❤ يوم حبك اجمل صدفة ❤

Part 1

*** يوم حبك اجمل صدفة *** ( الفصل الاول )
صحيت الصبح على اشعة الشمس اللي داخلة من شباك الاوضة و طبعا منمتش كويس عشان انا لسة متعودتش على الشقة الجديدة دي و مخدتش على المكان  و كمان الكوابيس اللي بتلاحقني اه صحيح نسيت اعرفكو بنفسي انا ايلانيا و بيقولولي ايلا عندي 18 سنة خلصت تالتة ثانوي و المفروض اكون فرحانة و مبسوطة لاني خلصت من سنة هم زي دي و داخلة في مرحلة مهمة جدا و هي الجامعة بس افرح ازاي و اللي حصلي خلاني حتي مش عارفة انام و بقيت بحلم بكوابيس كتيرة عاوزين تعرفو ليه تعالو اقولكو
.....................Flash back :
كنت راجعة من اخر يوم امتحان و انا مبسوطة جدا اني خلصت و هقعد براحتي مع بابا و ماما و كوكو قلبي( اخويا الصغير)  و رجعت على بيتنا دخلت سلمت على بابا و ماما و اخويا الصغير و بعدين طلعت على اوضتي خدت دوش و نمت و صحيت نزلت اتعشيت معاهم و كانت الساعة 8 بالليل و بعد ما اتعشينا و قاعدين كلنا في الرسبشن سوا بنتكلم و نضحك فجأة الباب خبط جامد زي ما يكون الباب هيتكسر  من كتر الخبط راحت ماما بصت من العين السحرية و رجعت و وشها كلو خوف و توتر و بعدين فضلت باصة لبابا لغاية م فهم و قالي خدي اخوكي و ادخلي جوا و استخبو و مهمي يحصل اوعو تخرجو من مكانكو خدت كارل و دخلنا نجري استخبينا في اوضة كانت قريبة و بعدين خبيت كارل جوا الدولاب و استخبيت معاه و لما لقيت الجو هادي خرجت من الدولاب و قولت ل كارل اوعي تخرج من مكانك و طلعت براحة عشان اعرف اية اللي بيحصل برة
الرجل 1: يعني بردو يا عادل بيه مش هتقولنا مكان الورق دة فين
عادل : لا مش هقولكو و اعملو اللي انتو عاوزينو
الرجل : بقي كدة طيب
( ضربو طلقة على رجل عادل والد ايلانيا ف صرخ من الالم)
نادية :عااااادل
الرجل 2 : يا عادل بيه اتكلم و ريح نفسك بقي لية تكابر و تعاند معانا انت عارف ان احنا ممكن نقتلك بس انت مش فارق معاك نفسك طيب خلينا نجرب نأذي مراتك كدة يمكن تتكلم
عادل : لااااااااا مراتي لا
الرجل 1: يبقي تقولنا الورق فين منغير شوشرة
نادية : لا يا عادل لا مش مهم انا بس بلاش تضيع نفسك 
الراجل 3: انتو لسة هتتسايرو سوا ( و قام ساحب المسدس و وجهو ناحية راس نادية و قال لعادل : هتنطق ولا اقتلها و اخلص انا تعبت معاك
عادل :لا خلاص هقولكو
( و قالهم علي مكان الورق اللي كان شايلو في مكان سري محدش يعرفو غيرو و بعد ما الرجالة اخدو الورق) 
الرجل 1: مكان من بدري لازم يعني تتعبنا معاك يا عادل  و راح باصص للراجل 2 و قالو خلص عليهم
راح الراجل 2 سحب مسدسه و ضرب تلات طلقات على عادل و طلقة واحدة على نادية و اخدو الورق و مشيو من البيت
ايلا : انا كنت واقفة من ساعة ما ضربو نار على رجل بابا و كنت بعيط من سكات بس لما قتلوهم و مشيو طلعت اجري عليهم و لقيت بابا غرقان في دمو و مش بيتنفس و روحت لماما لقيتها لسة في وعيها بس بتنزف جامد  قعدت انده عليها قامت مسكت ايدي و قالتلي
نادية : ايلانيا حبيبتي
ايلا : ماما
نادية : انا عاوزة اقولك حاجة يا حبيبتي قبل ما اموت
ايلا : بعد الشر عليكي يا ماما متقوليش كدة هتقومي و تبقي زي الفل
نادية : يا بنتي اسمعيني انا مفيش قدامي وقت كتير وصيتي ليكي يا حبيبتي تخلي بالك من نفسك و تخلي بالك من كارل اخوكي انتو ملكوش غير بعض يا بنتي و لو عوزتي اي حاجة ابقي كلمي عمو محمود صديق باباكي و المحامي بتاعنا خلي بالك من نفسك يا بنتي...
ايلا : مامااااااااااا 
و بعدها محستش بنفسي غير لما لقيت البوليس جه و الاسعاف خدو بابا و ماما و لقيت عمو انور جارنا هو و مراتو واقفين معايا
و بيفوقوني من الصدمة و ماسكين كارل اخويا و بعدين جالي ظابط و استاذنهم انو ياخدني على جنب عشان يحقق معايا و يعرف اللي حصل و عملو محضر و اتقيد ضد مجهول و طلعو تصريح الدفن و دفنت اهلي
.............................End flash back
و من ساعتها و انا كل شوية احلم بكوابيس عن ليلة الحدثة دي بس انا طبعا حاولت اتماسك و اعيش رغم الانهيار اللي جوايا عشان خاطر اخويا الوحيد اللي مليش غيرو و حاولت اعيش في البيت بس حصل اللي مكنتش اتوقعو ابدا عمو محمود صديق بابا الله يرحمو قالي ان والدي فاتح حساب في البنك و في رصيد ب 100 الف جنية و بيتنا اللي يجيلو ب 10 مليون جنية  و دول ميراثي انا و اخويا بس فجاة ظهر حد من عيلتي المجهولة اللي معرفش فيها حد ظهر عمو كمال ابن عم بابا عمو كمال دة اوحش شخص ممكن تتخيلوه كان بتاع مصلحتو جدا و كان دايما يظهر بس عشان يستلف فلوس من بابا الله يرحمو و ظهر بعد وفاة بابا ب مفيش اسبوع جالي البيت هو و ابنه ياسين و قعد يتكلم مع عمو محمود انو لازم ياخد ورثه من فلوس بابا بس اتدايق جدا لما عرف ان بابا كاتب كل حاجة باسمي انا و اخويا و قعد يهددني بانو هيحبسني و مش هيخرجني و انو هيقتل اخويا و انو عاوز يجوزني ابنه ياسين غصب عني ياما كدا ياما اتنازلو عن البيت و عن الفلوس و يرميني في الشارع انا و اخويا عمو محمود حاول معاه كتير ف انو مياخدش كل الفلوس راح سابلي من الفلوس 30 الف جنية ( لا و الله كريم 😏) و اتنازلت عن البيت و اديتو 70 الف جنية و اتبقالي 30 الف جنية  و بعدين ف يوم حصل حاجة غريبة
محمود : يابنتي عمك كمال قال قدامك تلات ايام مهلة عشان تلمي حاجتك و تسيبي البيت
ايلا : طيب يا عمو محمود كنت قولتلو يستني شوية حتي ادور على مكان اعيش فية ايه هيرميني في الشارع مش كفاية خد كل حاجة
محمود : يا بنتي انا عاوز اقولك على حاجة مهمة
ايلا : اتفضل يا عمو اتكلم
محمود : والدك كان شاري شقة بس مكنش حاطط الورق بتاعها معاه كان سايبه معايا عشان عارف ان كمال كان ممكن يعمل اي حاجة و ياخد منو الفلوس و البيت
ايلا (بصدمة)  ازاي انا معرفش عنها حاجة
محمود : هو كان عاوزها تبقي سر عشان لو حصلو حاجة متتبهدلوش في الشارع  بصي يا بنتي انتي تلمي حاجتك انتي و اخوكي و اخدك اوصلك للشقة و اسلمك مفتاحها هي متسجلة باسمك
ايلا : ماشي يا عمو ربنا يدبر بعد بكرة حضرتك تعدي عليا عشان اسيب البيت
محمود : طيب يا بنتي استأذن انا مش عاوزة اي حاجة
ايلا : عاوزة سلامة حضرتك
محمود : سلام
و بعدها عدي اليومين دول و لميت حاجتي و روحت الشقة الجديدة و بقالي اسبوع فيها و من ساعة ما نقلت عمو محمود كل يوم يجي يطمن عليا انا و اخويا لغاية ما اتعرفت على واحدة ساكنة في الشقة اللي جنبنا اسمها ماليكة
             ************
ماليكة : عندها 25 سنة بنت طيبة و محترمة اتجوزت من سنة و نص بس جوزها جالو عقد عمل في ايطاليا و سافر بعد ست شهور من جوازهم و هي عايشة لوحدها و احيانا مامتها و اخوها بيجو يزوروها

