جريت نفسي و رحت مشيت بأتجاه فارس امشي بخطوات ثقيلة و هو صاافن وكفت كباله ..
هو حس بوجود أحد واكف يمه باوع و شافني اني
أستغرب وكفتي و تفاجئ من شاافني هيج ..كال بهمس : ميامين ؟
دموعي ظلت تجري كباله و هو يباوعلي مقهور
انتبهت مكور على قبضة ايده بقووه يعصر بيه
كال بهمس : شلونج ميامين ..ابتسمت بأستهزاء بوسط دموعي كتله بقهر
: و يهمك لوني فاارس ..عكد حواجبة و كال :ليش هيج تحجين ..
جاوبته بعصبية : شتريدني احجي وي واحد هو السبب بموت أخوي ..
رخت اعصااابه و هدء نفسه كام يباوعلي بحيرة
على صدمة و خوف كال : شنو شتحجين ميامين ..كمت ابجي و اكله : مو أنت هسه كلت انت السبب
بموت اخوي ..هز راسه بنفي : لا مو اني السبب ميامين صح حجيت هيج لابوج لان احس بقهر بداخلي و اني اشوف صويحبي متمدد بلكبر و حجيت هيج لان متندم ..
كتله :على شنو متندم على اهمالك غير ..
كال بخنكة : ميامين لا تحجين هيج فدوة و تزيدين عليه ..
كتله : اني شكوو أنت الي حجيت هيج انت كلت لأبوي اني السبب شتريد تسمع انت يكلولك لا مالك دخل بلي صاار هذا قضااء و قدر ..
كال بقهر و بحدة: لا تقهريني ميامين ..
كتله بصياح : اقهرك مثل ما قهرتني و قهرت أهلي
اكلك انت السبب لو مو اهمالك و الاستهتار جاان اخوي يمي ..بجيت و ظليت اشهك ماكدر احجي ظل صافن عليه
مصدوم و دموعه تجري كال بهمس :
الا أنتي يااا ميامين لا تسوين بيه هيج خلهم كلهم يلوموني بس انتي لااا ..ظليت اشهك العبرة خانكتني و حسرة بداخلي
لو شماا ابجي مراح تطلع كتله بشهكة : اا انت ا السبب
ا اخووي ج جان هسه يمي و يضحك وياي و يسولف
ج جااان هسه هو يمي و اشتم بعطرة الي فقدته...كال بهمس : سامحيني ميامين مالي ذنب اني والله ..
صرخت بوجهه و ابجي : مراااح اسامحك ..
اجت جوري على صوت صياحي شافتنه هيج
كالت : شكوو شبيكم فاارس شبيك ..انتبهت عليه وجهه احمر صااار و تنفسه ضااق
كوه يتنفس خله ايده على ركبته مختنك فتحت ازرار قميصه و دموعه تجري يريد يكح ما يكدر ظليت اباوعله مصدومة من الي يصير ...جوري من شافت حالته عافتني و راحت عليه
دموعه تنزل بس وخرت ايده من ركبته لان ضاغط عليه اكثر مثل الي يريد يخنك نفسه ..كالت اله : اهدئ فااارس ماكوو شي بس اهدئ ..
ماكو اي فاايدة ما يكدر يتنفس انخلست من شفته هيج
يباااوع عليه بنظرات ندم و حزن ..
البارت الرابع و الأربعون
ابدأ من البداية