قال لي امي يا ميامن امي قلت ليهو خالتو مالا بسم الله😳!قال لي نفسها كتم وم قادره تتنفس وهسي هي وافاق في المستشفى💔قلت ليهو لا حولا ولا قوه الا بالله اي صحي هي عندها ازمه طيب ورح منتظر شنو قال لي ورح ، اتحركنا من المطعم وبسرعه مشينا المستشفى لقينا افاق بره ، يوسف سألها وقال ليها افاق امي حصل معاها شنو! وهي هسي كيف! قالت ليهو لحدي قبيل دي كانت كويسه بس تاني اتذكرت ابوي ووفاتو وبقت تبكي بكى م طبييعي لمن شهقت وم قدرت تتنفس وم لقيت البخاخ بتااعها وهي م استحملت وداخت على الا انا جبتها هنا لكن هسي هي كويسه الحمد لله واحسن من قبيل بكتتتير لانو ركبو ليها اوكسجين قال ليها الحمدلله😔❤️قلت ليها سلامتها ياااخ قالت لي الله يسلمك حبيييتي يوسف قال ليها خلوك تشوفيها! قالت ليهو ايي ورح اوديكم ليها+الدكتور قال بنقدر نطلعها بعدين يوسف قال ليها اخخ الحاجه دي بتعني انها بالجد بقت احسن❤️قالت ليهو ايي حتى انا قلت كده ، اها مشينا لخالتو ولقيناها صاحيه ، يوسف قال ليها امي بقيتي كيف! قالت ليهو كويسه نحمد الله قال ليها خوفتيني عليك شدديد تاني ح تخلي البخاخ بتاعك معاك في اي حته تمشيها قالت ليهو سمح انت بس اهدى قال ليها م ح اهدى الا اتاكد انك تاني م ح تهملي صحتك ابتسمت وقالت ليهو الله يخليك لي بس قال ليها امين ويخليك❤️قلت ليها خالتو عوافي ان شاء الله م تشوفي شر ، عاينت لي وم ردت في قلبي قلت اصلا الحسنه في المنعول م بتنفع🙂💔قعدنا في المستشفى لحدي العصر حتى هي طلعوها ومشيت معاهم برضو البيت قعدت شويه بعدها قلت ليهم يلا انا استأذن بعد دا افاق قالت لي اقعدي شويه قلت ليها يا ريت والله بس لازم امش م كلمت ناس حبوبه هسي بكون قلقو علي قالت لي اها سلمي لي عليهم قلت ليها يوصل ان شاء الله يوسف قال لي يلا ورح قلت ليهو انت ماشي وين قال لي اوصلك قلت ليهو لالا م بيحتاج انت اكيد تعبان ومفروض ترتاح انا بمش بي مواصلات ترحال اي شي قال لي لو وصلتك واطمنت بنفسي انك وصلتي بيتكم بسلامه ح ترتاح اكتر من اني انوم واقعد في البيت ، طبعا لمن قال لي الكلام دا امو عاينت لينا مسافهه واخدت صنه كده🙂💔طلعنا والطريق كلو يوسف سرحان لدرجه قربنا نطقش عريبه كانت قدامنا بالو كان مشغول واكيد بي امو ووضعها ، وصلني بيتنا قبل ما انزل ختيت يدي في كفتو وقلت ليهو يوسف مالك! قال لي خايف يا ميامن💔قلت ليهو من شنو! قال لي خايف افقد امي قلت ليهو م تخاف هدي ليها امك بقت كويسه وم عندها عوجه قال لي م عارف بس خايف انو المره الجايه م نقدر نلحقها وافقدها زي م فقدت ابوي💔💔قلت ليهو م تفكر كدا ان شاء الله م بتجيها حاجه وبعدين انت جبت ليها بخاخين واحد كاحتياط فما تقلق هز لي راسو قلت ليهو سوق براحه وانتبه لي الطريق كويس قال لي حاضر قلت ليهو بيناتنا