الهمسة رقم 2
لا تحبطي
متخليش حد يحبطك يابنوتة من اول اسبوع ..لأنك هتلاقي الدنيا غير الدنيا فى المدرسة
وشرح كتيرر وكتاب قد 3 كتب من كتب الوزارة فى المدرسة
وراجل عمال يشرحوانتي مش عارفة الكلام ده موجود فين فى الكتابوحظك الاسـ .. ولا بلاش اسود نخليها الاسمر
وحظك الاسمر تقابلي حد يكون كاره الكلية يطلع لك القطط الفطسانة فى الكلية
اول ما دخلت الجامعة كنت حاسة انى تايهه وعاملة كدهمش فاهمة حاجة :D
المهم من سوء حظي اتعرفت على بنت فى اول اسبوع كانت ماشية مع واحدة صاحبتي
المهم قالتلى انها كانت فى كليتى بس سقطت لان الكلية صعبة اووي ومملة فسابتها ونقلت كلية تانية
أختكم بقى سمعت الكلام ده قلقت وجالى اكتؤاب طيب اعمل ايه ؟!؟
احول انا الاخرى ولا ايهالمهم ربنا يعتلي بعدها بيومين بنت اتعرفت عليها كانت اكبر مني ب3 سنين
يعني كانت فى سنة 3 جامعة وقالتلى ده مفيش أسهل من كليتنا
وقالتلى اذاكر ازاى وان الموضوع فى الاول هشعر انه صعب بس فى الاخر هلاقي الموضوع مفيش اسهل منهوعرفتنى اجيب مذكراتى منين واذاكر ازاى
وفعلا مبقتش بخد حاجة على اعصابي واحب المادة اللى بذاكرها حتى لو مادة رخمة احاول احبب نفسي فيها
حتى لو عملتها فى شكل لعبة
اااه والله ما بهزر يعنى انى اذاكر المادة دي كأني هشرحها لحد قصادي ولا بحضر فيها ماجستير
وفعلا لما عملت كده فرقت معايا كتيررر كمان كنت جايبة الوان فسفوري
والون مثلا رأس الفقرة باللون الاصفر
واحفظها كويس اوووي واقرأ اللى تحتيه واحاول اطلع اللى فهمته منه من خلال فهمي وحفظيفرقت معايا الطريقة دي كتيررر فى المذاكرة
صدقوني يابناات متدووش ودانكم لاي حد يحبطكم ولو لاقيتي حد أحبطك قولي فى نفسك يعني اللى اتخرجوا من الكليات دي وبقوا مراكز كمان ومن الاوائل احسن مني في ايه
ناقصة انا عنهم حاجة وحبي دراستك وحسي انك بتدرسي عشان هدف مش دراسة والسلام
انوي كذا نية وانتى نازلة رايجة الجامعة وانتى بتحضري المحاضرات وانتى بتذاكري
انوي انك هترضي ربك بالمذاكرة دي ( وَقُلْ رَبِّ زِدْنِي عِلْمًا) [طه : 114
نازلة تحضري محاضرتك عشان
( من سلك طريقا يلتمس فيه علما سهل الله له طريقا إلى الجنة )
داخلة تحضري محاضرتك عشان تفيدي بلدك وتفيدي اولادك بعد كدهوالنياااات كتيررررر ياريت حد يحاول يكتبلنا كام نية نستفيد كلنا منها
وتكون فى ميزان حسناتكم ان شاء الله
ونلتقي فى الهسة الثالثة على خير
ولو حد محتاج اى مساعدة أسألوا واحنا كلنا تحت امركم ان شاء الله
YOU ARE READING
همسات لبنات الجامعة 💜
Romanceالبنوتة الل في الجامعة او اللي لسه هتدخل ومتوترة او مش عارفة تعمل اي او خايفة علي نفسها من الفتن في هذا الكتاب جميل الهمسات لقلبك وبالاضافة لبعض نصائح وتوجيهات للدراسة والمذاكرة لكافة السنوات الدراسية بالتوفيق للجميع وأتمني ان تعم الفائدة 💜💜💜💜