يوم جعل حياتي جحيم

آلحلقه آلتآسـعه

حيدر :  حيل نقهرت عفتهم ورحت للمكتب واني صاير بركان من الغضب صحت للضباط وللشرطه

شرطي : نعم سيدي

حيدر : صيحلي الضابط عباس ومحمد

الشرطي : حاضر سسيدي

الضابط عباس : بعد ماثبتنه اقوالهه طلعت لكيت الضابط محمد حجيت وياهة وتفقنه انكوم كومه عله هاي مهاا الكح٠٠ بس الله يدري بيهة شويه واجه الشرطي كال العقيد حيدر يصيحلنه رحناله

الضابط محمد : اخذ التحيه
  نعم سيدي

الضابط عباس : نعم سيدي

حيدر : عباس يعني هاي المتهمه سعاد اعترفت انو تمول الماده من ابن اخوهة والمتهمه مهاا شريكتهم موو ...
عباس :  نعم سيدي طلعت هاي الي مسويه روحه فقيره وتتبچبچ ومكضيتهة علينه بس تحلف وتتمسكن  هيه ايدهم اليمنه لان كل المعلومات العد المتهمه سعاد عن المتهمه مها عدهة وكالت لانهو مهاا حالتهة فقيره وتعبانه اشتغلت وياهم وهمه اصلا يستغلون الطبقات الفقيره ويغروهم بالفلوس

حيدر : عباس ومحمد من وجاي استلمو القضيه وهاي الي اسمهة مها اريدكم انتم تتعاملون وياهة   ولله اله  اخليهة وره الشمس..  طفله تظحك عليه

محمد وعباس :  حاضر سيد بيهة خير وتدلل خليهة ساكته خل نشوفهة لشوكت اضل هيج ...

عباس : اني ماصدكت العقيد حيدر رجع سلمنه القضيه واني فرحتي شكبرهة  فرصه واجت للحلك فريسه وگدامي وماتقبل تعترف وتعبتني حيل
اله انعل والديهة واتفنن تفنن بتعذيبهة

مهاا :  ضليت بالسجن لانفرادي يوم يجر يوم وحال اسوء من حال خوف وقله اكل وبس ابچي اشتاقيت لأهلي اريد امي اريد احضنهة وابجي واشكيلهة كل الي صار تعبانه مشتاقة لأبويه اتلكاه باالباب من يجي من الشغل وابتسامته الحلوه رغم التعب مشتاقه الاموري وسوالفه وتحشيشه عليه ويضل يقلد مشتاقه لزوزه المشاكسه ونصباتهة عليه وشقانه وضحكنه ومن نجعد يم التنور الطين ونسولف ونخبز كلش  احبهم جاعده وحدي وابجي مشتاقه لمتنه الحلوه اتذكر كلشي وابجي الدموع تنزل بقهر
....  جاعده ابجي وما احس اله الباب نفتح طبوو ثنين شرطه سحلوني سحل واني اصرخ عوفوننننني ويين ماخذيني سيدي عوفوني ولله مامسويه شي

تفاجأة اني صارلي با ١٥ يوم محد تقربلي ولا دخل عليه بس بوقت لاكل شنو الصار هسه وين ماخذيني سحلوني واخذوني النفس غرفه التعذيب اني هناا فقدت
گتله
مهاا : سسسسيدي عوفوني ابوس اديكم ولله مامسويه شي وحك ابو فاضل مامسويه شي وحك امير المٶمنين

عباس :  اهلا وسهلا بضيفتنه القديمه خلصت ايام الراحه يمسعدة  انتي بريئه موووو كحب٠٠٠ عاهر٠٠٠ ولله اليوم اله اسمط جد جدج

مهاا : سسسسسسس يييد ي
ولله مامسويه شي اني مالي ذنب وحك سيد الشهداء اني كلشي ماسويت

عباس : اربطوهة هسه وخل نشوف الساق... بريئه  لو لا

مهاا : لزموني من رجليه شدوني بسلاسل ورفعو رجليه وراسي صار جوه اني ختنكت متت

كمت من ابجي واشهك اختنك ... سسسسيدي نننزلوني ختنكتك راح اموت ولله

عباس :  احجي  واعترفي احسلج ذيج صويحبتج اعترفت من اول صونده وهسه رتاحت اعترفي انتي احسلج

