutulungan kita sa pagkuskos sa likod mo," lumapit ito sa kanya at hinalikan siya sa leeg, "and because I missed you," hinalikan ulit siya nito ng dahan-dahan papunta sa ibaba ng kanyang baba.

Napapatingala na lang siya, naglalakbay na rin ang kanyang mapagpalang kamay sa likod nito. Hanggang sa marating niyon ang 'fermata' hinawakan niya iyon ng mahigpit, napapitlag ito.

Itinutulak niya ito ng dahan-dahan habang hinahalikan para siya naman ang pumaibabaw at lumipat ito sa kabilang dulo ng bathtub.

Siya naman ang humalik sa tainga nito at bumulong, "Tapos na akong maligo," 'yon lang at mabilis siyang umalis sa bathtub at nagtatakbong kinuha ang tuwalya palabas ng banyo.

"ABBY!" naririnig niya ang sigaw ni Philcan sa buong banyo. Kahit na nga ay nasa labas na siya ay dinig niya pa rin.

Bigla na lang nitong sinipa ang pinto ng banyo, hindi na hinintay ang automatic na pagbukas buti na lang hindi nasira iyon. Nagbibihis na siya ng lumapit ito sa kanya. Nakahubad pa rin ito pero naniningkit ang mga mata. At uhmm ang 'fermata' tayong tayo pa.

"Abenido Legarda are you making fun of me?!"

Pinipigil niya ang matawa, "No, of course not, tapos na talaga akong maligo, kanina pa ako nakababad sa tubig, masama iyon sa katawan ko," maang-maangang arte niya. Nagsusuot na siya ng puting t-shirt.

"Fine! Let's do that in bed!" ayaw pa rin paawat nito.

"Pupuntahan ko na kasi 'yong mga bata, milk time na nila," hinalikan niya ito sa lips, "Mamaya na lang, I love you, my love," ibinigay niya na rito ang kanyang towel.

"Grrrh! you're so cruel! hindi pa tayo tapos,"

"Bye, Rawr," hinawakan niyang bigla ang 'fermata' nito at pagkatapos naglakad na palabas ng kanilang kwarto. Nakita niya ang nakangangang itsura ng kanyang philetor ng isara niya ang pinto.

Napapangiti siya sa naalalang eksena nila kanina ni Philcan. Marahil iyon nga ang dahilan ng pag-aalburuto nito. Hindi na kasi siya bumalik sa kwarto nila pagkatapos ng pagpapagatas sa mga anak dahil naging busy na siya sa pakikipagkwentuhan kay Zenon. Inaalam niya kasi kung ano ang nararamdaman nito sa tuwing nakikita si Zion. Hehehe. Nakikitsismis siya. Siya ang magpapauso ng tsismis sa Xenica. Iyon ang magiging legacy niya. Hahahaha. Bongga!

"Bagay talaga kayo ni Philcan, pareho kayong baliw!" pagpansin sa kanya ni Cerus.

Pinalo niya ito sa braso, "Loko! ikaw ang baliw diyan, kumusta naman ang pagiging amo?" napag-alaman niya kasi na ginagawang utusan nito si Vlex ang kakambal ni Alala.

"Good as better," pagyayabang nito.

"Hay naku Cerus! sinasabi ko sayo, makakarma ka niyan, alam mo ba 'yon?"

"Hindi," maang-maangan nito.

"Bahala ka nga, huwag kang lalapit sa akin na umiiyak, babatukan kita!"