#الجزء_التاني
#من_قصة_اللعنه
للكبار فقط🔞🔞
مش هكمل غير لما الاقي مشاركات وتفاعل كتيير عشان انا بكمل قصصي😰
البنات سافروا معايا طبعا انا خدتهم معايا ابقا حصلنا انت بقا...!!
سمعت كلامها من هنا
والتليفون وقع من أيدي ..!!!!
قلبي وقف ...!!!
باب الحمام اتفتح ...!!!
مستني اشوف مين اللي هيخرج من الحمام ...!!؟؟
بصيت جنبي اشوف انا حاضن مين ولاقيت ؟؟ ......
بصيت جنبي أشوف أنا حاضن مين واتفزعت من اللي شوفته
حاضن بنتين اه !!
بس مش بناتي ...؟؟
بنتين في نفس سن ولادي بس شكلهم مرعب اقرب للأشباح منهم للبني أدمين وبيبوصولي نظره خلت جسمي اترعش ..!!
حاولت أقوم من جنبهم بس كانوا مسكين في دراعاتي وكأنهم مكلبشينها ...!!
مش قادر اتنفس من خوفي قلبي خلاص قرب يقف من الرعب ...
بصيت علي باب الحمام لاقيتها خارجه منه بس برده مش دي مش مريم مراتي خالص .....؟؟
واحده شكلها مفزع شعرها طويل واسود كحل وشها مش بايين من كثافة شعرها زي م مريم وصفتها ..!!
وجايه ناحيتي ببطأ ...!
حاولت أقوم رغم اني مكنتش حاسس برجلي من الخوف والرعب ...!!
حاولت بس البنتين كانوا لسه مكلبشين في أيدي ومقدرتش أتحرك من مكاني ...
دخلت عليا الاوضة وقربت اكتر مني اكتر بيني وبينها مفيش ...
جسمي كله مولع ...حراره رهيبة وفي نفس الوقت بيرتعش خلاص وشها بقا قدام وشي وشعرها نازل عليا بصوره مخيفة تخيلوا الموقف ..
سامع نفسها وفجأة رفعت رسها ووشها بان ..؟؟
منظر مشوفتوش ولا هشوفه تاني ...!
مقدرتش ابص غمضت عيني ....
حسيت بأيد بتتلمس جسمي والنفس بيقرب اكتر تقريبا وشها لمس وشي وبصوت واطي غريب خشن قالتلي ....
انا مش هأذيك دلوقتي بس قدامك ثلاث ايام تفك "اللعنه"" وتحرر أرواحنا انا وبناتي والا هأذيك
انت ومريم وبنااااااتك ....
وكررت الكلمة ...؟ ثلاث ايام ....
البنات سابت أيدي فتحت عيني لاقتهم داخلين اوضة الأطفال هما التلاته ....!!
وقبل متخش لفت راسها وقالتلي اوعي " ترمي العروسة " واوعي تنسي قدامك ثلاث ايام ..
.. ودخلوا الاوضة والباب اتقفل لوحده ورآهم ...
انا خلاص تقريبا انهرت ووقعت ع الارض محسيتش بحاجه ..
فوقت بعدها مش عارف بعد اد ايه بالظبط علي تليفون بيرن ...
مريم : احمد انت فين قفلت ليه وليه مكنتش بترد عليا طمني عليك ..؟؟
قولتلها انا كويس هغير وهسافر واجي حالا خلي بالك من البنات وقفلنا ...
قومت براحه افتكرت كل حاجه استعذت بالله وقومت خرجت من الشقة براحه وانا في قمة الرعب
وقولت أسافر وعمال أفكر في اللي حصل...
لعنة ايه اللي هفكها؟؟
وعروسة ايه ؟؟
انا مش هاجي الشقه دي تاني وهقدم علي طلب وارجع مكاني القديم والحمد لله علي كده اننا متأذناش انا ومريم وبناتي ....
رجعت البيت وحماتي كانت عندنا مريم كلمتها عشان اعصابها تعبانه تقعد معاها لحد مرجع ..
سلمت عليهم واطمنت علي بناتي وحماتي سبتنا وروحت بعد مقالتلي اوعي تروح الشقة دي تاني بعد م مراتي حكتلها طبعا وقولتلها مش هروح ...
مراتي بصتلي وقالتلي وكانت متعصبه جدا ...؟؟
مصدقني مش مصدقني يا احمد براحتك بس انا مش هسافر معاك تاني ...!!
انت مشفتش اللي انا شوفته يا احمد وقعدت تعيط ..
قولتلها انا شوفت يا مريم بنفسي انا مصدقك...!!!
اتفاجئت وانهارت اكتر وقالتلي شوفت بقا اني مكنتش بكذب عليك وانهارت من العياط ..
سكتت عن العياط وانا كمان سكت لما سمعنا أصوات جايا من المطبخ...؟؟؟
مريم باصيتلي بصة خوف واستنكار وقالتلي ..؟
خش شوف فيه ايه في المطبخ ..!!؟
سامعين صوت المياه مفتوحه وكأن حد واقف بيغسل او بيطبخ جوه ....!!!
استعذت بالله وروحت اتجاه المطبخ ...!؟
سامع تكسير وصوت حد ماشي جوه ...؟؟
رايح علي هناك ببطأ وانا مرعوب من جوايا...
دخلت ..؟
لقيت المياه مفتوحه والشباك مفتوح وكل شعل البوتجاز مولعه وكلام بالدم مكتوب علي الحيطه ..؟؟ قدامك ثلاثة ايام والعروسة ..
ومفيش حد في المطبخ وفجأة مريم صرخت ...؟؟؟
خرجت جري لاقتها منهاره علي الارض وبتترعش ومصدومة وكأنها شافت شئ فظيع ...؟؟
في ايه يا مريم مالك قولليلي ...؟؟
مبتتكلمش وبتشاور بصباعها علي المطبخ ...؟؟
اتكلمي يا مريم في ايه ...؟؟
قالتلي وهيا بترتعش اني بعد انا مدخلت المطبخ نفس الواحده بمنظرها البشع خرجت من جنبي ووقفت قدامها وقالتلها ثلاثة ايام ....!!!
بس انا مشفتش حد خارج من جنبي ..؟؟
هما ايه سابوا هناك وهيجوا يرعبونا هنا ..؟؟
خدتها في حضني بحاول أهديها واطمنها وفجأة نسمع صرخة من اوضة البنات...
طلعنا نجري احنا الاتنين علي اوضة البنات فتحت الاوضة بسرعة واللي شوفته مع بناتي صعقني وشلني في مكاني .....!!؟؟؟؟؟
يتبع
YOU ARE READING
آلَلَعَنٌة
Horrorرَعَبّـ وُ شّـقَة مِـسًـكَوُنٌة آحً ـتُرَقَوُآ جَ ـمِـيّعَآ آمِـآمِـكَ ثًـلَآثًـة آيّآمِـ لَفُكَ آلَلَعَنٌة وُ آلَآ آذٌيّتُكَ آنٌتُ وُ عَآئلَتُكَ آحً ـضـرَهِ لَنٌآ لَآ تُتُرَكَنٌيّ (مكتملة)
