كرونيك: ❤بعته_شرفي❤«بيرم&مانيسا»

32

الحقلة الثانية و الثلاثون
الي قاعد يقرا يعمل جام بش نعرف الي انتوما تبعو 👍👍👍👍👍👍👍
امين :في بالك بروحك الي انتي طايح لوف ،،،و للعنكوش زادة في مانيسا ؟؟؟؟ ،،،بيرم :بالهي فكني قالو طايح لوف،،،،،امين :ياخي علاش متحبش تستعرف شفيها ياخي ؟؟؟ علاش خايف انك تحب ؟؟؟ الحب راهو حاجة باهية خاصة كيف يبدا صادق ،،،؟؟؟؟ ومع الشخص المناسب ،،،،،بيرم : فكني ها نزار القباني ،،متبداش تلقيلي في القصائيد الي يسمع يقول انتي تحب ،،،،،امين :وشكون قالك انا منيش نحب ؟؟؟؟ بيرم تصدم :انتي ؟؟ و شكون ؟؟؟؟؟ امين :زينة ،،،،،بيرم :شنوي ؟؟ ههههه زينة ؟؟؟ تحكي بجدك ؟؟؟؟ امين :اي ،،،،بيرم :و في بالها هيا ؟؟؟؟ امين :لا اما هاني نستنا في الوقت المناسب بش نعترفلها،،،،،بيرم :ايا ان شاء الله ربي يسهل حتي هيا تحب تاخو واحد مالحاكم ،،،مذابيها علا رئيس مركز اما مش مشكلة تعدي روحك انتي ،،،،،امين ڨحرلو :بربي ؟؟ تتمقصص ؟؟؟؟ لحق فيا الي نحكيلك ،،،، بيرم :ههه اكهو مدام جات فرصة منفلتهاش ،،،امين :باهي باهي !!تو ترجعلك ، المهم برا احكي لمانيسا علا مشاعرك ،،،،،متقعدش تهز و تنفض وحدك حتي تخسرها ،،،انطلق ايها العاشق الولهان ههه ،،،هو قالو هكاك و بيرم ضربو بستيلو ،،،،،اما مجاش فيه ،،،خرج قبل وقوع الكارثة ،،،،كلامو قعد يزن في وذنيه خاطرو صحيح ،،علاش ميعترفش ؟؟ شنوي الي مانعو ؟؟؟ علاش ميرتحش قلبو و ينطق ؟؟؟ علاش يخلي فيها لين تبعد عليه ،،و يمكن حتي يخسرها ،،،،قام من كرسيه ،،و مشا هد علا امين في بيروه :لواحد كيفاه يعمل بش يعترف بمشاعرو ؟؟؟؟ امين تفجع جاه علا غفلي :بسم الله ؟ ساي قررت تنطق ،،بيرم عملو براسو اي ،،،،امين :ايا حمد لله ،عليك ،باهي تهز بوكاي نوار ،،،و باكو شكلاطة و تمشيلها ،،،،،بيرم :اكهو ؟؟؟ امين :اكهو شتحب اخر ؟؟؟؟ بيرم :باهي نخليك مالا ،،،،،،امين :بون كوراج صاحبي هههه ،،بيرم ڨحرلو ،،،،و خرج ،،،،مانيسا كملت الخدمة بكري ،،،ايمن ،،خرجها قبل الوقت بش تنجم تحضر روحها ،،،بش تمشي معاه للحفلة الليلة ،،،،،،،،روحت لدار ،،،دوشت ،،،،،و بدات تحضر في روحها ،، ،،،،،،لبست روبة طويلة للكعبة ،،،ههههه كانت بش تلبس القصير بعد تفكرت ،،بيرم كيف هددها ولات خافت ،،، ،،،،عملت شعرها بوكلي ،،،،،،مكياج خفيف ،،،،بسيط ،،،،زينت روحها و بقات تستنا فيه بش يجي يهزها ،،،كانت بش تمشي لمكان الحفلة ،،لاكن هو اصر انو يهزها من دارها ، وقتها ولات اعطاتو العنوان ،،،بيرم يلوج علا النوار ،،،،،،،مذابيه ،يشري حاجة مزيانة مش ديما ،، بش، يعترف بحبو ،،النهار هذا بش يكون مميز علا هاكا لازم كل حاجة فيه تكون جميلة ،،لقا مرا علا الطريق ،،تبيع ،،،،،هبطلها ،،بدا يختار ،،،حار انو نوع يهزو ،،،و لا يسئل فيها :كيف بش نعبر علا حبي لوحدة شنوي نوع النوار الي لازم نهزو ،،،المرا :احمر ،،،مقوي سعدها الي تحبها لقات واحد مزيان كيفك ههه ،،قالتلو هكاك و شدتو من حناكو ،،،لين هو حشم ،(هههه بيرم طلع يحشم )،،،، عملتلو بوكاي نوار احمر مزيان ،،،و اعطاتهولو ،،، تشكرها و شراه ،، و تعدا خذا باكو شكلاطة من كل انواع ،،،،،،،،،،،و مع ال7 هكاك مشا لدارها ،،،،،متوتر ،، ،،،بدنو يرڨل بكلو اول مرة بش يعترف بمشاعرو لوحدة ،،اول مرة بش يقول كلمة نحبك و هو قاعد يحس بيها ،،،،،و خارجة من جواجيه ،،،،نص ساعة ووصل ،،،،هكاك و يرا في كرهبة قدام دارها ،،استغرب شكون ؟؟ زعما حد يقربلها ؟؟؟ ،،،هبط ،،،هز البوكي و الشكلاطة ،،، و مشا ،،،قرب مل الباب و يسمع في انين زاد تعجب ،،طل بالشوية يلقا ،،، ايمن يبوس في مانيسا ،،،شاددها بايديه ،،الزوز ،،،،،،،،،ماهذا ؟؟؟؟؟؟ حس كني صاعقة هبطت عليه