الدمعه الاولي.
في الصباح الباكر وفي بيت صغير في مدينه القاهره الكبري يعيش فيه رفعت امين الرجل الامين كأسمه يعمل موظف في ترخيص البناء..
تدخل زوجته سناء المراءه المحبه لزوجها وبنتها فلديهم مليكه ذات 10 اعوام واختها مريم ذات 7 اعوام
سناء:- اصحا يالا يارفعت الساعه بقيت سابعه هتتأخر علي الشغل
رفعت:- حاضر ياسناء هقوم اهو صحيتي البنات
سناء:- ماانت عارف انك انت اللي بتصحيهم عشان بيقعدوا يدلعوا يالا قوم صحيهم عقبال محضر الفطار
رفعت:- حبايب ابوهم يعملوا اللي هما عيزينوا روحي انتي حضري الفطار عقبال مااصحيهم واصلي واجي
سناء:- ببتسامه رضا من عنيا ياابو البنات ابتسم لها رفعت بحب ثم خرج سناء وخرج رفعت الي غرفه بناته
رفعت :- بحنان يابنات اصحي ياملكتي يالا يامريومه يالا يابنات هتتأخروا علي المدرسه
مليكه :- بضجر يابابا خليني انام شويه
رفعت :- ببتسامه لأبنته يالا ياحبيبتي بطلي كسل علشان هتأخر علي الشغل ولا انتي عايزه بابا يتأخر وميلحقش يوصلكم للمدرسه
تنهض مليكه تقول لا يابابا انت عارف اني مش بحب حد غيرك يوصلنا وماما بتودينا مع طنط مي وولادها رخمين واحنا مش بنحبهم
رفعت بحزم عيب يا مليكه نقول علي الناس كدا هزعل منك
مريم بشقاوه ماهي بتقول الحق يابابا وخصوصا احمد ابو كرش دا بيقعد يرخم علينا واحنا ماشين معاه
رفعت بضحكه لابنته الصغيره الشقيه حتي انتي يااخر العنقود بتتريقي علي الناس عمومآ يالا هنتأخر البسوا وحصلوني علي برا عشان نفطر
مليكه ومريم بطاعه اوامره حاضر يابابا
اوصل رفعت بناته الي المدرسه ثم ذهب الي عمله ثم التقي بصديقه حمدي في العمل
حمدي :- ايه يارفعت خلصت الورق اللي قدامك ولا لسا
رفعت :- بتعب وارهاق من العمل والله لسا ياحمدي انا بخلص في الورق اهو
حمدي :- ماشي اطلبلك قهوه معايا
رفعت :- ياريت يبقا كتر خيرك
يدخل مهدي موظف في شركه الهواري ومسئول عن الشئون القانونيه
رفعت :- اؤمرنا يااستاذ
مهدي :- كنت عايز اطلع ترخيص للعماره اللي شركتنا بتبنيها ودا الورق بتاعها
رفعت :- بتفحص للورق جيدآ بس يااستاذ الورق دا مش مظبوط مكتوب ان العماره متشلش غير عشر ادوار وحضرتك عايز تبني عشرين دور طب ازاي
مهدي :- بخبث ماهو كل شئ بالحب هيعدي ظبط انت الورق ووافق عليه وانا هشوفك باللي انت عايزه
أنت تقرأ
دمعات القمر
Mystery / Thrillerاجبرتها الحياة ان تفعل اشياء لم تكن تتمناها يوما ولاكن حكمت الظروف عليها وسلبت منها برأتها التي كان يوما ما تتميز بها لتصبح بعد اعوام شخصاً جديداً اقوي من ما كانت تتخيل ولاكن هل تعلم أن الحب سيدق بابها لأول مره وتقف وقتها حائره هل تنسي ألمها وتعود ه...
