بسم الله الرحمن الرحيم اللهم صل على سيدنا محمد وعلى اله وصحبه اجمعين
زين والقمر الجزء الثاني بقلمي دودو محمد ✍️
★★★★★★★★★★★
مالك : السلام عليكم ...واتجه ل رقيه وباس دماغها قدام صابرينا ونظراتها اللي مش عاجبها اللي بيحصل وعماله بتمصمص شفايفها
مالك قعد جنب مامته من جنب وشمس من الجنب الثاني بعد ما سلمت علي حماتها
مالك : اهلا وسهلا ...خير عايزه إيه من ماما
صابرينا : مش الأصول برضه تحترم خالتك يا ابن رقيه ولا هي أمك قليله الأصل معرفتكش أن لك خاله عايشه ومتعرفوش عنها حاجه
مالك اتعدل في قعدته واتكلم بحده : عندك.... هتقعدي في بيت أمي يبقا بإحترامك ومتتجاوزيش حدودك عارف انك خالتي وإنك أختها
صابرينا جسمها اتنفض وغصب عنها اترعبت منه ومن هيئته شاب طول بعرض وعضلات واترعبت اكتر من طريقه كلامه بس تماسكت
صابرينا : وطالما عارف اني خالتك مش يصح تسلم عليا ولا إيه
مالك : قولتلك أهلا أدت الغرض وزياده كمان ثم إني مبسلمش علي مجرمين
رقيه مبتسمه أووووي فخوره بإبنها. وصابرينا بصتلها باستفهام
ورقيه وضحت : أصل هو اللي قرأ الجواب اللي بعتيه معلش بقا عليكي واحد اصل انا مبخبيش عن ولادي حاجه
شمس قالت وهي حاطه رجل علي رجل : قومي يا ماما ارتاحي في أوضتك انا عارفه أن السماجه تعبتك علشان هي خمسه ولو مقالتش المفيد هقول انا
رقيه ضحكت : بالله عليكي يا شموسه من غير كسور
شمس ابتسمت : من عيوني متقلقيش ....عاهات بس
رقيه ضحكت وسابتها ومشيت
وصابرينا حست انها محاصره متخيلتش أبدا أن ولادها يكونو عارفين حاجه عنها كانت مخططه انها هتضغط علي رقيه بورقه ولادها وأنها هتعرفهم الحقيقه وهتفبرك اللي حصل وتطلع نفسها في صوره المظلومه كل خطتها ضاعت
مالك : ها
صابرينا بارتباك : امال فين قمر بنت عمر ولا نقول احمد
شمس ببرود وابتسامه صفراء : جوزها خايف عليها وعلي إحساسها من قتالين القتله ف أخدها وراح يفسحها.
مالك : ما تخلصي مش هنقعد طول النهار
صابرينا : مش هتكلم غير قدام قمر
شمس وقفت وشمرت كم الشميز اللي كانت لابساه. وطرقعت رقبتها يمين وشمال : عنك يا حبيبي خليني أشوف شغلي
مالك : خدي راحتك.
....... : إيه اللي بيحصل. هنا ؟
شمس : عمي
عز بحده : صابرينا.....؟ عايزه إيه ....إخلصي
صابرينا : فلوس. ......حاليا عايزه فلوس عايزه 250 الف جنيه ربع أرنب أمشي بيهم. حالي دلوقتي وأظن دا مش حاجه قصاد الهلمه دي كلها
عز بسخريه : طب ما انتي بتشتغلي. يا معلمه
صابرينا : اعتزلت من يوم ما أتجوزت .... والمنيل جوزي. مات وماسبلناش فلوس
عز : علي ما اعتقد انك عندك إبن ما بيشتغلش ليه
صابرينا : مش لاقي شغل متشغله معاك
مالك : ثانيه واحده يا بابا بعد إذنك ...إيه اللي مخليكي متأكده أننا هنديكي المبلغ دا
صابرينا : علشان والوالد بيفطر الصبح وبيفتح الجرنال يلاقي خبر
أخت زوجه رجل الأعمال عز الدين الحديدي في دار. دعاره
او شاهد قبل الحذف ابن رجل الأعمال في بيوت الدعاره
او .....كتير أوووي. دا الإعلام نفسه يشم خبر الأيام دي
شمس : اممممم .....أو. شاهد فضيحه صابرينا. قاتله أخيها المتبرئ منها