تلفون ابتسم لي ، نزلت منو ودخلت البيت لقيتهم كلهم موجودين قلت السلام عليكم ردو لي السلام حبوبه قالت لي الليله اتاخرتي يا الحنينه قلت ليها ايي لانو يوسف امو تعبت شويه وانا كنت معاهم قالت لي مالها! قلت ليها نفسها كتم الا ودوها المستشفى وركبو ليها اوكسجين حتى قدرت ترجع تتنفس طبيعي مهاد قالت لي م ماتت الشوم! قلت ليها مهاد والله انتي😂💔قالت لي المره الكريهه دي هسي لو م هي كان يوسف اتذكرك زمان ان شاء الله تموت🙂✅قلت ليها خليها ربنا بيحاسبها لكن م تدعي عليها بالموت قالت لي انتي هسي خلينا من سيرتها امشي غسلي وتعالي اكلي معانا قلت ليها طيب ، عده باقي اليوم وانا كنت متواصله مع يوسف بالتلفون وبسالو من امو ، اها اليوم التاني بعد الدوام خلص قلت امش ازورهم واشوف امو بقت كيف مع انها سخيفه وم ح تنبسط بجيتي بس انا ماشه عشان يوسف لانو اليوم دا م جا الشركه ، المهم مشيت ليهم براءه وامها برضو كانو معاهم لقيتهم كلهم قااعدين في الصاله وسااكتين وماف زول فيهم بيتكلم سلمت عليهم وقعدت ، اثناء م هم على الحال دا فجاة نطتت خالتو موده وقالت لي يوسف " انا عايزه عرسك يتم وخلال اسبوعين فقط لا غير " طبعا لمن قالت كده كلنا انصدمنا وانا افاق بس بقينا نعاين في بعض ومنصدمين ، يوسف قال ليها فجاة يا امي قالت ليهو لا م فجاة بس انا خايفه اموت قبل م اشوف عندك عياال المره دي مرقت منها لكن م معروف المره الجايه يحصل ايه فعايزك تعرس وفي اسرع وقت ممكن قال ليها بس يا امي انا م بقدر اعرس💔قالت ليهو ليه المانع شنو! قال ليها حاسس اني ما متفاهم مع براءه وم مقتنع لي فكرة انو علاقتنا ممكن تتحول لزواج قالت ليهو انا م بهمني غير انك تعرس ، يوسف عان جمله واحد وبقولها ليك اذا م عرست براءه وخلال اسبوعين بس انا م عافيه ليك وانت لا ولدي ولا بعرفك💔قال ليها بس يا امي.. قالت ليهو م بس انا امك وبعرف مصلحتك اكتر منك فهل انت عاوز تعرسها واكون راضيانه عليك ولا لا! ، سكت مساافهه وقال ليها بصوت مبحوح كده " ح اعرسها " انا هنا انصدمت زياده ودموعي بس جو جاارين وبقيت برجف ما عارفه كيف نطقت وقلت ليهو يوسف انت م بتقدر تعرسها😭💔كلهم عاينو لي اللحظه ديك قلت ليهو م بتقدر فاهم م بتقدر😭💔هو كان بعاين لي بي استغراب نظام في شنو! ، امو قالت لي لو سمحتي اقفلي خشمك ده عليك قلت ليها م ح اقفلو وم ح اخليك تعملي العاوزهو ويوسف م ح يعرسها ، خالتو انتي عارفه اننا متزوجين طب ليه مصره انو يتزوج تاني! انتي لي بتكرهيني لي الدرجه دي😭💔لمن قلت كده يوسف وقف على حيلو وتعابير وشو كانت بتوحي بالدهشه والاستغراب ، قال لي ميامن ده شنو القاعده تقولي فيهو دا قلت ليهو دي الحقيقه يا يوسف ايوا نحنا متزوجين قال لي ميامن انا م مستوعب حاجه منو هم المعرسين! وانتي بتقولي في شنو! قلت ليهو انا وانت المعرسين😭💔خت يدو في راسو وسكت مسافهه قريب النص ساعه كانو بيتسوعب ، قال لي ميامن انتي واعيه لي البتقولي فيهو! قلت ليهو اي واعيه ، عاين لي امو وقال ليها ممكن تفهميني!