اشعار 💔💖

اشعار بل اسماء 😍❤️

الكاتبه//زوزه

عذراء

كلبج لو قسة اتحمل .. واعذرا
لأنج باهرة وطاهر .. وعذراء
اذا كلبي وكف نبضه .. وعذراء
نظر تنظرلي نبضي ايرد اليه

😍############################😍

صبا

جميلة وبالجمال انتي .. صباآية
يتاج ومعتلي روس ال .. صباية
يريت ايعود وايردلي .. صباية
واعلمج كل أصول الجاهلية

😍############################😍

صالح

يزعلني واروح آنه .. واصالح
لأن حبنه نقي وطاهر .. وصالح
أحب واهواه من كلبي .. وصالح
يحبني وكلبه ذايب ذوب بي

😍############################😍

سمارة

السفن غركن كلهن .. يم سمارة
وتضيع البيض كلهه .. يمسمارة
اريد بربي احلفج .. يم سمارة
وحمتي ابيش من جبتيهه اليه

😍############################😍

سلمان

أنشد كلبي لو روحي .. وأسلمن
عنك وانته الامعدل .. وسلمان
عيونك لو علي نظرن .. وسلمن
أموت وأنحيي بهاي التحيه

😍############################😍

شيماء

امضيع جني من تبعد .. لشيما
واصيرن شي جمر يحرك .. لشي ماء
كلبي والنبض كلة .. لشيماء
لان هية الحياة بالنسبة اليه

😍############################😍

سعيد

دكافي ارجوك وارجعلي .. وبسعود
بدونك بس جلد باقي .. وبس عود
أهيم وغارك بحزني .. وابوسعود
نايم بالعسل ما يدري بيه

😍############################😍

سعد

فرحنه اهواي بيكم .. وانسعدنه
وترة التعذيب منكم .. وان سعدنه
سعد عمري وحياتي .. وانسعدنه
طلب روحي اقدمهه هدية

😍############################😍

سامي

تظل مثل النجم عالي .. وسامي
يالحبك فخر واصبح .. وسامي
أعشكه واعشك اعيونه .. وسامي
يتنفس محبتي ايموت بي

😍############################😍

سماح

سماح انتي كلب كلبي .. سماحي
اجرحي اكليبي واضمنلج .. سماحي
لجلج ما يظل بارض و .. سماحي
وأموت الدنية اذا غثتج هيه

😍############################😍

سحر

وجهه بنور وبحسنه .. سحرنه
نهار وليلنة بذكرج .. سحرنه
ملاك وتاج كل حلوة .. سحرنه
وتعيش بروحي والوجدان هيه

😍############################😍

أمل
حبيبة وصاحبة وهيه .. امالنه
وهية بهالحياة تبقه .. أملنه
أحن ابنية بالعالم .. أملنه
وانه بطيبتهه أبد ما مرعليه

😍############################😍

#مينا

صدر حكم بغيابك #جارمينه 
وحضي من المأسي #جارمينه
تمنيت اني اصيرن #جار_مينه 
واشوفهه بكل صبح ومسيه

😍############################😍

أمل
حبيبة وصاحبة وهيه .. امالنه
وهية بهالحياة تبقه .. أملنه
أحن ابنية بالعالم .. أملنه
وانه بطيبتهه أبد ما مرعليه

😍############################😍

أنسام
أبد ما فرط بحبهه .. ولاانسام
التعطر ابريحهه الدنية .. والانسام
روحي وكل نبض كلبي .. والانسام
كل حبي وحنين الشوك بيه

😍############################😍

افراح
بدونج ميتم الدنية .. بلاافراح
وفركنه الروح من بعدج .. بالف راح
أموت ما أعيش آني .. بلاافراح
لان هيةأفراح روح الروح هيه

😍############################😍

ايمان

عله ايساري الحزن خله .. وعالايمان
ورغم ظلمه الوكت اصبح .. علي مان
وحق ربي الكلب ينبض .. على ايمان
وبلا ايمان متظل روحي بية

😍############################😍

أنوار

كتلني الفاتن الساكن .. بالانوار
واحس الدنية من دونه .. بلا انوار
أعيش شلون كولولي .. بلاانوار
واحس انوار مثل الروح بيه

😍############################😍

ايناس

كلبي ايفور وايرفرف .. على ايناس
وطير الشوك كل لحظة .. علي ناس
كل شوية تتوافد .. عليناس
تريد انساهه لكن مو بديه

😍############################😍

تبارك
يسبحانه العلي الخالق .. تبارك
أبدع حيل من صور .. تبارك
أسمع روحي لكليبي .. تبارك
لأنج يا تبارك صرتي اليه

😍############################😍

جيهان
أروحن للسمة وارجع .. واجيهان
أدعي الله باعز خلقه .. وجيهان
بمحمد وبعلي اجمعني .. وجيهان
لان جيهان كلبي وروحي هيه

😍############################😍

حبيبة
شبيهه الخل لون يحضه .. بحبيبه
الكلب مغروم وايهيم .. بحبيبه
بيمن احلف بربي .. بحبيبه
حبيبة الروح هية الهسة بيه

😍############################😍

باسم

أطل رغم الهضايم .. باسمآنه
وعلم عالصبر شامخ .. بالسمة آنه
يالما تعرف انته .. باسمآنه
آنه الصبري فاق ايوب ميه

😍############################😍