في الاسكندريه في حي شعبي في منزل بسيط
تستيقظ فتاه جميله وتآدي فرضها وتذهب للمطبخ لتعد الفطار وبعد ذلك تدخل غرفه والدتها
نيره:ماما اصحى يلا علشان الفطار
ايمان:ماشى ي حبيبتي يلا روحي صحي اختك علشان تفطرو وتروح الجامعه ونا هصلي واجي
نيره :حاضر ي ماما
👈في اوضه اروي
نيره: بت ي اروي اصحى يالا
اروي:امممم سيبوني اناااام
نيره ابتسمت بخبص وراحت جابت ميه ورشتها عليها
اروي :يالهوووي بغرق بغرق
نيره:ههههههه يالهوي عليكي يلا قومي يا اختي
اروي:انا هعرفك ي نيره الكلب
وفضلو يجرؤ ورا بعض وامهم طلعت على صوتهم
ايمان:يلا ي هبله انتي وهيا علشان الجامعه يلا ي اروي صلى والبسي
اروي ونيره بتذمر:حاضر ي مونمن
وبعدين فطرو ودخلو يلبسو وبعدين نزلو الجامعه
____________________________________
في حي راقي في قصر كبير تتدفق الشمس على عينيه وهو نائم ليستيقط شاب بعيونه الرمادي الجذابه ويدخل الحمام ويؤدي فريضته ويرتدي بنطلون اسود وتيشرت ابيض يبرز عضلاته و جاكت اسود ويصفف شعره وينزل يزن من على السلم
ويقابل زين
زين:صباح الخير ي وحش
يزن :صباح النور
ونزلو وذهب يزن ليقبل يد والدته
يزن :صباح الخير ي ست الكل
امل:صباح الخير ي حبيبي
زين وقبل يد امل :صباح الخير ي موله اي الجمال دا
امل :يلا ي بكااش
وجلسو على مائده الطعام
حازم : يلا انا همشي ورايا كم مشوار وهجلكو علش الشركه
يزن :متتاخرش علشان عندنا ميتنج مهم
حازم :ماشى يلا سلام
شاهي وبسمه وميار وهمانازلين من على السلم وقبلو يد امال وقال صباح الخير وجلسو
شاهي: ابيه يزن وصلني في طريقك للجامعه علشان عربيتي في الصيانه
يزن :خلي زين يوصلك علشان عندي شغل مهم
زين :ماشى هوصلك
بسمه و ميار في صوت واحد وصلنا معاك ي ابيه زين
زين بإبتسامه :انتو هتتسلو عليا بقا ولا اي يلا اجهزو بسرعه
طلعو يجرو علشان يلبسو
أحمد وهو لسه نازل :صبااح الفل
زين بسخريه :صباح اي دا انت لسه صاحي ي بآف
أحمد : ما تهدي شويه ي اخ زين
يزن بصرامه :اقعد افتر علشان الجامعه علشان مصبحش عليك
أحمد يتصنع الخوف :خلاص يعم ملوش لزوم
زين وهو يكتم ضحكته :ايوا كدا
وبعدين البنات نزو وزين حدهم ومشى
______________________________________
في الجامعه عند نيره تجلس في كفتريا الجامعه وبعد ذلك يجلس شاب أمامها ويقول
يوسف:ازيك يا نيره
نيره بغضب انت ازاي تقعد كده وانت مين اصلا وتعرفني منين
يوسف:اهدي بس انابحبك واللهي من زمان ونفسي تبقى معايا
نيره قامت وقفت ببرود:وانا مبحبش حد ويلا امشي من هنا
يوسف قام ومسك ايدها وقال وانا مش همشي وهتسمعيني
نيره رفعت اديها وضربته بالقلم على وشه :انت حيوان اذاي تمسك ايدي واحد مش محترم
وسابته ومشيت دخلت المحاضره وخلصت وطلعت
وقابلت اروي وهيا مشيه
اروي:مالك متعصبه كدا ليه
نيره:حكتلها إلى حصل
اروي:جدعه يستاهل القلم
نيره:طب يلا بقا نمشي مش انتي خلصتي محضراتك
اروي : ايوه يلا
👈في مكان آخر في الجامعه
يوسف:والله لعرفها البت دي انا يتعمل معايا كده بنت جربوعه تضربني بالقلم
مروان:يعم فكك منها انت عارف انها محترمه
يوسف :هجيبها بلذوق لو مجتش هجبها بالعافيه
_____________________________________
عند زين في العربيه شاهي قاعده قدام وبسمه وميار ورا
وزين كل شويه يبص ل شاهي وشاهي باصه من الشباك ومش بتبص نحيته من نظراته ليها
زين:يلا ي بنات وصلنا
ميار :يلا ننزل احنا
بسمه: يلا
شاهي جت تنزل
زين بنظرات كلها حب :خلي بالك من نفسك ي شاهي
