ما بين الذنب والحب (فصليه لمثلي )

البارت 20

حسام..،،غيث هسه

غيث... أي هسه يله كوم أبو الوكفات ما أنساه الك اليوم

حسام ... غيوثي مو ابنه يشتغل ميجيبنه يشتغل العماته

غيث... ادكوم لو اشلون

حسام ...كايم كايم

غيث..،، خرب اشكد ايدردم أبو الوصخ ...دكيت الباب على ورد ..طلعت ورد ابنفس ملابسه كلتله ابحده ..ادخل لو ابقه بره كالت

ورد.... من شفناه هو أصر يحجز لاهلي ابطياره بعد انه فرحت انشالله يوصلون ابسلامه...شفته خزرني ما اهتميتله ..دخلت للبيت
.اشويه ودك الباب مدري ليش هيج طريقته
حاده بل كلام وقبل اشوي خزرني ..بس انه حجيت ابهدوء ابلطف كلتله.
.،أي ادخل ...
دخل وكال لأهلي اشوكت الطياره وبقه يمهم وره ابنص ساعه وانه كل اشويه واغفه بس ما اريد أنام ...كال اوصلكم انه كلت اروح وياكم ...
ما كالو لا بس هوه خزرني ...أبوي صعد بلصدر وانه وأمي وره. .. وصلنه للمطار. ..بقينه كاعدين اهناك اشويه الحد ما صاحو على الرحله ودعت اهلي وبقيت ابجي وابوي وصه غيث عليه مدري ليش هلكد صاير واثق بيه وايحبه. ..
المهم رحت صعدت ابسياره غيث لوره صاح بيه

غيث.....من دخلت بعد خبرت أهله على موعد الطياره...ومر الوقت ..وطلعنه واكيد ست ورد لازم تطلع ويانه خزرته ما فاد بيه ...
حته ملابسه نفسه بقيت معصب طول الوقت الحد ما راحو أهله ورادت تصعد تره صحت بيه ...هيووو صعدي كدام سايق الخلفوج انه ...أي مو توكه تتلوك علمود ابوه ..بنطرون أبو الف ابسرعه ينكلب لونه😑😑

...صعدت وهيه هم صعدت وصلنه للبنايه. .نزلته وانه مشيت ابسيارتي اريدجكاير .،دورت الحد ما لكيت اخذت شده كامله ..ورجعت للبيت ...
اخذت كم وحده وانه امعصب منه...شنو هاي ملابسه اتراك تطلع بتراك ...يا الله حتخبل ... اوف يا ربي ...
ما جنت منتبه على نفسي وانه امخلص نص باكين جكاير فوك السته ..خرب ابحضج ورد خرب ...مشتاق لاهلي يا الله اشوفلي وقت فارغ اروحلهم.
.. رحت نمت .. وانه كلبي امولع قهر ..شنو اسوي جاي القهر ياكل بيه اشويه اشوي على يوم اموت من القهر يا الله ....
نمت ..كعدت ثاني يوم امصدع خرب حضي اشلون بله ...سبحت وبدلت...وطلعت ..دخلت للمصعد قبل لا ينسد باب المصعد هيه دخلت ...
ما همني ...وصل المصعد لجوه ركبت سيارتي وطلعت ما عرضت عليه اوصلج ولا شي ...وصلت للمكتب وكلت العلي ايصيح للموضفين ....
اجوه كلهم بس ورد ما اجت ...كلت ابحده...ناقصين ... سكتوه ما حجو ..صحت ..،عللللييي ..اجه علي ابسرعه كلتله ...ليش ورد متئخر ..اتباوعلي متفاجئ اصلن ما متئخره انه جاي من وكت ... بس افيوزاتي طاكه أري سبب اصيح عليه اعصب .... كال علي

علي ..استغربت من تصرفه عصبي وهم ايحاسب على التئخير شنهاي ...كلتله ..استاذ هسه اشويه وتجي ..درت جوهر وشفته قبل اشويه واصله واتريد اتخلي جنطته على مكتبه صحت عليه ...ورردد تعالي ...هيه اجت دخلت جان كال غيث

