ﻭﻋﺪﺕ ﺍﻻﻳﺎﻡ ﻭﺗﺤﺴﻨﺖ ﺣﺎﻟﺔ ﺍﻡ ﺳﻴﺮﻭﺍﻥ ﻭﺭﺟﻌﺖ ﻟﻤﺪﺭﺳﺘﻬﺎ
ﻭﺭﺟﻊ ﺍﺑﻮ ﺳﻴﺮﻭﺍﻥ ﻳﻮﺻﻠﻬﺎ ﺑﺲ ﻫﺎﻟﻤﺮﺓ ﻛﺎﻥ ﻳﺘﻤﻨﻰ ﻭﻳﺘﺄﻣﻞ
ﺍﻧﻪ ﺑﺲ ﻳﻠﻤﺢ ﺍﺳﺮﺍﺭ ﻭﻟﻮ ﻣﺮﺓ ﻭﺣﺪﺓ .ﻭﺻﺎﺭﺕ ﺍﺳﺮﺍﺭ ﻣﺘﻔﺎﺭﻙ
ﺧﻴﺎﻟﻪ ﻭﺑﻴﻮﻡ ﻣﻦ ﺍﻻﻳﺎﻡ ﻭﻟﻤﺎ ﻛﺎﻧﻮ ﻳﻄﻠﻌﻮﻥ ﻣﻦ ﺍﻟﻤﺪﺭﺳﺔ . ﺍﻡ
ﺳﻴﺮﻭﺍﻥ : ﻋﻴﻨﻲ ﺍﺑﻮ ﺳﻴﺮﻭﺍﻥ ﺍﻛﻮ ﻣﻌﻠﻤﺎﺕ ﻭﻳﺎﻳﺔ ﺳﺎﻳﻘﻬﻢ ﺗﺄﺧﺮ
ﻭﻣﺎ ﺍﻛﺪﺭ ﺍﻋﻮﻓﻬﻢ ﺑﻮﺣﺪﻫﻢ , ﺗﻜﺪﺭ ﺗﻮﺻﻠﻬﻢ ﺑﻄﺮﻳﻘﻨﺎ؟ ﺍﺑﻮ
ﺳﻴﺮﻭﺍﻥ : ﺍﻱ ﻟﻴﺶ ﻻ؟ ﺧﻠﻲ ﻳﺘﻔﻀﻠﻮﻥ . ﻭﻓﻌﻼ ﻃﻠﻌﻮ ﻣﻌﻠﻤﺘﻴﻦ
ﻣﻦ ﺍﻟﻤﺪﺭﺳﺔ ﻭﻛﺎﻧﺖ ﺍﻟﺜﺎﻟﺜﺔ ﻫﻲ ﺍﺳﺮﺍﺭ ﺍﻟﻠﻲ ﺑﺸﻮﻓﺘﻬﻪ ﺍﺑﻮ
ﺳﻴﺮﻭﺍﻥ ﺭﺩﺗﻠﻪ ﺍﻟﺮﻭﺡ. ﻭﻃﻮﻝ ﺍﻟﻄﺮﻳﻖ ﺍﺑﻮ ﺳﻴﺮﻭﺍﻥ ﻛﺎﻧﺖ ﺍﺫﺍﻧﻪ
ﻭﻋﻴﻮﻧﻪ ﻋﻠﻰ ﺍﺳﺮﺍﺭ ﻭﻛﻞ ﺷﻮﻳﺔ ﻳﻌﺪﻝ ﺑﺎﻟﻤﺮﺍﻳﺎ ﺍﻻﻣﺎﻣﻴﺔ
ﻭﺍﻟﺠﺎﻧﺒﻴﺔ ﺣﺘﻰ ﻳﺸﻮﻓﻬﺎ ﻭﻫﻲ _ ﻳﺎ ﻏﺎﻓﻠﻴﻦ ﺍﻟﻜﻢ ﺍﻟﻠﻪ _ ﻭﺑﻌﺪ
ﺗﻘﺮﻳﺒﺎ ﺍﺳﺒﻮﻋﻴﻦ ﻣﻦ ﺍﻟﺘﻔﻜﻴﺮ , ﺧﻼﺹ ﺍﺑﻮ ﺳﻴﺮﻭﺍﻥ ﺑﻌﺪ ﻣﻴﺘﺤﻤﻞ
