Melancholy [ Completed ]

အပိုင်း ၉

         " မေ‌မေ့ကို စိတ်မဆိုးပါနဲ့နော် ၊ ကိုကိုက မေမေ ခွေးတွေ မုန်းတဲ့အကြောင်း အရင် ပြောပြထားသင့်တာ "

         " မဆိုးပါဘူး ၊ ကျွန်တော်လည်း မသိပဲ ခေါ်လာမိတာကိုး ၊ ကျွန်တော်ချီထားရင်းကနေ ခွေးလေးက ရုတ်ရက် ခုန်ဆင်းပြီး မီးဖိုခန်းထဲ ပြေးဝင်လို့ ကိုကို့မေမေက မောင်းရင်း ဖြစ်ကြတာ ၊ စိတ်မဆိုးဘူးဆိုပေမယ့် ဘာမှ နားမလည်တဲ့ ခွေးလေးကို မရိုက်သင့်ဘူးလေ "

        " ကိုယ့်မှာ အစ်ကိုကြီး Taeyong က  Hyuckie ကို အခြားသူနဲ့ ဆိုင်မှာ တွေ့တဲ့အကြောင်း ဖုန်းလှမ်းဆက်တော့ အလုပ်တောင် ကောင်းကောင်းမလုပ်နိုင်ဘူး သိရဲ့လား ၊ ပြောပါအုံး ဘာလို့ ကိုကို အလုပ်ကပြန်မလာခင်ကမှ အိမ်ကို ပြန်ရောက်တာလဲ "

        " JungWoo Hyung ဆီ သွားတာ ၊ ကိုကို့မေမေနဲ့ အိမ်မှာ မကျန်ခဲ့ တာကြာပြီဆိုတော့ အိမ်မပြန်ချင်ဘူး ၊ ဆူတာလည်း မခံချင်ဘူး ၊ အဲ့တာနဲ့ JungWoo Hyung ဆီမှာနေနေတာ ၊ အဲ့လိုနေတဲ့ကြားကို ရန်ကဖြစ်လိုက်ရသေး ၊ ကျွန်တော့်က ပြန်ပြန်ပြောလို့ ကိုကို့မေမေက ရိုင်းတယ်လို့ မှတ်နေမှာ ထင်တယ် ၊ ကိုကို့မေမေနဲ့ အဆင်မပြေပုံကလည်း နည်းနည်းတောင်မဟုတ်တော့ဘူး အကုန် ဆန့်ကျင်ဘက်တွေ ချည်းပဲ "

         ခေါင်းလုံးလုံးလေးကို တစ်ချက်ဆွဲယူပြီး နဖူးလေးကို နမ်းလိုက်သည် ။ Hyuckie ပူလောင်နေရတာတွေ ပျောက်လို့ ပျောက်ငြားပေါ့ ။

         " စိတ်ပူနေရတာနဲ့ပဲ ပြောဖို့ မေ့နေတာ ၊ ကိုကို ဒီနေ့ တိုက်ခန်း အသစ် ကြည့်လာခဲ့တယ် ၊ အဆင်ပြေတယ် .ပိုင်ရှင်နဲ့ စာချုပ်ချုပ်ဖို့ပါ တစ်ခါတည်း ပြောခဲ့တာ သူကလည်း မြန်မြန်လုပ်ချင်တယ်တဲ့ ၊ အဲ့တာ သဘက်ခါလို့ ချိန်းခဲ့တယ် "

       " ချက်ချင်းကြီး !! ကိုကို ပိုက်ဆံအဆင်ပြေလို့လား "

       " ပြေတယ် ၊ ဘာမှ မပူနဲ့နော် ၊ မေမေ့ဆီက အဆူမခံရတော့ပါဘူး "

       ***Kiss***

        မျက်နှာချင်းဆိုင် စကားပြောနေကြတာကနေ ဆက်ခနဲ ထလာပြီး နှုတ်ခမ်းကို ထိတယ်ဆိုရုံသာ လျှပ်တပြတ် နမ်းသွား၏ ။ မြန်လွန်းလို့ Hyuckie ပြန်ထိုင်ခါမှ ဪ ..ငါ့ကို နမ်းသွားတာလား ဟု အောက်မေ့သွားသည် ။