مهاا : من ربطوني وخلو رجليه فوك وراسي جوه وربطو اديه وجابوو برميل ماي وي كل سٶال يسئلوني اني اگلهم مامسويه شي يغطون راسي بالماي اختنك اريد اتنفس ما اكدر اضل ارافس برجلي شويه ويطلعون راسي اني مختنكه كوه اجر النفس وجهي صاير ازرك من الخنكه

عباس :  لج احجي ادبسز انتي مشتركه بعصابه متاجره المخدرات مو صحيح ( بصياح بصوت عالي )

مها :  سسسسسسسسييديي راح اموت نزلوني

حجيت ذني الكلمات وفقدت بعد ما احس بشي

عباس :  الحقيره جبناهة وربطنه رجليهة بسلاسل وگلبناهة فلقه وجبنه برميل ماي جواهة كل ما اسٸلهة تجاوبني نفس الجواب...
... اني مامسويه شي
تفور اعصابي لله اسحل راسهة واغطه بالماي اتضل اترافس برجليهة واديهة اطلعهة مختنكه وجهة ازرك كوه تتنفس اتفل بوجهة وارجع اسٸلهة وهم نفس الجواب
ارجع اغط راسهة بالماي هيه تشيل روحهة وتلطخهة بالكاع واني دمي فاير منهة تستاهل
اخر مره رفعت راسهة وهيه شبه الميته كوه حجت كالت راح اموت شويه وكلبت عيونهة بيض وخشمهة طك دم كام ينزف نزلناهة وشمرناهة بالسجن الساقط٠٠ ماترضه تعترف

مهاا صحيت لكيت نفسي بالكاع والدم يابس عله وجهي وخشمي متروس دم يابس بخشمي ما اكدر اتنفس سحلت روحي سحل كوه وصلت للحمام كمت اذب ماي عله خشمي علمود يطلع الدم الصاك الي بخشمي واتنفس

حيدر : بعد الي صار سلمتهم القضيه واني بعد ماتهمني ولا الي علاقه بيهة .....  ضليت بالدوام عدنه قضايه هواي ضليت اسبوع ورجعت للبيت بس ضايج حيل شلون صدگت بيهة وليش كذبت عليه عله لاقل لو كايلتلي الحقيقه يمكن گدرت اساعدهة  بس يطبهة مرض هيه جابتهة الروحهة

مهاا : بقيت عله هاذه الوضع باليوم مرتين ياخذوني للغرفه التعذيب يشدون عيوني ويضلون يدكون عليه بالصوندات لمين ينغمي عليه كاموو يطوني باليوم وجبه وحده تعبت حيل انتهيت ضعفت وصرت مثل الشبح يخوف شكلي بس مره جنت بالسجن ميته من الجوع والضرب واذاني تجري دم جعت حيل طبت الشرطيه جابتلي نص كلاص مي ونص صمونه محتركه شمرته عليه وطلعت اني من جوعي زحفت وصلت الهة اخذت الصمونه اكلتهة صح بيهة مروره مال حرك بس غمستهة بالماي مو مثل المر الاني عايشه بي ومرت لايام هيج يحاولون با اقسی انواع التعذيب حته اعترف بكلشي ضغطو عليه بس ماعترفت مستحيل  اعترف بشي اني مامسويته ومالي ذنب بي وبعدين أكضي كل عمري بالسجن ...... اجه يوم فزيت عله رفساتهم بطني فتحت عيوني شفت شرطه ثنين واكفين عله راسي  رفع رجله وحطاهة ابطني وضل ضاغط كل ماعنده قوه واني ازگلب بالكاع مثل السمجه اريد اوخر رجله من بطني ما اكدر لمين
كمت انزف ووو ٠٠٠٠٠٠٠٠

                
   
                     « يـتبع »

قاسيه هي الحياه!!
عندما تصدمك بواقع مٶلم
في سن مبكر٠٠٠٠ 😔💔

اسفه اليوم البارت حيل قهرني وأذاني

سأكتفي بهذا القدر