أسيرة في موطنك (مكتملة)

البارت السادس

مساء الخير أحبتي
أتمنى لكم قراءه ممتعه

بقلم: زهراء البياتي

البارحه منشرت لان جانت استراحتي
فياريت تعرفون مواعيد النشر..يومين نشر و يوم استراحه.. يعني بارحه استراحتي و اليوم و باجر حنشر بارت

...

ريم..كعدو الكل ع سفره .. اني رحت كعدت يم ماما
و همه كلهم منطلقين يضحكون و يذكرون ايام قبل
خلود..رغد شوووكت تجي
قاسم..كالت العصر حتجي
خلود..شلونها ويا زوجها انشالله مرتاحه
قاسم..لا الف الحمدالله حاطها بعيونه
خلود..اي تستاهل رغوده

ام حمزه رفعت راسها وباوعت عليه و على ماما
صبا..منو معرفتونا؟؟
فوزيه..حليمه زوجه خالد الثانيه و بتها
صبا..يااااا يعني هاي بت خالد
الحجيه امينه بسرعه صاحت
..لا ييييمه شنو بنته هاي اصير بتها من زوجها الاول
كلهم سكتو و ضلو صافنين علينا
و عمو خالد ضل يخزر بأمه

اني و ماما بسرعه دنكنا راسنه
شكد استحيت لان الكل يباوع علينا
بس الجده فوزيه غيرت الموضوع
فوزيه..اي اكلو هذا الدجاج شويته ع فحمم
شني شو صافنين على الاكل..تره ما تكومون الا تخلصونه

ريم..داكل و باوعت ع هاي ام حمزه صبا
وكعت تمن ع سفره..اخذت نفس و صبرت روحي
بس نوب ضلت توكع باللبن
ذبيت الخاشوكه و ضليت اباوع ع الاكل الواكع اتمنى هسه اكوم و المه..بس استحي..فدرت وجهي حته ما اباوع عليها وعلى الخبصه السوتها

اسراء..ريم شو مدتاكلين
فزيت وباوعت عليها
ريم..شسمه شبعت
فوزيه..شني شبعتي هو شكلتي انتي..اكلي اكلي بنتي مايصير شوفي جسمج جنج عوده مطيرجي..دسمني روحج خلي يصيرن لحمات بجسمج
بلعت ريكي
عكدت حواجبي و باوعت ع ماما
ريم..عود شنو عوده مطيرجي
ماما ضحكت و اباوع ع حمزه غص من الضحك
عاد اني هنا كمت من السفره..و همه ضلو ياكلون

غسلت و رحت للمطبخ..فتحت حلكي ع الهوسه الصايره بي..اخذت نفس و كفيت الردن مالتي و شلت شعري ع شكل طماطه..و رحت اللملم و اغسل بالمواعين
لحد مأجت اسراء و هدى و جايبات الصواني
ريم..خلصتو
اسراء..اي وخري اني اساعدج
ريم..لا عوفيني انتن لملمن واني اغسل المواعين

خلصنا من المطبخ..و طلعنا اتلاثتنا سوه..صعدنا فوك بالطابق الثاني.. دخلنا بغرفه
جانت طولانيه و بيها بس جربايتين
و كنتور و يم الكنتور تلفزيون
اسراء بسرعه باوعت عليه و ابتسمت
..اني اكول لجده فوزيه يجيبون بعد جربايه..هنا يحطوهاا
ريم..لا شنو عادي اني انام ع كاع
هدى..اي خليها تنام ع كاع لان اذا بعد نحط جربايه اصير محلوه الغرفه و تخنك
بس باعن باعن الشباك شطوله مال غرفتنا

رحت وراهه و فتحنا البرده..جان الشباك يطل ع بساتين وره و اشجار هواي و نخيل
هدى..يا ولحض..عبالي يطلع ع بيوت شي طلع ع البساتين و الشارع العام
ريم..اكلكم شنو هذا البيت الصغير
باوعت جان اكو بيت كولش صغيره بس عبالك صاير طبك ويا البيت مالتنا