شاهي وهي مش باصه ناحيته : حاضر
ونزلت جرى ورا البنات
ميار بغمزه : هوا اي الحكايه هاا
شاهي بتوتر: حكايه اي ي مجنونه
بسمه بخبث: انا شايفه في قصه حب على وشك الحدوث
شاهي وهي بتضربها بالكتاب: يلا امشي ي جزمه مفيش حاجه من دي
ميار انا ماشيه عندي محاضره وكل واحده دخلت محضرتها وميار راحت كفتريا الجامعه لقت مريم قاعده
مريم: يا جزمه اتاخرتي كدا ليه
ميار: معلش ي قلبي بقا ابيه يزن هوه إلى وصلنا
مريم : يلا اتاخرنا علي المحاضره
ميار : يلا اصلا بكره الدكتور ده رخم
مريم :يلا علشان منصقطش في الماده
ميار: ماشى
______________________________________
عند يزن قاعد ف مكتبه في الشركه
خبطت السكرتير ودخلت وحطت القهوه
يرن : اطلبي أسر علي التلفون خليه يجي
مني:حاضر ي فندم في أي حاجه تانيه
يزن: لا روحي
بعد شويه دخل أسر
يزن : هو مفيش باب تخبط عليه
أسر بسخريه : من امتا وانا بخبط على الباب اصلا
يزن :طب يلا نشوف شغلنا
اسر: انهارده صفقه عاصم الشرقاوي وجابر الشرقاوي
يزن ابتسم بشر: هخليهم يفلسو وهنتقم منهم واحده واحده
اسر:طبعا إلى عملو زمان مش شويه
زين خبط ودخل هوه وحازم
زين: الميتنج الساعه كام
يزن: الساعه ١١
حازم :هنعرفهم اللعب على أصوله
زين بغضب: دمرو عليتنا زمان وجه الدور علينا ندمرهم
يزن ببرود طب يلا نخلص شغلنا
______________________________________
في القصر
قاعد أحمد وآمال
امال : انت مش رايح الجامعه يا ابني
احمد: لا مش رايح انهارده
امال : طب قوم ذاكر ولا اعمل حاجه تنفعك
أحمد مليش مزاج
امال:قول ليزن اما يجي
احمد قام وقف برععب ومشى خلاص خلاص طالع اهوت
دا ايده مذربه
امال بضحك : ههههه مجنون
وشردت بحزن علي الماضي
دخلت شاهي هي و بسمه و ميار لقوها شارده
دخلو وراحو عندها
شاهي :مالك ي اموله
امال بابتسامه : مفيش ي قلبي اطلعو غيرو وتعالو اتغدو يلا
بصوت واحد : حاضر وطلعو
______________________________________
في الشركه خلصو شغل وقامو يمشو كل واحد بعربيته
👈عند نيره في البيت
إيمان قاعده هيا و اروي بيتفرج على التلفزيون
ونيره قاعده بملل
نيره :ماما انا هنزل اتمشى شويه
إيمان :ماشى ي نيرو بس متتاخريش ي حبيبتي
نيره : حاضر ي ماما
ولبست جيب بلون الأسود وبلوزه واسعه بلون الأحمر وحجاب بلونين وكوتشي اسود ونزلت
نيره وهيا بتتمشي كانت شارده وسرحانه وجت تعدي الطريق وفي عربيه جايه عليها وفرملت جامد
ونيره صرخت واغمي عليها
يزن نزل من العربيه بسرعه وشالها وحطها في العربيه وطلع البرفان وقعد يفوقها بيه
نيره فاقت : انا فين
يزن: سرح في جمال عيونها العسليه
نيره بصوت عالي : انت مين ي اخ انت وانا جيت هنا ازاي
يزن: انتي طلعتي فاجئه قدام العربيه واغمي عليكي
نيره بغضب :هو انتو علشان ركبين عربيات بدوسو بيها على الناس
يزن وعيناه احمرت من الغضب :مسك ايديها ولسه هيتكلم نيره ضربته بلقلم
نيره :انت اصلا حيوان
وسابته ونزلت وركبت تاكسي وروحت
يزن لست على صدمته وساق العربيه بأقصى سرعه و راح على القصر.
دخل وهوه متعصب وبعدين طلع دخل اوضه الرياضه
______________________________________
YOU ARE READING
اسياد العشق
Mystery / Thrillerروايه اسياد العشق (الجزء الأول ) بقلمي shahd abd elnaser okasha الحب هو لون الحياة الذي لا تزهو إلّا به.الحب بقع قتيلاً بين أنثى عنيدة ورجل ذي كبرياء. في الحب تعزف القلوب أجمل إيقاع لا يسمعه إلّا الحبيبين. ونحن لا نحب أشخاص كاملين ولكن نرى الكما...
