اسراء تقربت و باوعت
..ها هاي اكيد بيت خاله صبا
هدى..اي اني هم ردت اكول هيج
باوعت عليهم
ريم..هيه شصير خاله صبا منكم
اسراء..هيه اصير اختها لجده فوزيه..من واحنه صغار جانت تجي تنظف و تكنس و تمسح
هدى..يعني جانت تشتغل يمنا خدامه
اسراء..انجبي شنو خدامه
هدى..قابل جذب
ريم..ليش هيه مو اصير اختها لجده فوزيه..ليش اصير خدامه
هدى..تره لا عبالج جده فوزيه ام البيت..لا اي نحترمها و نحبها و هم هيه الربت و رضعت قاسم و رغد
فعتبروها نفس امهم هنا..بس هيه قبل هم جانت تشتغل خدامه..و لحد هسه تطبخ و خاله صبا تجي تنظف و تمسح
ريم..بس مشفت هاي خالتكم صبا تنظف او تمسح
اسراء..اي لان من كبر ابنها حمزه منعها
هزيت راسي
ريم..اها هيج السالفه زين يعني همه حالتهم مو زينه
اسراء..قبل خطيه جانو كولش..بحيث هذا حمزه وهو صغير يشتغل عامل..بس هسه من كبر صار ايده اليمنا لعمو سعدون بالبساتين بحيث وين ميروح عمو سعدون هو يروح ويا.. شوفي حته بيتهم يمنا و هم صديق قاسم كولش
هدى..بس اسراء شفتي شلون صاير حلو
اسراء..اي صاير رجال
ريم..شكد عمره
اسراء..22
ريم..يدرس
اسراء..لا من الثالث ابتدائى مبطل
هدى..انتي هييي شعندج هيج تسألين اسأله مالها داعي
باوعت عليها
ريم..اه لا بس هيج يعني ردت اعرف
أسراء..امشو نجيب الجنط من جوه و نجي نصفط الهدوم
هدى..اني حنزل للاستقبال يمهم عود بعدين اصفطهم
أسراء..اويلي ع كسلج
ريم..امشي اني وياج نجيبهم
اسراء..يلا تعاي ننزل
نزلنا جوه و رحنا للكليدور دنشيل الجنط و اجه قاسم
بسرعه كال
قاسم..اني اشيلهن..وخرن
اسراء بسرعه دنكت و اجت يمي..واني فاتحه حلكي اباوع عليها..وهو يشيل بالجنط و يبتسم وياها
اخذ جنطتين و صعدهن فوك و اني و اسراء وراه
همست يمها
ريم..شلون يكدر هيج يشيل الجنط عبالك شايل علاكتين فارغات
اسراء..فدوه لطوله انتي دباعي عضلاته
هزيت ايدي
دخلنا للغرفه و هو حطهن و اخذ نفس
قاسم..حنزل اجيب الوجبه الثانيه
اسراء..لا لتعب نفسك
باوع عليها و ابتسم..اتقرب منها
واني و خرت منهم و كمت اباوع عليهم
قاسم..نورتي ديالى يابه
هيه ابتسمت بخجل
اسراء..بنورك
قاسم..مشتاقلج
رفعت راسها و باوعت علي
اسراء..ميته عليك اني
قاسم..بليل تعاي للبستان..اطلعي من الباب الوره و تلكيني انتظرج
اسراء..لا قاسم اخاف ليشوفونا
غمض عينه يطمنها
قاسم..لتخافين بعدين ياريت يشوفنا و يجبروني اخذج
اسراء..ليش انته متريد تاخذني الا تنجبر
قاسم..اذا تريدين باجر اتقدملج
اسراء..لا وره ما اخلص السادس
قاسم..اااااخ كلبي..من شفتج ليهسه بس يدك
اسراء..سلامه كلبك
يحجون واني فاتحه حلكي عليهم
انتبهو لوجودي و اثنينهم باعو عليه
قاسم..شكووو صاافنه بويه خير
فزيت
ريم..ها لا مصافنه بس شسمه..باوعت ع جنط
ردت اصفطهم و احط..قاطعني
قاسم..لا سمعتي شي و لا شفتي شي زين
باوعت عليهم و ابتسمت
ريم..لتخافون لا سمعت ولا شفت
أنت تقرأ
أسيرة في موطنك (مكتملة)
General Fictionقصه عراقيه..حقيقه فتاه صغيره..تعيش مع أبيها و خواتها تتغير حياتها حين تعلم أنها أبنت شخص ثاني و تنتقل للعيش مع أمها فماذا تواجهه من صعوبات؟ و ماذا يكون مصيرها زهراء البياتي
البارت السادس
ابدأ من البداية
