أحببتها بين زخات الانتقام

31

- عزام ابن الفلاح جان يشتغل عدنـة الجتلو.

- يا سبحان الله يشبه ابوه ، يل غمة هم بشعة ومشوهه ومصاحبة ابن الفلاح من دهر صابج.

- حبوبة فدوه لآ يخطبني ولله ماجنيت شي وِيِّ ولله فدوه.

- انصمي ناوية تبكين علـى كلوبنة كل بت نهايتة الزواج
غصب علي راسـج خاف مصخمته ويه وچ.

- لآ وحك علي  ماعملت شيء.

هي طلعت وطبكت الباب .. سديت الشباگ وجعدت بدوشكي غطيت راسي
ما اريدن ازوجة .. يالله اخذ رويحتي ليش اخذت نهر اخذني آنـه ..

هو شاب وحلو وانه مشوهه شكلي بشع .. ما اريدنه .. موش كالت شايب آنـه موافجة علي .. گعدت ثاني يوم وجفت كبال المراية فتحت الشال الي علـى وجهي .. عيوني زرگ ومورمات .. تلمست بيدي وجهي صح محترك بس ملمسة ناعم كلش ..

اندك الباب بسإع لفيت وجهي بل شال .. سرت فتحته عاينت ربابة گالت -:
- عمه تكول بدلي ثيابج لفو نسوان يعاينون عليج .

هزيت راسي وسرت غسلت وجهي ولبست اسود وطلعت .. اليوم مامِشٌ عجين الصبح ولا ريوك كله صايمة .. جعدت بل مطبخ .. يم سدن تخيط بل مخدة .. لفت عطية صاحت ااااانهضي البسي احمر اخضر شنهي اسود ؟.

- مالبس اختي ميتة شنهي هاي الاوان ؟.

- أاه مشتاكتلهم الدار موش حليو بدونهم .. يله انهضي طبي للنسوان لآ تنزعين علـى وجهج لآ يكمزون وينهزمون .

عاينتله صفح ونهضت طبيت خمس نسوان كاعدات كبار بل عمر .. لابسات عبي وحده عاينت علي كالت محمد صلاوات شنهي هل جمال ..

ابتسمت هي عاينت بس ربع وجهي وعيوني .. كعدت بصف حبوبتي وحده  صاحتني اشرتلي اكعد يمه .. سرت كعدت بصفها كالت -:
- آنـه مرت عم عزام هو عمي كلي عليج حلوه بس ما توقعت هج حلوه انزعي الوجهج خلي اعاين.

- لآ ماكدرن انزعه .

عطية گالت -: نخاف علـى جمالة مانخلية تنزعة .

عاينتله صفح شنهي تحجي صحيح غير تكلهم آنـه مشوهه .. لفو زلم كعدو يم جدي وعمامي .. آنـه نهضت طبيت لحجرتي .. مثل الموس بل بلعوم لآ اكدر اطلعة ولا اطببة ..

طبت حبوبتي عطية گالت -:
- لچ راح سهم يساااالج اذا تكليله ما اوفگ اكل لعمامج عليج موش تعانديني

- انتِ ماكلتي الهم آنـه مشوهه عيب تغشيهم مايصيرن .

- منهو ياخذج ؟؟ ، هو بلعرس يدرون بعد مايكدرون يرجعوج .

- مااااااريدن انه ماريدنه زوجيني للللشايب حجي ولا هذا ماريدنه.

هي غمتني وطلعت هين عنده هي تكرهني ترد بس تخلص  مني .. ثاني يوم طب سهم گعد گبالي گال -:
- آنـه صح موش عمج بس اعتبرج بت أخوي .