بسم الله الرحمن الرحيم اللهم صل على محمد وعلى اله وصحبه وسلم تسليما كثيرا
زين والقمر الجزء الثاني بقلمي دودو محمد ✍️
★★★★★★★★★★
قمر واقفه بتتفرج في محل اكسسوارات وبتشتري منها اللي بيعجبها وزين معاها كل شويه يلبس قبعه ويجي يوريها زي مثلا قبعه الكاوبوي ويقلده وقمر بتضحك
وصلها مسدج علي فونها
وزين جنبها : ايه دا
قمر : مسدج. عادي
زين : شوفي ممكن تكون حاجه مهمه
قمر : اوك. ...وفتحت الرساله. اللي كان مضمونها
( مبروك يا عروسه بس مش واجب تعرفي أهلك ولا انتي قليله الأصل زي أبوك )
قمر : إيه دا
زين : ايه
قمر ورتله الرساله وشافها ...واستغرب جدا
قمر : هو انا عندي أهل وانا معرفش منا عزمت كل الناس والكل كان موجود في الفرح
زين هرب منها بعينه. وهي إتأكدت أن فيه حاجه
قمر : زين .....زين بص في عيني .....زين انت. مخبي عني إيه ......زييييييين
زين : إييييه ....في إيه يا بنتي ...ممكن يكون مقلب عادي. وشمس ولا آسر بيهزرو. معاكي
قمر : وشمس ولا آسر هيشتمو بابا ...؟
زين : صح .....أصل باباكي زي ما انتي شايفه ملوش. قرايب يبقي يستحيل دا يكون حد قريبكم. دي. اشتغاله ريحي دماغك
وفكر شويه وقال بتردد : هو يعني في حد في بالي بس ...
قمر : بس إيه مين هو ..؟
زين : يعني ممكن تكون ...احم ..هاجر مثلا ..؟
قمر : والزفته دي تقول كدا ليه
زين : احم ...يعني هي كانت بعتتلي كذا ماسدج بتقول انها بتحبني. وعايزه ترجعلي.
قمر : نعم يا عنيا ...ت إيه
زين.:. رجعلي ...ترجعلي
قمر : لا والنبي ...اممم ومقولتليش ليه
زين بخفوت : بدأنا المحاكمه بدري
قمر : بتقول ايه
زين : قمر يا حبيبتي. أيام ما كنتي مخطوفه بصي انا كنت ضايع مكنتش فايق لأي حاجه
احساس اني روحي كانت رايحه مني. صعب أوووي
قعدت يومين غايب عن الوعي
ولما فقت كسرت الأوضه والخبر اللي وصلنا وقتها انك ....غمض عينه ومقدرش ينطقها ...هي كملت.. اني مت
زين هز رأسه وكمل : قلبي وجعني لمجرد الفكره ازاي. هكمل من غيرك. دا احنا بنينا أحلامنا سوي. وخططنا لحياتنا اتخيلنا شكل ولادنا. وقررنا لو جبنا ولاد هتسميهم انتي وانا هسمي البنات هعمل ايه بجد. لو سيبتيني انا حلمت كتير واتخيلت أكتر الفتره اللي فاتت بس في أسوء أحلامي ما تخيلتش
انك تروحي مني.
بعدها حلمت بيكي بتقوليلي انك عايشه وانك جمبي وهتفضلي جمبي ومعايا دائما
واني لازم أقوم علشان أساعدك وأوصلك. قمت زعقت فيهم وقولتلهم قمر لسه عايشه. وخرجت. من المستشفي وأنا النفس اللي بيدخل. مش مكفيني. في حاجه ناقصه نفسي مش كامله. ناقصها حاجه دخلت جناحنا كان صعب عليا أدخله وانتي مش معايا. شوفت الزينه اللي كانت معموله والسرير اللي عليه ورد. وقعدت في الارض مقدرتش أعمل أي حاجه ولا ألمس حاجه.
جه اتصالك وقتها. كنت ملهوف. زي اللي روحه اتردتله مكنتش مصدق نفسي
لقيتك بتقوليلي انك هتفضلي. عندك. ومش عارف ايه
بقيت بموت يوميا وانا بتخيل. اللي بيحصلك دماغي هتنفجر مني وانا قاعد مكاني متربط ومش عارف اتحرك. خايف أجيلك. يعملو فيك حاجه. وخايف أقعد مكاني وانا عارف انك محتاجاني إحساس العجز. دا أصعب. إحساس ممكن يمر علي البني أدم
انا في إيدي اعمل كتير وقدامي خيارات كتير بس كلهم بيوصلوني ل نهايه وحشه وهو أن يحصلك حاجه او تتخطفي تاني وتروحي مكان تاني
كنت بحلم بيكي كتير بقيت انام علشان أعرف أكلمك وبتمسك بيك أووووي وفي الاخر بتمشي وتسيبني
نفس إحساس العجز وقله الحيله. بيرجعلي تاني لما أفوق أو حد يصحيني
عشره أيام يا قمر. ... عشره أيام كامله. جحيم متواصل
لحد ما قررت أنه لا هغامر واللي يحصل يحصل
مش هقعد متكتف كدا ايا كانت النتيجة مش هقعد استني وأحط ايدي علي خدي
ورحت فعلا ل رعد واتخانقت معاه هو وصابر وأمجد
وقولتلهم يا أموت معاها يا أجيبها تعيش معايا
كنت ناوي اعمل كتير. ونادر دا. كنت بخطط هعمل في إيه
كنت بتفتت من الغضب جوايا نار قايده
مسكت نفسي بالعافيه لما شوفت شريف. واقع علي الأرض
مع كل دا روحتله تاني يوم المديريه. وضربته ...ضربته كتير لما كان هيموت. في إيدي طلعت فيه إحساس العجز والقهر. والطاقه السلبيه اللي جوايا لولا أمجد حاشه من تحت إيدي كان زمانه ميت
