رواية حياة الفهد
حسام : انا كنت عايز اكتب كتابي على هايدي كمان يومين ويكون الفرح كمان
هايدي اتكسفت ووشها قلب الوان
محمود : بسرعة أكده ياولدي
حسام : ايوا ياعمي انا جاهز والحمد لله شغلي كويس وبابا اشتري شقة عمي شاكر وكتبها باسمي وهنسكن فيها
محمود : بس.....
سالم : بس ايه يامحمود طالما الراجل قادر ومجهز نفسه ليه التأخير بقي
حسام : هاااه ياعمي قولت ايه
محمود : اللي تشوفوه ياولدي
حسام : ايه رأيك يابابا
حسين : انا معنديش مانع ياحبيبي طالما انت هتكون مبسوط فانا موافق
حسام بسعادة : على بركة الله يبقا الفرح بعد بكرة.. مبروك ياعروسة.... وغمز
هايدي اتكسفت والعيلة كلها ضحكت عليهم
زهرة : احم احم نحن هنا
حسام : طب ماتقوموا
حياة بفرحة وهياة بتقوم من مكانها : مبروك ياحوسو
فهد شدها وقعدها جنبه تاني وجز على سنانه
حياة بهمس : ايه فيه ايه
فهد بحدة : باركي وانتي قاعدة
حياة ابتسم على غيرته وهو بصلها بغيظ
سيف : طب ياجماعة انا كمان حابب اعمل فرحي مع حسام هنا في القاهرة عشان هعزم ناس من الداخلية وكدا
سالم بضحك : وه انتو هتتجوزوا كلكو مرة وحدة ولا ايه
هشام : واشمعنا انا يعني انا كمان عايز اعمل فرحي
سالم : دا انتو متفقين بقي
سيف بضحك : لا والله ده صدفة
زهرة : دا انتو هتدخلو التاريخ تلت عرسان في فرح واحد
سالم بضحك : ربنا يعيني عليكو هسلم عروستين مش وحدة
فهد بمرح : شوفت يابوي اني الوحيد اللي مريحك اتجوزت في ساعتين ومعملتش فرح
العيلة كلها ضحكت وفهد بص على حياة لقيها بتبتسم بحزن
فهد اتنهد بخفوت وعرف هيا بتفكر في ايه
فهد : استأذنك ياعمتي هاخد حياة تقضي باقي اليوم النهاردة في الفيلا بتاعتي
زهرة بابتسامة : مش محتاج اذن دي مراتك
سالم : واحنا كمان هناجي معاك يافهد
فهد بضيق : ليه
سالم عقد حاجبه : هو ايه اللي ليه
فهد بتوتر : اقصد يعني هتسيبو عمتي لوحدها وتاجو معايا
زهرة : ايوا صح مش هعرف اقعد لوحدي في البيت
أنت تقرأ
حياة الفهد "كاملة"
General Fiction(وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لآيَاتٍ لِّقَوْمٍ يَتَفَكَّرُون}.... صدق الله العظيم بطل قصتنا : فهد المنياوي الملقب بفهد الصعيد ٣٠ سن...