عند ايلانيا
لقيت الباب بيخبط ف بصيت من العين السحرية لقيتها ماليكة جارتي
ايلا : ماليكة عاملة اية
ماليكة : الحمد لله يا قمر امال فين البطل الصغير
ايلا : اهو جوه ادخلي ....ماليكة انا عاوزة اشكرك بجد عشان وقفتك معايا انتي فعلا شخصية جدعة جدا و افضل صديقة ياريت كان عندي اخت زيك انا عارفة انتي بتقل عليكي ف اني اسيب كوكو عندك كل يوم من ساعة ما فلوسي اللي في البنك قربت تخلص و موضوع الجامعة اللي اخدت مني فلوس كتيرة و انا اضطريت ادور على شغل و اديني بقالي 10 ايام بدور على شغل و ملقتش ف هستاذنك اسيبو عندك بكرة كمان
ماليكة : شكر اية و كلام فاضي اللي انتي بتقوليه دة انا كدة هزعل منك ربنا يعلم انا بحبك انتي و اخوكي قد اية و انا بعتبرك اختي اللي مجبتهاش امي و صحبتي و بعدين انا زي مانتي شايفة مورايش حاجة دا حتي كوكو بيسليني و هو بيحبني مش كدة يا كوكو
كارل : ايوه انا حبك اوي يا ماييكه ( ايوه انا بحبك قوي يا ماليكة) 
ماليكة : قلب ماييكه دة تصدق يا كوكو تامر جوزي ابتدي يغير منك يووووه كنت هنسي انا جايا لية بصي يستي  انا جايبالك خبر حلو
ايلا : بجد ايه هو
ماليكة : انا لقيتلك شغل
ايلا : بجد طب ايه هو قوليلي ساكتة ليه
ماليكة : هتشتغلي......... هتشتغلي خدامة

يا تري ايلانيا هتعمل اية في حياتها اللي جايا و هتقبل الشغلانة ولا لا؟؟!

انت يالي بتقرأ 😁 ايوة انت خد تعالي متخفش 😂💙 اعمل فوت و كومنت و شجعني عشان انزل البارت التاني و انتظروني في البارت التاني من رواية .. ( يوم حبك اجمل صدفة)..