غيث... من كال اجت ...اريد اصيح اريد اعصب عليه بس دخلت ضايجه ..رفعت عينه ابعيني ..حزن ما اعرف اشبيهن كلتله وانه اهايم بعيونه وابهدوء. ..آخر مره التئخير

ورد....وصلني وراح ..قلقت عليه ..
وين رايح بليل لا ايصير بيه شي بس بعدين فكرت رايح الوحده رايح عد وحده كدر يم غيري ..جا شنو تفسيره الروحته 3 بليل ..ضجت حيل ...
دخلت الشقتي ..بدلت ونمت على السرير ...ما دريت اشوكت دمعتي طاحت ...معقوله كدر يم غيره انه السويته انه الصنعته. ..انه الجددته. ...
استغله ويه غيري ... بقيت ابجي .. كعدت متئخره ..
سبحت وبدلت وطلعت ... لحكت على المصعد ابسرعه. ..جان هو بيه ... وكفت وراه ما اهتملي ولا صبح عليه ..فقد لأمل مني ..
بعد ما راح يجيلي او ايحاول. ..وصل المصعد لجوه نزلنه. ..رحنه وهو صعد بلسياره وما كلي ضجت كلش ضجت.
.بقيت اتمشه ابكسل وعلى كيف ...وصلت متئخره ... دخلت صاحلي علي..رحت يمه غيث... رفعت عيني ..
خليت عيني اتعبر. .ما اعرف عبرت لا بس العليه سويته كلتله ابخنكه او عبره ..اسفه استاذ. ..رحت وكفت يمهم ...هو كال

غيث...اشبيه اعيونه وردتي ذبلانه من شنو منو امزعله كو كدرت احجي كلتله. ..ماشي شباب اليوم تستلمون قطع الأثاث ماشي ... اشويه وتوصل ... واجربوه ابغرفكم او اي مكان وادزوه الي انشوف شكله ...اتحمسو .. بس ورد لا قلقت عليه ...كلتلم...اتكدرون اطلعون بس ورد ابقي

ورد.،، ضايجه بعدني ...من كال ابقي بقيت بدون كلام وكفت مقابيله وانه امنزله راسي حسيت ابقربه مني رفع راسي من حنكي وكال ...

غيث... كلبي عاصرني عصر على وردتي اشبيه ..اتقربت منه ورفعة راسه وكلتله ..شنو بيج وردتي ليش هيج اعيونج ذبلانه ...
اعيونه دمعن بس ما بجت. .اختنكت واحس كلبي جاي يتكطع عليه ..
كلتله ابسرعه ..باباتي شنو بيج ها كولي منو امحاجيج منو امزعلج بس كولي. .طاحت دمعته احس تيزاب على كلبي كوبت وجه وقربته من وجهي وكلتله .
.فدو لا تبجين ورد بس كولي شنو بيج هاي شكو ولج احجي من رحتلج فدوه

ورد... ما اتحملت بعد بقيت ابجي ..اتباوعتله وكلتله ابصوت بيه بحه. .،وين رحت من عفتني البارحه اباب العماره

غيث.. ضحكت ابقهر وكلتله ..رحت للمحل اشتري

ورد،،، ضربت صدره وكلتله ..جذاب ابهيج وكت وين اكو محل ايفتح

غيث... أي لهيج رحت ابسياره ... حبيت اضوجه كلتله. .أي انتي اشدخلج ابمديرج

ورد..، وعيت على نفسي وخرت عنه ومسحت دمعتي وكلتله. .هيج بس رايحه

غيث... جريته من ايده انضربت ابصدري خليت ايدي على خصره وحبسته يم كلبي كلتله ..لا يحلو الي يدخل عرين الأسد ميطلع سالم

ورد..، بستفزاز ..منو كال انه داخله العرين الأسد (اين الجبه أنا لا أراها 😷😨)

غيث... ها هاي صدك اروايج الأسد علمود تتئكدين

ورد..، لا لا وخر استاذ غيث لا يدخل أحد. .اريد اوخر من عنده ماكو ما حسيت غير دفعني على الحايط وكال

غيث..، دفعت على الحايط واتقربت منه وكلت ..اراويج الأسد علمود تتئكدين انو انتي ابعرينه. .جان

...وهاي هم بارت ثاني 1237...كلمه اريد تصويت