💔قالت ليهو يوسف البت دي كذابه وجايه تخلق ليك موضوع من راسها عشان انت تصدق وم تعرس براءه طوالي انا قلت ليها موضوع زي دا م بكذبو فيهو وانتي عارفه ، يوسف صدقني نحنا معرسين ولينا سنتين كمان بس انت فقدت الذاكره ونسيتيني طيب دقيقه ، طلعت الدبله من يدي وقلت ليهو شوف اسمك منحوت هنا ، شال الدبله وبقى يعاين فيها طبعا هو لمن شاف الدبله احتار زياده وقال لي بس انا م متذكر حاجه وم متذكر اني معرسك💔قلت ليهو انت بس اديني فرصه اشرح ليك كل حاجه وح تفهم لكن م تعرس براءه لاني ممكن اموت😭💔قال لي افهميني انا م مستوعب شي من الكلام دا😭💔قلت ليهو تعال معاي وح افهمك ومسكتو من يدو ، امو جات وبكل قوه فكت يدو من يدي وقالت لي سايقه ولدي وين يا حربايه!يوسف م تمش معاها دي كذابه وجايه تتبلي عليك ، لحظتها عاين لي افاق وقال ليها قولي لي الكلام ده صح! منو فيهم البكذب!الله يرضى عليك يا افاق فهميني ووريني الحقيقه لاني جاايط وما قادر اصدق البحصل دا حااسس اني في حلم💔خالتو موده قالت ليها اسكتي وم تتكلمي افاق قالت ليها لا م ح اسكت يا امي يوسف خلاص مفروض يعرف كذبك عليهو و أي يا يوسف انت وميامن معرسين وليكم سنتين وقربتو تتمو التلاته وزواجكم كان عن حب يوسف انت بتحب ميامن لدرجه بعيددده لدرجه انك فسخت خطبتك من براءه وعرستها هي رغم عدم رضى امي بزواجكم وعشان كده هي بتكرههاا وكذبو عليك وقالو انك خاطب براءه بس في الحقيقه انت فسخت الخطبه دي زماان وعرست ميامن ، ميامن حب حيااتك يا يوسف ف اديها فرصه وامش معاها ح توريك وتفهمك كل شي وصدقني هي الوحيده هنا ال م ممكن تكذب عليك مهما حصل ، يوسف بعد سمع كلامها دا رجع مسك يدي وقال لي انا واثق فيك واثق في انك ما ممكن تكذبي بس فهميني يرضى عليك انا جاايط😭💔ضغطت علي يدو قوي وقلت ليهو نمش ووقتها ح تعرف وتفهم كل شي😭💔اتحركنا وامو كانت بتكورك لينا وبتقول ليهو يوسف م تمش معاها بس هو ما وقف مشى وتابع معااي لحدى م ركبنا العربيه انا كنت بوصف ليهو الطريق لمن وصلنا بيتنا انا وهو قلت ليهو يلا انزل ، نزل وقال لي م كانو ده نفسو البيت الجبتك ليهو يوم داك! قلت ليهو اي نفسو متذكر انك قلت لي كانك جيت بالشارع دا! قال لي ايي قلت ليهو لانك جيت بيهو كتتيير دا بيتنا الاحتوانا انا وانت يا يوسف😭💔فتحت الباب بالمفتاح وخشينا ، من دخلنا كده هو قعد يعاين لي الصور وبي استغرب ودهشه قلت ليهو تعال وقفتو جنب الحيطه واشرت ليهو علي صوره وقلت ليهو يوسف حاول اتذكر معاي ، عان الصوره دي يوم عرسنا شوف انت كنت فرحان بي كيف ، وعان دي في الجرتق تتذكر لمن غطونا بالقرمسيس انت قلت لي شنو! قلت لي اني احلى حاجه شافتها عيونك يوسف انت م متذكر😭!