أحببتها بين زخات الانتقام

31

السلام عليكم ..❣⏳❣️
أحببتـها بين زخاات الانتقـام [ملحمة الحب]
البارت -31-
بقـلـ✍️ـم / اطيـاف راحلـة

گبل قراءة راجعو البارت السابق .
اعتذر عن تاخير واسفـة جداا وللـه بسبب الظروف هاي اول قصة هيج اتاخر بيها.

انطبع رسم هواي بمواسط حشاي
خلاني أون والناس تبچي اعله مبچاي

""
حُسن ..

سرت جوه كعدت بلحجـرة سمعت حس على جامة جن انركع شي  وخرت البردة عاينت عزام فكيت عيني خزرته اشرلي صوبي.

اشرتله روح رووح لآ يلفي احد ..هو جتف ايده واشرلي صوبي ..خزرته هو خزرني فكيت الشباك همست رووح عليك الله .

- صوبي هني احاجيج جم جلمة موش كلتلج ارد احاجيج؟

حجيت بتوسل-:
- شتريييد عفية روووح ولله يجتلووني.

- شحده اليمد ايده وانه موجود افااااا آنـه غير عزام.

ردت اسد الشباك هو حط ايده همست بعصبية -:
فكككك عني عزاااااام بسگ تعاند.

- اذكرتيني يعني؟
- أي اعرفنك شنهي التريدة موش تعرف عمامي ما يرضون شخص غريب يحجي وِيِّ بت .

- حُسن اعرف بس أريـدن واصلا آنـه ما جنيت شي غلط وياج انتِ متعصبية شمالج اليسمعج يكول جاتل اهلج.

تنهدت ابطئ-: شنهيييي الترررريدة؟
- وجهج بعده لو عاد نفس مجان؟
- لآ بعده وشعليك انتَ يخوي أتبااعد منااااا احسلك واحسلي خوش ؟

هو راد يحجي وسمعت حس انفتح الباب ..!!!
التفت عاينت حبـوبتي عطية طبت شادة راسـة ..!!
آنـه بسإع فگيت عيني وحطيت ايدي علـى حلگي .. هي انشدهت عاينت لـ عزام والي فاگـة عينها صاحت شنهي هني شيصيرررررر؟؟؟؟؟

عزام حجـه -: مامِشٌ شيء لآ تعيطين حبوبة لآ يسمعون .

عطية -: خايب قزل قرط لج حسيييينه هذاا منهو احجي؟؟؟؟ ، لآ تخليني اصيح عمامج تاالينه حديثات علييي يفضحنة بين الوااادم وينزلون راااسنة برابيك طالعات على امجن .

عزام صاح -: عيب عليج هذن احفادج شنهي هلحجي عمي آنـه اخطبة رايدها بل حلال اخلاقة تسوه السلف .

دمعت عيني عاينتله اشرتلة ينصم ..عطيـة گالت -:
- اذا بيك خير وغصب علـى راسك تخطبة صخمتو وجهنه .

كتله بصدمة -: حبوبة ما  عاملين شيء احنـه والعباس فديوه لآ تحجين .

عـزام -: يابة صمي حلكج رايدج بلحلال.
عطية -: چا شتسوي يم الشباك ولله والحسين اصيح عمامة هسه اذا ماتجيب ابيك وتخطبة.

عـزام -: اجيب عمامي باجر شنهي قابل ناهب يله آنـه اترخص
نعست .

حبوبتي گالت -: هذا الوليد موش غريب علي منهو هذا؟؟