رواية حياة الفهد
سالم بحدة : فيه ايه ياياسمين وفهد بيجر حياة وراه أكده ليه
ياسمين حكتله اللي حصل وسالم واقف مصدوم من اللي حصل وخايف من ردة فعل فهد لحسن يتهور طلع علي السلالم بسرعة والبنات وراه
سالم خبط علي الأوضة جامد : فهد افتح الباب افتح ياولدي متعملش حاجة تندم عليها
العيلة كلها اتجمعت على صوت الخبط والزعيق وعرفوا اللي حصل وفضلوا ينادوا علي فهد
........ جوة في الاوضة.......
فهد بزعيق : حيااااااة
ورفع ايده وضربها بالقلم بعصبية حياة وقعت علي الارض من شدة القلم
مسكها من شعرها جامد لدرجة انها حست انه هينخلع في ايده و وجه عينه في عينها وكانت عيونه كلها شر كانت لون الدم
فهد بفحيح قاتل : كله الارجولتي انتي نسيتي نفسك ولا ايه انتي ولا حاجة لعبة في ايد الكل اللي عايزك عشان الفلوس واللي عايزك عشان جمالك.. انتي جارية عندي قولتلك اني صبري قليل ممكن استحمل اي حاجة الا ان حد يشكك في رجولتي
وكأن الكلمات اتحجرت في حلقها مش قادرة تنطق بكلمة... شال ايده ودفع راسها بعصبيه واتخبطت في الارض
فهد وقف وعلى وشه ملامح الضيق والعصبية بيتنفس بسرعه وعيونه زي الدم
لحظات والصمت كان مالي المكان حياة مرمية علي الارض مسلطة نظرها علي اللاشئ دموعها متحجرة مبتنزلش كلماته بتدور في عقلها
وأخيرا انتبه لصوت الخبط على الباب طلع بعصبية وقفل الباب وراه
فهد بزعيق : في ايه واقفين أكده لييييه
سالم بحدة : اللي بتعمله غلط فين حياة؟!
فهد بجمود : مرتي واني حر فيها محدش ليه صالح
زهرة بزعيق : لاء منتاش حر فين حياة يافهد انا هدخلها... وقربت علي الباب
فهد مسك المقبض بضيق : محدش هيدخل اوضتي مرتي واني حر اعمل فيها اللي اني عايزه محدش ليه يتدخل بينا
سالم بزعيق : كيف يعني محدش قادرلك ولا ايه اوعااك تنسى نفسك يافهد ومتنساش اني مين اني سالم المنياوي ابوك
فهد : ابوي علي عيني وعلى راسي واللي جوه دي مرتي يعني اني اللي ليا حق عليها
آية بخوف : ياخوي حياة مغلطتش هيااا...
فهد قاطعها بحدة : بس مش عايز اسمع ولا كلمة يلا كل واحد يروح لحاله
سالم بجمود وزعق : فاااهد اكتم خالص.... كملي ياآية
آية بخوف وهدؤ : ياخوي حياة مغلطتش ولا كلمته وكل اللي انت شوفته كان غلط كل الموضوع ان..... وحكتله اللي حصل
فهد وقف ساكت ومصدوم من اللي سمعه ظلمها وضربها وشكك في شرفها غلطته المرادي كبيره ومستحيل تسامحه هتسامحه ازاي وهو مش قادر يسامح نفسه
سالم بصله بسخرية وعتاب وزهرة بتعيط وكله واقف ساكت
أنت تقرأ
حياة الفهد "كاملة"
General Fiction(وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لآيَاتٍ لِّقَوْمٍ يَتَفَكَّرُون}.... صدق الله العظيم بطل قصتنا : فهد المنياوي الملقب بفهد الصعيد ٣٠ سن...
