ما العشق إلا جنون +21

البارت الثالث🔥

-هي فين عملت فيها اي قولي ...

قالتها حسناء بقلق

رد عليها ببرود
-اي يا حاجه خير محصلش حاجه ادخلي اقعدي انتي بس واستريحي

دخلت الصاله بتعب
-كل ده عشان البت نزلت الجامعه

وندهت بصوت عالي نسبيا
-يا حور بت يا حور

حور خرجت من الأوضه عينها في الأرض وورمه من كتر العياط لبسه اسدال لان هو بغير عليها حتي من نفسها

-نعم يا ماما

شافتها حسناء وقالت في معاتبه
-ضربتها يا زيدان دي امانتي ليك

حور نظرت نحيته تشوف رده اي وخايفه يقولها هما كانوا بيعملوا اي وانها قطعتهم لانو معروف بجرئته اللي دايما بتخجلها

-انا اضربها بردو دي كانت قرصه ودن بس عشان متكررش تاني

وبصلها بطرف عينيه بنص غمزه وكمل بمشاكسه
-مش كده يا قلبي

بصت في الأرض ووشها بقا احمر من الخجل ضحك بصوت عالي علي رد فعلها وامه فهمت مقصده

قالت بهدوء
-هي قالتلي اول ما انت تيجي اعرفك أنها نزلت وانا اللي نسيت وانت معدتش عليا زي العاده غلطتي انا امسحها فيا

-وانتي كان لازم تروحي انهارده مش انا محددلك يوم واحد في الاسبوع تنزلي وانا اللي اوصلك عشان بهدله الموصلات

قالها بعصبيه مفرطه من فكره ان حد ممكن يعكسها

ردت بدفاع وتوتر وعنيها بدأت تدمع خوفا من أنه يمنعها عن الدراسه

-ا انا مكنتش هنزل والله لينه رنت عليا وقالتي ان في اختبار ولازم انزل ورنيت عليك عشان اسالك تلفونك كان مقفول

ادخلت حسناء تهدي الموضوع -خلاص بقا يا زيدان وانتي يا حور ادخلي اعملي عصير ابلع ريقي بيه

-ماشي يا ماما

قالتها وهي يعتبر في المطبخ واطمنت وحمدت ربنا عشان حماتها موجوده (لولها كان فات زيدان عامل من فخدها بتاتس محمره 😂👯🏻‍♀️)

----------

حسناء-براحه علي البت يا حبيبي متبقاش قاسي كده

بصلها زيدان كأنها كائن غريب قعد جنبه وقال

-انا يا حاجة اللي قاسي عليها ده هي مش عطيالي وش ولا عود نافع

-يا بني متنساش بردو أنها مغصوبه
قالتها وهي عارفه ان كلامها هيجرحه بس لازم تعمل كده

قالها بسخريه -امال كنتي عايزني استنه لما أمها تجوزها لاي حد يطلبها وتروح من ايدي انتي اكتر واحده عارفه انا بحبها قد اي

نظرت حسناء له وقالت
-عارفه وعشان كده بقولك متقساش عليها عشان متكرهكش

وكملت بضعف -هقوم انزل انا بقا
راح يسندها