أنتقام للعشق

البارت 46(الأخير)

كتله بهمس : مشتاقتلك ..

هو سكتت ظل صافن عليه بهت كال بعدم تصديق
: شنو شتحجين انتي ..

غمضت عيوني و كتله : مشتاقتلك و يوميه افكر بيك و أكول يمته يرجع حتى أشوفه بس هم ماريدك ترجع..

رفع حاجبة و كال : شنو هاي حزورة ولج ..

كتله بتعب و ظليت اشهك : ماكدر كل ما اتذكر اخوي ماكدر أفكر بيك ماريد احبك ماريد ..

حجه : شنو لحد هسه أنتي محملتني ذنب موته ..

هزيت راسي بنفي : مو هيج قصدي اصلا مالك كل ذنب هذاا قضااء الله بس ماكدر اخووي الي اعزه راح من يمي شلون تريدني احب و اتزوج و اعيش حيااتي ..

كال : تدرين بهذا كلامج كااعد تعترضين على حكم ربج و حرام الي تسوويه ..

كعدت على الكرسي و ضميت وجهي بأثنين اديه و بجيت و كتله: تعباانة فاارس افهمني فدووة اعرف حرام الي اسويه بس والله مو بيدي فهمني شسوي

كال : انتي تحبيني ؟

رفعت راسي اله و اشوفه يباوعلي بتركيز منتظر مني الإجابة ..

هزيت راسي : يي ..

ابتسم و كال : الي راح الله كتبه النه خل نتوكل على الله و نعيش المستقبل و نعووف الماضي ترى مراح يجيب النه غير الوجع و الكسر ..

: شلوون ..

ابتسم و كال : اذا اتقدم الج توافقين ..

كمت من مكااني و إني اخذ السجل كال : وين

دموعي نزلت : ماكدر اخوي مصارله هواي من ماات و تريدني أفرح مستحيل اسفه ..

عفته و مشيت اجه الخط و كعدت اخر شي وحدي اباوع لشبااك و دموعي تجري صعدت فووك كبل لغرفتي و ظليت ابجي كاعد اخسر اشيااء هوااي ..

مر يوم ثاني يوم اجت رساله لموبايلي مكتوب
بيه (منتظرج طوول العمر بس فكرري لا تخربين حياتج و حيااتي بهذاا تفكيرج )

عرفته هذاا فارس ظليت اتمعن بكلااامه لحد ماغفيت و نمت ..

مر شهر كاامل و الحال نفسه و فااارس يروح و يرجع لجامعة يشوفني من بعيد و اذا محد موجود يمي يجي يحجي ويااي شوي و يمشي اتعودت عليه بلجامعة و احس بالاماان اذا هو كبالي ..

كعدت نفس المكان الي اكعد بيه يوميه من اخلص محاضرات ظليت اباوع منتظرة قدوومه شوي و اجه كعد على الكرسي الي كبااالي كدامي بس بعيد ..

ابتسمت من شفته و هو بادلني الابتسااامة ظل صافن عليه و اني هم اباوع عليه ..

دنك على موبايله و ظل يكتب خلص و رفع راسه عليه
و شووي اجاني مسج هو أشر بعيونه عود اقري
دنكت راسي اخذت موبايلي و شفت الرسالة كاتب ..