نصفي العقيم ( مكتمله )

بارت (٣٤)

المرأه باختصار اشبه بزجاجه مليئه بالحب والعطاء .. ولكن اذا كُسرت ذات يوم وتألمت
فانها تصبح هشيم من زجاج مقطع الى اشلاء حاده ومُسننه تئذي كلُ من هدج على رُفاتها واراد ان يسعى في هلاكها ويسير عليها ويستصغر حجمها .. تؤذيه !!!!
وعلى سبيل الالم .. قطعة من قلبـي دُفنت في احدى القبور ..

_______________________

روايـة "نصفي العقيم"

البارت الرابع والثــ٣٤ـــلاثـون

-الجزء الثاني

للكاتبه : يُمنا نـآصر
_______________________

قراءه ممتعه ..

بعد مرور شهر ..

بغداد : وكفت كدام المرايه والقيت نظرة اخيره على شكلي رشيت عطر ، باوعت على نفسي بالمرايه وصرت احاجي نفسي واقويها .. يلا بغداد لا تخلين خوفج يسيطر عليچ روحي واخذي حقج وخلي كلهم يذوكون لوعة كلبج ..

جنت لابسه قميص زيتوني يصير جوه الورك وبنطرون لون بيجي ويا مكياج خفيف ولامه شعري بطريقه بسيطه .. اخذت نفس عميق وتوجهت للباب خليت ايدي على كيلون الباب و طلعت من الغرفه واني مبتسمه وعلامات وجهي ماتدل على اي شي من الي راح اسوي .. هشام جان كاعد على القنفه بالهول لازم موبايله شافني وحجه بدون ميباوع بوجهي ..

هشام : ها على وين ..

بغداد : محتاجه شوية غراض اريد اطلع اجيبهم من السوك ، عينك على الجهال اني ما اتأخر ..

هشام : تمام ..

بغداد : باوعت عليه باسف وحجيت بداخلي شگد خسيس وماعنده ذرة غيره حتى ماعرض عليه يوصلني ع الاقل

.. بس يلا احسن خفة وراحه .. دزيت رساله الصگر .. وكتله تعال بالمكان الفلاني بمطعم (....) منتظرتك عندي شغله كلش مهمه وياك ..

" رد على رسالتي بانو تمام جايچ .. بس شكو ؟

بغداد : تجي وتعرف كُل شي ..

صگر :  تمام وان شاء الله خير ..

بغداد : طلعت من البيت امشي واني متخذه قراري  الحاسم الي اما راح يخلصني من الامر بيه ويقلب حياتي الى جنان او راح انتهي هالمره وماراح يكون الي اي اسم على سجلات قيد الحياة وابقى بالجحيم طول عمري .....

مريت على رفل بالهيكل انطيتها مصرفها هي واخوتها وطلعت منهم للشارع

طول ما امشي اني كل شويه اسحب نفس واحاول اهدئ من روعي لان مو بيدي السالفه تخوف وبيها دم وذبح ولا سمح الله اذا تهور صگر ممكن تروح رگابنه ويصير بحر دم ، وكلام منى صحيح لازم اكون حذره ونتأنى بكل خطوه نخطيها حتى السالفه لا ترجع علينا و و نو گع بمكيدتهم ..