ခွန်မြဲနှင့်ခံ့ လှေကားပေါ်မှဆင်းလာတော့ အန်တီနုက ဆီးပြောသည်။ခွန်မြဲ ကလည်း "လာလေ" ဟူသည့် သဘောဖြင့် သူ့ကို ကြည့်လာသည်မို့ ခံ့ မငြင်းလိုက်တော့ပေ။
ထမင်းစားခန်းကလည်း သပ်သပ်ရပ်ရပ်။
ရေခဲသေတ္တာတစ်လုံး၊စားပွဲတစ်လုံးနှင့် ထိုင်ခုံ၅ခုံသာ ရှိသည်။
ခံ့လည်း ခွန်မြဲထိုင်နေသောခုံ၏ ဘေးခုံမှာပင် ဝင်ထိုင်လိုက်သည်။
အန်တီနုကတော့ ခွန်မြဲကို အုန်းနို့ခေါက်ဆွဲထည့်ပေးရင်း "သားခံ့ရော စားပြီးသွားပြီလား" ဟုမေးလာသည်။
"ဟုတ်ကဲ့ အန်တီ။လာမပို့ခင်တည်းက စားပြီးပါပြီ။ဟီး..." ခံ့က သွားအဖြီးသားနှင့်ပြောလိုက်တော့ ဘာရယ်မဟုတ် ခွန်မြဲ ငေးမိသည်။
"ဟိန်လေးက ဒီလို အုန်းနို့ခေါက်ဆွဲတို့၊မုန့်ဟင်းခါးတို့ဆိုသိပ်ကြိုက်တာ သားရဲ့။
အန်တီကလည်း အလုပ်တဖက်နဲ့ဆိုတော့ သေချာလုပ်မကျွေးဖြစ်ဘူး။
သားအမေ လက်ရာက ဘယ်တော့မှမရိုးဘူး။"
"ဟုတ်ကဲ့ပါ အန်တီ။တကူးတကကြီးမဟုတ်ပါဘူး။ခွန်မြဲ ကြိုက်ရင် သား နောက်ဆိုလည်းလာပို့ပေးမယ်လေ။"
သွေးရောင်လွှမ်းနေသော ခံ့ နှုတ်ခမ်းထူထူတို့၏ လှုပ်ရှားမှုက ခွန်မြဲ အတွက် အကြည့်မလွှဲချင်စရာ။
မဖြူမညို အသားအရည်က ခံ့ မျက်နှာကျနှင့် တော်တော်လေးလိုက်ဖက်သည်ဟု ခွန်မြဲ တွေးမိပါသည်။
အရပ်ရှည်ရှည်နဲ့မို့ ခံ့က ကြည့်ကောင်းတာထက်ပိုပါသည်။
အကဲခက်လို့ဝမှ ခွန်မြဲ
အုန်းနို့ခေါက်ဆွဲကို ငုံ့စားသည်။
အန်တီနု က ခိုင်ခံ့နှင့်ခွန်မြဲအတွက် နွားနို့တစ်ယောက်တစ်ခွက်စီနှင့် ခိုင်ခံ့ရှေ့တွင်ဘီစကစ်မုန့်တစ်ပန်းကန်လာချပေးသည်။
"အန်တီတို့ အပျိုတုန်းကဆို သားအမေက
အမြဲမုန့်လုပ်ကျွေးနေကျ။ခိုင်က ကိုယ့်အစ်မအရင်းလိုပါပဲ။"
ခွန်မြဲအမေက လူငယ်တစ်ယောက်လို သွက်သွက်လက်လက်ဆိုလာတော့ ခိုင်ခံ့ ပြုံးလိုက်မိသည်။
YOU ARE READING
ခိုင်မြဲစေလို...
Teen Fictionဆယ်နှစ်ပတ်လည်၊လူမမည်ဝယ်၊ ကြိုးအထပ်ထပ်၊ရစ်နှောင်ဖွဲ့သည့်၊ နှစ်ဦးသစ္စာ၊ချစ်မေတ္တာတို့ ခိုင် မြဲ စေ လို...♡︎ Can be read in both Zawgyi and Unicode.✨
♡︎(4)♡︎[U+Z]
Start from the beginning