ﻭﻗﺮﺭ ﺍﻧﻪ ﻳﺘﻘﺪﻡ ﻟﺨﻄﺒﺔ ﺍﺳﺮﺍﺭ ﻟﻜﻦ ﺑﺎﻷﻭﻝ ﻻﺯﻡ ﻳﺠﺲ ﺍﻟﻨﺒﺾ
ﻭﺗﺠﻴﻪ ﺍﻟﻤﻮﺍﻓﻘﺔ . ﻭﻋﻠﻰ ﻭﻗﺖ ﺍﻟﻌﺼﺮﻳﺔ ﻛﺎﻧﻮ ﺍﺑﻮ ﺳﻴﺮﻭﺍﻥ ﻭﺍﻡ
ﺳﻴﺮﻭﺍﻥ ﻛﺎﻋﺪﻳﻦ ﺑﺎﻟﺤﺪﻳﻘﺔ . ﺍﺑﻮ ﺳﻴﺮﻭﺍﻥ ﺍﺭﺗﺒﻚ ﺷﻮﻳﺔ
ﻭﺑﻌﺪﻳﻦ : ﻋﻴﻨﻲ ﺍﻡ ﺳﻴﺮﻭﺍﻥ ﺍﺭﻳﺪ ﺍﺣﺠﻲ ﻭﻳﺎﺝ ﺑﻤﻮﺿﻮﻉ ﺑﺲ ﻳﺎ
ﺭﻳﺖ ﻣﺘﻔﻬﻤﻴﻨﻲ ﻏﻠﻂ. ﺍﻡ ﺳﻴﺮﻭﺍﻥ ﺿﺤﻜﺖ : ﻭﻣﻦ ﺍﻳﻤﺘﺔ ﺍﻧﻲ
ﺍﻓﻬﻤﻚ ﻏﻠﻂ ﻟﻴﺶ ﺍﻛﻮ ﺍﺣﺪ ﻓﺎﻫﻤﻚ ﺑﻜﺪﻱ؟ ﺍﺑﻮ ﺳﻴﺮﻭﺍﻥ : ﻋﻴﻨﻲ
ﺍﻡ ﺳﻴﺮﻭﺍﻥ ﺍﺍﻧﺘﻲ ﺗﻌﺮﻓﻴﻦ ﺍﻧﻪ ﺷﺮﻉ ﺍﻟﻠﻪ ﻣﺎ ﻳﺰﻋﻞ ﺍﺣﺪ. ( ﺍﻡ
ﺳﻴﺮﻭﺍﻥ ﺍﺑﺘﺴﻤﺖ ﺍﺑﺘﺴﺎﻣﺔ ﺑﺎﻫﺘﺔ ﻻﻥ ﻋﺮﻓﺖ ﺷﻴﺮﻳﺪ
ﻳﻜﻮﻝ ) ﻭﺍﻧﺘﻲ ﻳﻌﻨﻲ ..... ﺍﺍﺍﻗﺼﺪ .... ﻗﺒﻞ ﻓﺘﺮﺓ ﻛﻠﺘﻴﻠﻲ ﺍﻧﻪ ﺍﻧﺘﻲ
ﻣﺴﺘﻌﺪﺓ ﺗﺨﻄﺒﻴﻠﻲ ﺑﻨﻔﺴﺞ ﺻﺢ ﻟﻮﻻ؟ ﺍﻡ ﺳﻴﺮﻭﺍﻥ ( ﺑﻠﻌﺖ
ﺭﻳﻘﻬﺎ ) : ﻫﺎ ﻳﻌﻨﻲ ﻧﻮﻳﺖ ﺍﺑﻮ ﺳﻴﺮﻭﺍﻥ؟ﻭﻣﻨﻮ ﺳﻌﻴﺪﺓ ﺍﻟﺤﻆ ﺍﻟﻠﻲ
ﺗﺮﻳﺪﻧﻲ ﺍﺭﻭﺡ ﺍﺧﻄﺒﻬﺎ؟ ﺍﺑﻮ ﺳﻴﺮﻭﺍﻥ (ﺑﺘﺮﺩﺩ ) : ﺍ ...ﺍﺍ .. ﻫﻲ
