A Boy Named JeonJungKook [Completed]

!! Part 16 !!

လေကြီးမိုးကြီးစကားနှင့်အတူပြောင်စပ်စပ်ရုပ်က TaeHyung ကိုကလိကလိနှင့်ဘာကိုအသည်းယားလို့ယားစေမှန်းမသိ ။ စိတ်ပေါက်ပေါက်နှင့်သာ လက်ခလယ်ထောင်ပြလိုက်သည် ။ ဒါတောင်မနာတတ်တဲ့ဟာလေးက လက်မလက်ညှိုးသုံးကာအသည်းပုံတွေလုပ်ပြတုန်း ။

"heartu heartu"

"မင်းမေကြီးတော်ကို heartu"

နှစ်ယောက်သား တစ်ယောက်ကဆဲလိုက် တစ်ယောက်ကအလွန်အကြူးတွေချစ်ပြလိုက်နှင့်အမှိုက်ပုံနားရောက်လာသည် ။ အမှိုက်တွေသေချာခွဲပစ်ပြီးတော့ သူ့အနောက်က ကားယားကားယားနှင့်အူယားဖားယားပါလာပြန်သည် ။ TaeHyung တိုက်ခန်းကိုရောက်သည်အထိ အတူတက်လိုက်လာတာမလို့ နည်းနည်းတောင်ကြောင်စီစီလေးဖြစ်သွားရသည် ။

"မင်းကဘာလိုက်လုပ်တာလဲ"

"Baby Hyung ဆီလိုက်လာတာလေ"

"ဘာတွေလာပြောနေတာလဲ မှောင်နေပြီ အိမ်ပြန် မင်းကိုကျွေးစရာမရှိဘူး"

"စားစရာမရှိရင် Baby ကိုစားမယ် အဟဲ"

"လိ့လိ့"

မျက်နှာတွေနီရဲပြီးသူ့ကိုဆဲကာ အိမ်ထဲကိုပြေးဝင်သွားတဲ့ အကိုသေးသေးလေးနောက်ကိုအသည်းယားစွာပင်ဝင်လိုက်လာခဲ့ရသည် ။

"ဟေ့ရောင် ပြန်လေ အိမ်ထဲထိဘာလိုက်လုပ်ပြန်လဲ"

စွာစိလန်သေးသေးလေးက သူ့အိမ်ထဲလိုက်လာလို့ ရန်လိုသံသေးသေးလေးနှင့် စွာနေသေးသည် ။

"အောဟော တစ်ချိန်မှာအရင်းနှီးဆုံးသူစိမ်းလေးဖြစ်လာမယ့်သူကိုနှင်ထုတ်ရက်တယ်လား"

"မင်း လစ်လိုက်တော့"

"တံခါးဖွင့်ပေးလေ"

"မင်းလက်နဲ့မင်းဖွင့်လေ တံခါးတစ်ချပ်လုံးကိုမြင်နေပြီးမဖွင့်တတ်တော့ဘူးလား"

"နိုး နိုး Baby Hyung လက်နဲ့ဖွင့်မှလစ်လို့ရမယ် Baby နှလုံးသားတံခါးလေးကိုပြောတာ"

စပ်ဖြဲဖြဲမျက်နှာနှင့်မျက်လုံးတစ်ဖက်မှိတ်ပြပြီးပြောလာတဲ့ဟာလေးကြောင့် TaeHyung တစ်ကိုယ်လုံးကြက်သီးတွေဖြင်းဖြင်းထလို့ ။ စကားတွေဟာ မွေးကတည်းက သင်ပေးလာသလို မပြောတတ် မပြောရဲဆိုတာမရှိ ။