جدة ،، هاذا هوة وانتي لا عبالج عجزت ومافهم
ترئ وليد عمج رايدج وشاريج لا ضيعينه من ايدج
ملاك ،، جدة كتلج راح ابتعد وافكر والله كريم
جدة ،، الله كريم
ملاك ،، كمت صعدة الغرفتي غسلت وغيرت ملابسي
تراك برمودة اسود ومذهب. من جااغير ملابسي لفت نضري بقعه سودة بنفسجية علئ صدري الايسر وكع قلبي واحس عرقي صار ينظح كلت اكيد ذاك المرض لانو من لزمتها وجعتني هاي اول مرة انتبه عليها
سابقا ممنتبها ولانو حمام بيت ماهر مابي مرايا
ومن رجعت من المستشفئ غسلت بحمام غرفة
احمد مابي امرايا فما انتبهة بس دائما كنت احس
باالم بهل منطقة لبست ولفيت شعري بااهمال وطلعت اسمع صوت اخوتي جوة ارجف مثل سعفة هاذي تالي حياتج ياملك تنصابين بذاك المرض لا يارب دخيلك
بلا مااحس نزلن دموعي طلعت حافية وارجف لزمت محجر مال الطابق الثاني الي فوق الصاله واباوع كل الولد كاعدين جواي اريد اصيح احجي مااكدر وهم يحجون لازم اصيح بصوت عالي بس من الرجفه مااكدر احجي اخر شيئ بصوت يرجف صحت
ملاك ،، مممححمد
ملاك ،، الكل باوع عليه وستغرب حالي كتله تعال
وحدك كتله وحدك من شفت احمد اجه وياه
- محمد ملاك ابد مو طبيعيه اول مرة اشوفها بهل حاله سويت درج خطوتين صعدت لعدها واحمد وراي بس بطيئ لان ملك متريدةوصلت كتلها شبيج
- ملك ملاك حضنت محمد حيل وابجي
محمد ،، شبيج حبي ليش البجي احجي
- ملاك وخرت من حضنه وسحبته من ايدة بتجاه
غرفتي وكتله تعال يمشي وياي والقلق والخوف
واضح بعيونه دخلنا غرفتي وقفلت الباب كتله
ملاك ،، محمد اني اختك الكبيرة وامك صح
محمد ،، صح
ملاك ،، انت دكتور اليوم اعتبرني مريضتك وعليك بداعتي تحجي صدك علئ الي راح تشوفه
محمد ،، ملك دخيلج احجي هبط ضغطي احجي
ملاك ،، فتحت سحابت التراك ومحمد يباوعلي
بقلق نزلت بعدت الكيمونه شوي وكتله
ملك ،، باوع هاي شنو
- ملك احجي و ارجف كتله
ملك ،، بداعتي احجي صدك
- محمد من شفت ملاك وشفت البقعه علئ صدرها
وثانيه متااكد مانتبهت عليها بعنقها خلف اذنها
مخفت لانو عرفتها بقعه خارجية وهيه عبارة عن كتلة مكتضه اثر تعرض سطحي للجلد الخارجي واحدث تشقق ببعض الشراين الشعيريه وهاذ يحصل احيانا اثناء العلاقات الحميميه او تعرض جلد الانسان لاحتكاك قوي او اصابه متوسطه باوعتلها وكتلها
محمد ،، ملاك ولو سؤال محرج بس اني حاليا
دكتورج مو اخوج
ملاك ،، احجي
البارت السابع والعشرون
ابدأ من البداية