طب عان دي لمن مشينا فندق وعجبتنا مراايا فيهو وانت قلت لي الا نتصور فيها وقعدنا نتصور ونتهابل والناس كانت بتعاين فينا ودي واحده من ضمن الصور الهبله ديك ، طيب شوف المطبخ داك تتذكر لمن بتطبخ لي فيهو وبتعمل لي كل يوم اكله جديد وكيكه الشوكولاته لاني بحبها من يدك والسلطه اسود طيب عاين هنا الصاله وكرسي الجلوس دا الدايما بتلقاني قاعده فيهو وشايله التلفون طيب وغرفتنا مسكتو من يدو ودخلنا قلت ليهو شوف الدولاب فيهو شنو وفتحتو وقلت ليهو عان الورق الملصق في باب الدولاب ده انت كاتب لي فيهو كلام كل م افتح الدولاب كنت بلقاك كاتب لي واحده جديده والسرير لمن نتشااكل وانا ارميك منو وادفرك برجلي ولمن انوم واخت رجلي في بطنك وانت تعصب وتقول لي صلحي نومتك يوسف م اتذكرت حاجه من ديل😭!هو كان بحاول يتذكر ويضغط على راسو اخر شي مسك راسو وقال لي انا م متذكر حاجه يااخ ولا م متذكر البيت دا ولا اي شي فيهو😭💔قلت ليهو يوسف حاول اتذكر عشاني ، بقى بضغط في راسو اكتر وبحاول يتذكر اخر حاجه قال لي بصوت عالي كده انا م متذكر انتي م بتفهمي😭💔م لقيت نفسي الا وانا بضمو علي قال لي ما متذكر يا ميامن م متذكر💔قلت ليهو خلاص م ترهق نفسك ح تتذكر مع الايام بس انت اهد😭💔بقى يكرر في جمله م متذكر لحدي م تلفونو اتصل هو كان م مركز وم فاهم شي ، طلعت التلفون من جيبو كانت دي امو رديت وفتحت الاسبيكر ، قالت ليهو يوسف ارجع هسي دي وم تصدقها ، يوسف لو م رجعت انا م عافيه ليك وقفلت الخط اتخيليو يعني ختتو في موقف لا يحسد عليه💔مسح دموعو النازله وقال لي انا لازم امش ليها قلت ليهو لا م تمش انا عارفه انك اذا مشيت م ح ترجع وهي ح تخليك تعرس براءه😭💔قال لي بس هي امي يا ميامن وانا م بقدر بدون عفوها ورضااها قلت ليهو لكن انا.. قال لي صااح انا م متذكر ولا حاجه لكن عارف انك قلتي كل الحقيقه وعارف انك مرتي ورغم اني حاابب اقعد معاك وم امش بس دي امي في النهايه وعفواها ورضاها مهمين اكتر من سعادتي ميامن انا اسف💔قلت ليهو يوسف لا يااخ قال لي متضر امش وفات💔كنت بنادي عليهو بس م ردا لي قعدت ابكي في حتتيي ديك وقلت اكيد ح يعرسها طب انا وقتها ح اعمل شنو ، يوسف😭💔بقيت ببكي وبحرقه على الحصل تقريبا سااعتين وانا ببكي ، كنت قاعده في الارض وضامه رجليني علي وخاته راسي فيهم وببكي وبكرر في اسم يوسف م حسيت الا بي زول بضمني وانا بنفس الوضعيه ديك ، قلت ليهو كنت عارفه انك ح ترجع وم ح تسيبني قال لي م قدرت اسيبك حتى ولو م متذكر انا متورط بيك😭❤️عدينا مسافه قريب الساعه ونحنا ضامين بعض تاني قلت ليهو وامك عملت معاها شنو عشان رضت يا يوسف!😭❤️قال لي...
